============== تم تحميل هذه القصه من موقع دنيا الألماس http://www.s12345.wapka.mobi/ =============== قصة ريم والوليد ((الجزء الأول)) في البداية بعطيكم فكرة مبسطه عن أشخاص القصة.. أبو إبراهيم: داخل شراكة مع أخوه وهم من أكبر أصحاب الشركات بالبلد. إبراهيم الولد البكر يدرس رابع كليه في علوم الإدارة عمره 22 سنة أخته ريـم تدرس ثالث ثانوي .. أم إبراهيم وأبو إبراهيم منفصلين عن بعض من كانت ريـم في بطن أمها. أبو إبراهيم كان متزوج قبـل ماينفصل عن أم إبراهيم بشهور .. وله عيال من زوجته الثانيه وهم: فيصل +ديمه: ثاني ثانوي أصغر من ريم بسنه وهم توأم لينا:ثالث متوسط.. أبو إبراهيم كان رجال ونعم فيه,, أخوه محمد توفى هو وزوجته في حادث سيارة وهو اللي تولى تربية ولد أخوه الوليد وأعتبره مثل فيصل بس الإختلاف كان في فارق السن حتى فيصل الوليد هو اعز أصدقاؤه رغم فرق أربع سنين اللي بينهم لكن كانت أفكارهم جدا متقاربه من بعض. الوليد يدرس جامعه قسم ترجمه... و ريم عايشه مع أمها وأخوها إبراهيم في بيت تكفل في مصاريفه أبو إبراهيم كانت أم إبراهيم طالبه من أبو العيال أنه يخلي العيال بحضانتها وأبو إبراهيم يعرف إن العيال لا يمكن يستغنون عن أمهم وأن الأم ماتقدر عنهم خلاهم يعيشون عندها ويجي كل ويك إند ياخذهم يقعدون عنده في البيت لأجل يشوفون إخوانهم.. أم إبراهيم لها أخو من الأب أصغر منها بفارق سنوات كبير.. ( ونــبــدأالحــيـــن الـــقــــصــــــة) إبراهيم : ريـــــم يالله ياريـــم تأخرنا أبوي دق علي 3 مرات يسأل عننا .. ريـم: زين ان شاءالله بس جايتك فكنا من شرك.. التفت إبراهيم على أمه حب راسها وودعها والأم تقول كل يوم كلمني طمني عليك وعلى أختك دير بالك على أختك لا يكون أحد يزعلها !! قال إبراهيم ولا يهمك يالغاليه انا أقدر ماأكلمك ؟؟ نزلت ريــم من فوق وهي شايله عباتها وتبرطم على الشغالة إبراهيم : شفيك شفيك ؟؟ ريــم : مدري متى تفهم هذي وتكوي عباتي من غير قول؟؟!! إبراهيم: الله يعينها عليك بس هي فيها حيلك هالعجوز ؟؟ ريم : تقول شيء ؟؟ إبراهيم : لا سلامة راسك عجلي بس ورانا طريق.. ريم : وش طريقه كلها ربع ساعه وحنا طابين بالخبر التفتت ريم على أمها وودعتها وحبت راسها ومسكتها امها وحضنتها بقوه كان عندها احساس بشيء بس ماتدري وشو (وأعطتها الديباجه المعتاده من نصائح و..و..وإلخ) وقامت تبكي الأم من غير حيلها وعلى طول خمتها ريم وخمها إبراهيم وهو يقول يمه كأننا أول مرة نروح حنا كل ويك اند نروح ونرد بس قطعتي قلبي..وكلها يومين وبنرد إن شاءالله والأم تقول الله يردكم بالسلامه لاتطولون علي.. وحبتها ريم وحضنتها بقوة وهي تقول بس يايمه ..خلاص ياإبراهيم مابي أروح واخلي أمي روح أنت وسلم لي عليهم وأنا بتم عند أمي .. إبراهيم: لا وينك انتي مافيني استحمل هوش ابوك لا درى انك مو معي ؟؟ الأم : لا خلاص ياريم خلاص يا يمه روحوا وانا بنتظركم بس لا تطولون علي .. وودعوا أمهم وراحوا يركبون السيارة وريم كان قلبها يتقطع على صياح أمها .. ركبوا السيارة وبالطريق كان الجو شوي جامد ومافي أي تعبيرات حب إبراهيم يغير الجو على أخته خاصة وانها طالعه وهي متكدرة على أمها قال لها بوقف عند المحطه أعبي بنزين تبين شيء من البقاله ناظرت ريم على طول التانكي وقالت:مو كأن التانكي مليان وش بتعبي ؟؟ لقط إبراهيم وجهه وقال لا بس ابي البقاله تبين شيء منها قالت سلامة راسك ؟! وقف إبراهيم عند البقاله ونزل والتفت على ريم وقال لها شوي وبرد .. ريم صرخت إبراهيم بليز لا تنسى تقفل السيارة أخاف !! ضحك إبراهيم وقال ما تكبرين انتي ولا يهمك بقفل السيارة واشيل المفتاح عقب مانزل جلست ريم تتفرج على الأشرطة الموجوده لقت شريط منوعات شغلته وكانت الأغنيه لـ حسين الجسمي (أمي) وكانت تقول الأبيات: ياأمي ياغلا الـــدنيا وأصدق عاطفه في الكون وأدفى حظن يحـظني واكــبر قــلــب يــحـويـني.. أنـا بــك دنــيتي جنــه وبـــسماتــك مـطـر ومزون وضحكاتك ربيع أخضر زهــــــوره فــتــحـت فيــني اذا شـفتــك أرى الــدنيا صبــاحك بالفــرح مسكــون وإذا غبتــي عن عيونــي يغــيـــب النــور عـــن عيني وقفت ريم عند هالبيت بالذات وإذا( غبتي عن عيوني ** يغيب النور عن عيني ) نزلت منها دمعه حارقه فعلا دمعه من القلب دخل عليها إبراهيم ولقاها تصيح ماكان يشوفها لانها متغطيه لكن كان يحس بصوت صياحها ركب السيارة وسكر المسجل وقال لها: ليش ريامي تبكين فقدتيني ؟!! وهو يضحك ريم : إبراهيم مو متفيقه لك ابي امي ردني لها إبراهيم: ريامي امك مافيها الا كل خير ان شاءالله اذكري ربك انا اقول وش طيحك على هالشريط ظاقت يعني من بد كل الاشرطه مافتحتي غير هذا الشريط؟؟وش هالنحاسه؟؟ ريم : إبراهيم ابي امي واللي يسلمك ابي امي وصارت تصيح مثل الطفل التفت عليها إبراهيم وقال : ريامي بكره لا تزوجتي وش بتسوين ؟؟ زين عندي لك حل نكلم امي نطمن عليها ؟؟؟شرايك؟؟ اشرت له ريم براسها يعني ايه مسك الجوال ابراهيم واتصل في امه .. إبراهيم: هلا بهالصوت هلا بالغاليه شخبارك؟؟ الأم : هلا بك ياولدي أنا بخير بشرني عنكم تولهت عليكم؟ إبراهيم : أمداك تونا طالعين من عندك الأم: يابوي انا اتوله عليكم وانتم بجنبي إبراهيم: فدييييتك يا الغاليه زين كلمي ريم تراها ابلشتنا كله تصيح مثل البزران ريم: هلا امي فديت هالصوت شخبارك شعلومك وش مسويه تولهت عليك إبراهيم داخل عرض يقول لريم: حشا كم حرف في الثانيه تقولين؟؟ ريم تناظره بنظرات تهدد وتشر بيدها اصبر علي .. الأم:هلا في بنتي هلا بك بخير انا ياعمري بس لا تشغلين روحك فيني ريم: فديييييييييييتك يمه ابي ارد لك مابي اروح لابوي هالويك اند الام : لا خلاااص يمه انا بخير روحي وردي لي بالسلامه لا تطولون علي ريم : يمه مااوصيك على روحك ديري بالك على حالك.. إبراهيم: يكفي قرق حبيبتي هذا يصرف فوااااتير ريم: يمه شوفي ولدك البخيل يبخل علي بمكالمتك ذبحنا والمشكله تقل دافع من جيبه فلس كله من ابوي الله يخليه لنا الام : زين بنيتي لا ياكلك الحين اخوك يالله بخاطرك ديري بالك على روحك وسلمي لي على اهلك.. ريم : ان شاءالله مع السلامه الام : الله معك وعطت ريم الجوال لـ إبراهيم وهي تقول يوووه عسى مارفعت فاتورتك هالدقيقتين ؟؟ إبراهيم : تنحنح وقال لا بس مابيك تحفرين جادة على جوالي وضحك بقوه بالوقت هذا وصلوا الدمام وكانوا متجهين لبيت ابوهم قالت ريم امي مو عاجبتني احسها تعبانه قال إبراهيم : فال الله ولا فالك امي مافيها الا العافيه ... بالوقت وصلوا بيت ابوهم ولا فيه شاب واقف عند الباب ذبح ريم الفضول اللي ودها تعرف منهو هالزين أشر إبراهيم للشاب ونزل سلم عليه وريم شوي لا تموت ودها تعرف منو هذا وتفكر معقول يكون الوليد ايه بس الوليد يروح بيت خواله كل ويك اند وانا صار لي الحين فوق الثلاث سنين ماشفته ولا اعرفه حتى آخر مرة رحنا لندن ماكان معنا كان عند خواله ؟؟!! رجع إبراهيم بعد ماسلم على الشاب وقال لريم وش تنتظرين ؟؟ اجي افتح الباب انزلي يالله تنبهت ريم قالت:هاه وش تقول ايه طيب طيب فكني يالقفك الا إبراهيم من هاللي واقف عند الباب ضحك ابراهيم بقوه وقال : الله يالدنيا انا الملقوف الحين ولا انتي هذا ولد عمك الوليدانزلي وسلمي عليه... نزلت ريم ومرت من عند الوليد وقالت وهي حيييل خجلانه مرحبا وليد شخبارك؟؟ الوليد انتبه لها ورفع راسه ولا وش يشوف صحيح كانت ريم متغطيه لكن عيونها كانت تذبح رد عليها وهو مو داري وش يقول هلا بك ........ (وهو يقول في قلبه وش اسمها نسيته وش اسمها ياربي)شخبارك؟؟ وين صرتي بالدراسه ؟؟ من زمان عنك ولا كأن عندك عيال عم تسألين عنهم؟؟؟ ريم: تمام انا صرت بثالث ثانوي وينك انت ماشفناك من متى تصدق ماعرفتك اول الوقت لين قال لي إبراهيم وقالت له السموحه بدخل لاهلي الوليد : الله معك وهو يناظر مشيتها ياربيييه شالغزال عندي كل هالحلا ولا داري عيونها من جد تذبح ولا جسمها وش هالجسم ؟؟ تنحنح إبراهيم وقال احم احم احم احم وجع تطالع اختي وانا هنا واقف حتى مابعد تحركت ضحك الوليد وقال ولد عمها انا وانت وش لك أنا مثل أخوها ضحك إبراهيم : وقال اشوه على بالي شيء ثاني .. الوليد: ياشين اللي تفكيرهم يروح لبعيد .. هات عنك الشنطه وين ادخلها هذي لك ولا لأختك ؟ إبراهيم: لا حقت اختي خلهم يودوها لها بغرفتها الوليد: تامرني يابو عبدالله.والوليد يمشي بالشنطه كان يشوف عليهاالكارد حقهامكتوب فيه Reem Abdullah وكأنه وعى من حلم وقال بنفسه اييييه صح اسمها ريم يالله وش هالريم اسم على مسمى ودخل البيت واعطى الشنطه الشغاله وقال لها وديها فوق غرفة مدام ريم بس الله الله خوذي بالك منها وتراني خابرك مرجوجه تركدي فيها ضحكت الشغاله وقالت : انا في معلوم بابا الوليد: ماهقيتك تعلمين وش معلومه؟؟ الشغاله : اشرت على قلبها وقالت مدام ريم( يعني انت تحب مدام ريم) الوليد: اخس يانيوتن تدرسين الجاذبيه العينيه واثاريك فاهمه ؟؟وديها بس وخليك في جوز انتي كومارو ضحكت الشغاله واحمر وجهها والوليد ميت من الضحك عليها مشى وخلاها وراح يم العيال (إبراهيم + فيصل ) ريم دخلت على اهلها وعلى طول راحت لأبوها وضمته وحبت راسه وبعدين التفتت على مرت ابوها وحبت راسها وضمتها .. مرت ابوها: هلا باللي لفانا شخبارك يابنيتي شخبار امك ؟؟ ريم : كلنا بخير الله يسلمك ياخاله من كل شر وسلمت على اختها لينا وضمتها قالت لها لينا : تولهت عليك؟؟.. ريم: اخس يالمكاره وين تولهتي علي وانا الويك اند اللي فات عندكم ؟؟ ريم: اجل ديمتي وينها ؟؟ مرت ابوها: والله اكلناه على الغداء اليوم ماكان في ثلاجتنا شيء واشتهيناها وطبخناه ريم:ههههههههههه عسى متسبحه بس؟؟؟ ديمه وهي نازله مع الدرج : وش تحشون انتم ايه طيب مابي اسلم عليك ياريموه ريم: لا تكفين ماينفع كذه مااصبر عنك ولا على زعلك ديمه : اعرف وجت تركض وضمت اختها وقعدوا يسولفون الا دخل ابراهيم ... الابو: هلا وسندي وبذراعي الايمن ريم : خيييييبه ماجاني نص ماجاك من الترحيب يالقطو مرت الابو: غلاكم من بعض ووكلكم مثل بعض حتى عيالي مثلكم اما كنتم اغلى منهم شويه لينا: ماافوتها لك يمه ضحك إبراهيم : كلك خير وبركه ياخاله الله يسلمك وحب راس ابوه وسلم على مرت ابوه وخواته (دانه+لينا) وجلس شوي معهم .. بالأثناء كانوا فيصل والوليد بالملحق وزي ماقلنا كانوا قريبين من بعض حيييل وكل واحد يكمل الثاني وكل واحد بير عميق لأسرار الثاني شوي الا انضم لهم إبراهيم وصاروا يسولفون ويضحكون ويتذكرون ايام زمان الوليد : إبراهيم تذكر يوم نستهبل على ريم يوم ذيك السنه اللي كنا فيها بمصر؟؟ فيصل: شسويتوا قولو لي الله يخليكم إبراهيم : ماتذكر يا فيصل انت كنت صغنون كان عمرك حوالي6 سنوات وريم 7سنوات الا وش ذكرك بالسالفه يالوليد الوليد : تلعثم ماقدر يقول اختك يوم شفتها اليوم صرت احاول اتذكرها يوم هي صغيره وش كان شكلها؟؟ قال : لا بس خطرت لي!! فيصل :قولوا واللي يرحم والديكم قولوا وش سويتوا بالمسيكينه اللي طاحت بيديكم؟؟؟ الوليد: ياطويل العمر كنا نلعب جلاد حرامي وحنا بمطعم من أكبر مطاعم القاهرة وريم ازعجتنا بتلعب معنا دخلناها باللعبه بعد واسطااات من عمي ومرت عمي وقررنا نلعب عليها واتفقنا انها تطلع هي حرامي طبعا هذا كله بيني وبين إبراهيم وسلطان ولد عمي علي وشرطنا عليها انها ترضى بأي حكم غير الجلد وطلعناها حرامي وحكم عليها سلطان انها تقوم فوق الطاوله وترقص مصري طبعا كنا شارطين عليها من الأول انها توافق ***** غصب عليها ولا مابنلعبها ثانيه البنت وافقت ووقفت على الطاوله وصرنا نصفق لها وهي ...... وهنا راح فكر الوليد لبعيييد وصار يتذكر شكلها وهي ترقص وهو يقول بنفسه كانت صغيره بس كان رقصها حلووو تذكر شيء من شكلها ويقول بينه وبين نفسه كان شعرها طويل مدري قصته ولا لأ .. فيصل : اييييه شفيك سكت وش سوت هالمسكينه تنبه الوليد وقال هااه وين وصلنا ؟؟ضحكوا الشباب وقالوا الا انت وين وصلت هووقال لا بس تذكرت سلطان الله يرحمه تولهت عليه ( سلطان كان ولد عمهم وقريب منهم لكن يوم كان عمره 15 سنه غرق بالبحر وكان الوليد هو الوحيد اللي عنده وماقدر يتحرك ولا يسوي شيء وكأنه انشل وماقدر غير يصارخ له لين جو أهله لكن يوم فات الفوت وش ينفع الصوت وتوفى سلطان غرق ) إبراهيم: الله يرحمه ان شاءالله فيصل ماكان يتذكر سلطان لأنه يوم يموت سلطان كان عمره 8 سنوات ولا كان قريب منه مره ... لكن إبراهيم والوليد كانوا أقرب له من فيصل وبالحيل حزنوا عليه ومازال الحزن بقلوبهم فيصل : الله يرحمه بس كمل شسويتي بالبنيه ؟؟ الوليد: إنزعج منه وقال ياخي احشم الرجال وهو ميت فيصل : وش بسوي يعني العزا وخلص وش بسوي يعني؟؟؟ إبراهيم: كان وده يطرد عن روحه هالحزن قال للوليد كمل يا وليد كمل يبه حنا ماصدقنا ننسى ليييش تقلب المواجع؟؟؟ الوليد: وش وصلنا؟؟ إبراهيم:؟؟؟؟؟ مدري فيصل : رقت هالمسكينه عالطاوله ترقص .. الوليد: ايوووه وصرنا نصفق لها وهي ترقص هالمسيكينه والكل يطالعها مستغرب واحنا متفنقسين من الضحك هي استحت وقالت خلااااص بجلس بس حنا قلنا لاااا انتي وافقتي عالشرط من الأول وخليناها تكمل لين صاروا الناس يصفقون ويغنون معنا والبنت من الحيا طاحت من على الطاوله ... فيصل: عسى ماتعورت؟؟ الوليد: ات طاحت على .... على..... فيصل : على ايش؟؟؟ الوليد : وهو طاير من الفرحه علي انا!! إبراهيم: ياحبك تبهر لا طاحت علي أنا... الوليد : لا يبه علي أنا .. وتموا إبراهيم يقول علي أنا والوليد يقول علي أنا ؟؟؟؟ فيصل : بسس تقل بزران وش صار بعدين الوليد : وهي عقب ماتفشلت قالت : بلعب ثاني عشان افشلكم على شرط انكم توافقون على أي شيء يقوله الحاكم حنا وحنا نضحك ماتتوبين ياقعره طيب نلعب معك ثاني ولعبنا ثاني واتفقنا عليها بس هالمرة مارقصناها هالمرة خليناه تدور على العالم وتجمع جنيه منهم!! فيصل : خخخخخخ ياحووووووول الوليد: وجمعت ربع جنيه بس ولا خليناها تلعب ثاني معنا لأنها اخلفت بالإتفاق ولا جمعت جنيه كامل إبراهيم: بس طاحت علي انا وهي ترقص(كان قصد إبراهيم يستفز الوليد) الوليد تشوووف ابراهيم من طاحت عليه بعديين اعلمك واذكرك بالوقت دق جوال إبراهيم استغرب إبراهيم الرقم كان رقم غريب .. إبراهيم: ألو .......: السلام عليكم إبراهيم: وعليكم السلام ( هنا إبراهيم نغزه قلبه) ..........: الأخو إبراهيم إبراهيم: ايه نعم تامرني شيء يالأخو ...........: معك مستشفى المشاري ممكن تجي إبراهيم عدل جلسته وصرخ من عندكم لا يكون الوالده المستشفى : الا اخوي الوالده مريضه ولازم تجي بسرررعه إبراهيم: شبلاه شفيها يااخوي طمني المستشفى : انت تعال ومايصير الا كل خير ان شاءالله إبراهيم: جاااااااكم وصك السماعه حتى بوجه الرجال وقام مرتبش مايدري وش يسوي فيصل : عسى ماشر الوالده فيها شيء ؟؟؟ الوليد: وش صاير ؟؟؟ إبراهيم: أمي أمي أمي أمي بالـ... بالـ.... بالــمستشفى وش اسوي قامو فيصل والوليد يالله نروح يمهابسرررررعه إبراهيم:لا خلك الوليد أخاف ابوي يفتقدنا مرة وحدة يقلق علينا بنروح انا وفيصل الوليد: لا بروح معاكم إبراهيم : اجل فيصل تقعد فيصل : مااخليك بالحاله والله مااخليك بروووح معك إبراهيم : زين نروح نقول لأبوي لا يقلق علينا العيال: بسرررررعه راحوا لم أبوهم ودخلوا عليه إبراهيم : يبه بغيتك تعال الابو: وش فيكم؟؟؟ إبراهيم : تعال الابو راح لمهم وجروه برى البيت وقالوا له ان ام إبراهيم بالمستشفى ولازم يروحون الابو: روحوا ياعيالي كلكم يمكن إبراهيم يحتاجكم بس طمنوني إبراهيم: بس لا تقول لـ ريامي لا تقووول كان والله ماتنام الابو : فالك طيب يا إبراهيم وراحوا للسيارة وجاء إبراهيم بيسوق السيارة بس الوليد رفض وقال والله ماتسوق وانت بالحاله هذي ... إبراهيم : لا اقدر اسوق الوليد: لا ماتقدر وانت متخبل ومرتبش اذكر الله وروح بس للباب الثاني إبراهيم : استسلم وراح ودخل الوليد السيارة ومسكوا الخط للدمام وطول الوقت و إبراهيم يقول الله يجيب العواقب سليمه ويذكر ربه ويدعي وفيصل ماكان اقل حال منه يشوف اخوه بالتوتر هذا ومايقدر يتحرك ولا يسوي له شيء الوليد : حب يلطف الجو شويه شغل المسجل وكانت كمالة أغنية الجسمي( أمي) هو أول ماشغلها ماعرفها وكان اول مرة يسمعها لكن إبراهيم كان من كثر ماالدمعه خانقته مو قادر يقول طف المسجل وكانت الكماله تقول: عشقــــــتك والهوا طفل ربى في خافـــقـي الـمـفتون كبر هذا الطفل واصبح غــــــرامه يسبــق ســنــيــني الى الله رافــــــــــــع كفي دعـــاي انــه مــرضـك يهون عــسى يشــفــيـك لي ربي ياأمـــــــــــــــي يأنــظــر عيني وباللحظه هذي صرخ إبراهيم بسسسس طفه تخوبل الوليد وماعرف وش يسوي لان شكل إبراهيم كان حيل مؤثر وزياده الأغنيه كملت الناقص لكن فيصل تدارك الموضوع وقفل المسجل وقال اذكر ربك يا إبراهيم ان شاءالله خير يكون شوي مرتفع عليها السكر بسييييييييييطه ان شاءالله إبراهيم : يااااااااارب ساعدها وتم يفكر بينه وبين نفسه ياربييييييه ريم كانت حاسة باللي بيصير لأمي ياليتني طعتها وخليتها عندها ياربيييييه كيف اروح وانا عارف ان امي مو بالحيل وكنت أمثل على ريم واقول امي بخير عشان ماتخاف عليها انا الغلطان لو صار لأمي شيء مااسامح حالي أبد.. وصلوا المستشفى ونزل إبراهيم وفيصل بسرررعه والوليد راح يوقف السيارة بالمواقف وبيلحقهم دخلوا فيصل و إبراهيم ولقى إبراهيم خاله عند الرسيبشن راح يركض عليه وش فيها أمي تكفى ياخالي خبرني لا تخبي علي الخال: مافيها الا كل خير ان شاءالله وبقلبه يقووول الله يكون في عونك إبراهيم: شكلك يقول غير كذه خالي امي وش فيها وش فيها قل لي بسرررعه الخال: إبراهيم اذكر ربك إبراهيم: لا إلــــه الا الــلــــه بس امي وش فيها الخال : أمك بغرفة الإنعاش والدكتور عندها إبراهيم: بدخل بدخل عندها ابشوفها الخال : تطمن ياولدي ان شاءالله كل خير إبراهيم : وين غرفتها الخال يشر على آخر السيب هناك بس ممنوع الزيارة راح إبراهيم وهو مو سامع خاله وهو يقول ممنوع الزيارة ويركض لغرفة أمه ويفتح الغرفه يلقى أمه لكن يلقاها عالسرير وبكل مكان حاطين لها جهاز تم يناظرها كان وده لو يفديها بروحه بس الممرضات كلهم قالوا مافي بابا برىىى روه .. روه برى قال إبراهيم : وش اللي برى امي بين الحيا والموت وتقولون لي برى بين الممرضات كانت فيه ممرضه سعوديه تفهت حالته وكانت عارفه ان حالة الأم خلاص عالنهايه قالت تعال أخوي سلم على أمك مايدرى .... وسكتت إبراهيم مسكها من كتوفها وهزها بقوه وش اللي مايدرى وش اللي مايدرى وبغى يسبب لها خلع لو إن الممرضات فكوهم وقالوا له روح لم ماما الدكتور كان يناظره بأسى ووده لو بيده شيء لكن كله بإيد الكريم قرب إبراهيم لم امه وحب ايدها وقال لها فديتك يالغاليه هي حست فيه وتكلمت بصعوبه إبراهيم إبراهيم: سمي الام وهي تبلع ريقها بصعوبه ويالله تكلم : ياولدي حط بالك على أختك حط بالك عل.. عل.. على أختك إبراهيم : لا يالغاليه ان شاءالله بتطلعين من المستشفى وبتشوفينها عروسه ان الله راد وبتشوفين عيال عيالها الأم بصعوبه بالغه: ياولدي دق على اختك تجي ابي اشوفها إبراهيم : ان شاءالله الحين بدق طلع إبراهيم من الغرفه وطلع الدكتور وراه إبراهيم التفت دكتور امي وش فيها الدكتور: يتنهد كله بإيد الله مابيدي اسوي شيء إبراهيم : حالتها خطيييره مرة الدكتور : الله يكون في عونها ياولدي ادعي لها ونفذ اللي طلبته منك بسرررعه إبراهيم : طييييب ان شاءالله إبراهيم دق على ابوه وكلمه بالموضوع من الى وقال له انه لازم يجيب ريم بسررررعه بس لا يفجعونها الابو: اللي تشوفه بس البنت حاسه بشيء يصير لكن فالك وفال امك طيب الابو بعد ماسكر السماعه من إبراهيم قالت ريم شفيه إبراهيم عســـــى مو امي فيها شيء ؟؟؟ **** الابو: لا بس يقول تعالوا بنتمشى بالدمام وغمز لزوجته يالله تجهزوا بسرررعه ولا بهون ريم كان قلبها شوي لا يتحرك من مكانه وتقول بنفسها ماتمشي علي هذي بس بجاريكم ريم: يبه نجهز حق الطلعه؟؟؟( كانت بتجس نبضه ) الابو: هاااااه؟؟ لااا لا تاخذون شيء يالله بسرعه بس ريم حست باللي يصير حولها والابو راح كلم زوجته بكل اللي يصير وقال لها انها لازم تكون موجوده هي والبنات مع ريم ..... وخمس دقايق والكل راكب السيارة زوجة الابو علمت بناتها على اساس تبيهم يهونون على اختهم الا صار شيء لا قدر الله وفي السيارة : كانت ريم كله تفكر وتقول بنفسها الله يستر وتدعي بقلبها اما لينا وديمهفكانوا شايلين هم اختهم وزوجة الابو ماكانت أقل هم من ريم وبناتها وزوجها بالسيارة الابو : ريــــــــــــــــــــــــــــــــــــــــــــــــ ـم ريم : لبيه الابو : يابنيتي الصراحه احنا محنا رايحين لنزهه ولا شيء ريم: أدري!! الابو!!!!! من وين دريتي ريم : يبه شفيها أمي قلبي ما يقول لي خير وقعدت تصيح بصوت عالي وزوجة الاب: ان شاءالله خير في المستشفى.... كان إبراهيم عند أمه دخل الدكتور وناظر الاجهزة وهو مو عارف وش يقول غير إبراهيم تعال إبراهيم: طيب طلع إبراهيم مع الكتور برى الدكتور : إبراهيم امك وبكل صراحه محتاجه عمليه عندها شريان منسد ولازم نفتحه ولا بتموت إبراهيم:......... الدكتور : تشاورت انا والاستشاريين من داخل وقررنا نسوي العمليه الحين إبراهيم:............. الدكتور : ماقلت لي رايك؟؟ إبراهيم : اللي تشوفه انت ادرى !!؟؟ بس كم نسبة النجاح؟؟ الدكتور : نسبة النجاح 30% إبراهيم: يعني وشلون واذا مانجحت؟؟ الدكتور : لكل حادث حديث بس لو مانجحت بتموت بغرفة العمليات او بعد العمليه بساعه.. إبراهيم: لااا فيها موت لااا الدكتور : أنا من رأيي تسوون اللي عليكم لانه لو ماسويت العمليه بتموت ولو سوينا العمليه ونجحت بتعيش ولو مانجحت بتموت؟؟ إبراهيم كان أمام خيارين صعبين وهو انه يدخل امه العمليات واحتمال تموت ةهي ماشافت بنته او انه يخليها لين تجي بنتها قرر انه يقول للدكتور يدخلها غرفة العمليات ويسون لها العمليه وراح قال لخاله ووافقه خاله الرأي وهو كان يشاور خاله دخل ابوه مع ريم والبنات وراحت ريم تركض لـ إبراهيم وتقول له وين أمي راح انجن لو ماشفتها وش فيها هداها إبراهيم وأخذها معه لغرفة امه وجت معهم زوجة أبوهم دخلت ريم على أمها وانصدمت يوم شافتها صرخت بقوه وطاحت التموا عليها الممرضات يصحونها أم إبراهيم حست باللي يصير فمع التوتر صارت تون بصوت عالي انتبهت لها زوجة الأبو وراحت تهديها يوم وصلت عند السريرناداتها أم إبراهيم أم فيصل... أم فيصل : لبيـــه أم إبراهيم : وبصعوبه عيالي أمانه برقبتك عيالي أمانه برقبتك أم فيصل : بعيوني وأشرت على عيونها إبراهيم : حس بأمه راح مسك ايدها وأمه تقول ياولدي كمل الماجستير والدكتوراه انت تدري وشلون انا ودي اشوفك دكتور إبراهيم : بتشوفيني ان شاءالله وتم ماسك ايدها بقووووه أم إبراهيم : بصوت واطي أشهد أن لا إلـــه إلا الــلــــه وأشهـــد أن محمد عبده ورسوله إبراهيم : ماسمع شتقول قال لها سمي يمه وش قلتي بس أم فيصل سمعتها تشهدت وكانت تقرأعليها القرآن بصوت خاااشع شوي الا بدت الأجهزة طوووط طووووط طوووط وكان صوت الأجهزة يرتفع ويرتفع معه صوت أم فيصل الين وقفت الأجهزه عن العمل ووقف قلب أم إبراهيم عن العمل تم إبراهيم يطالعها مو مصدق وهو يقول يمه انتي بتعيشين بإذن كريم وتشوفيني دكتور وتشوفين ريم عروس إن شاءالله ان شاءالله إبراهيم : انتبه للاجهزة ولشكل الممرضات فقام وصرخ لااااا فكانت جنبه الممرضه السعوديه وعلى طول خنقتها العبره وهي تقول البقاء براسك شد حيلك التفت هو عليها وعطاها ذاك الطرااااااق اللي عمرها ماحلمت فيه طراااق بس أي طراااااق طراق فش خلقه فيه وعلى طول قامت أم فيصل وحبت راس أم إبراهيم وراحت لم إبراهيم وجلسته على الكرسي وخلته يحب راس امه وحطت ايدها على راسه وقامت تقرأعليه وعيونها على الممرضه اللي عطاها طراق كانت الممرضه ماسكه خدها اشرت لها أم فيصل براسها اشرت الممرضه براسها مافي شيء بعد نص ساعه من اللي صار قام إبراهيم والتفت على اللي حوله لقى الممرضات كلهم طلعوا الا الممرضه السعوديه وكانت هي حاطه ايدها على خدها للحين وتطالع ام فيصل إبراهيم : وين إختي ؟؟ الممرضه : تطمن بخير عطيناها إبره مخدرة وهي الحين بالغرفه نايمه إبراهيم : زين وين غرفتها ابشوفها ؟؟ الممرضه:اشرت بإيدها واخيرا شالة ايدها عن خدها هناك بآخر السيب إبراهيم: يطالع خدها اللي صاير لونه احمر من الصفعه ومنتفخ قال لها زين شكرا يوم طلع شاف العالم حوله والكل يسأل عجز يمسك روحه وأم فيصل تعذرت من الممرضه وقالت لها الممرضه : مقدره الوضع مريت فيه مرتين مات ابوي وماتت امي وكلهم سكته قلبيه وماتوا قدام عيني وماكنت اقدر اسوي لهم شيء .. ام فيصل تعذرت منها ثانيه وطلعت وشافت الحال برى ... مسكت كتف إبراهيم وقالت له شد حيلك ولدي والبقاء براسك.. إبراهيم : الله يجزاك خير خالتي بس روحي تكفين شوفي ريم مافيني حيل اتحرك أم فيصل : طيب راحت غرفة ريم وكان الدكتور اللي عندها رجال وابوها ماقوى قلبه يخليها لحالها مع رجال غريب وقال للوليد يروح معهم للغرفه دخلت أم فيصل للغرفه لقت الوليد يناظر لريم بالسرير وعيونه حمر أم فيصل بدورها قرت كل اللي يدور في بال الوليد اشرت للوليد طلع الوليد برى كلمته يروح برى لـ إبراهيم يوقف معه راح الوليد ودخلت الام على ريم وقعدت عندها للساعه 3 الليل وكانوا شايلين جثة أم إبراهيم اللي توقف قلبها عن النبض بس ماتوقف قلب عيالها وكل نبضه تنده بحبها.. توقف قلبها لكن مازال قلب إبراهيم و ريم مع كل نبضه ينادي أمهم مازالت ذاكرتهم تذكر الحضن الدافي مازالت مخيلتهم تذكر شكلها وهي تودعهم ماأدرك واحد منهم انه تودعهم الى الأبد خلى صوتها من هالدنيا خلاص ماعاد يسمعونه بس مازالوا يتذكرون نبرة صوتها وكيف مايتذكرونها وهي أمهم ومازال فيه بقيه للقصة لا تاقفون عند هالحد؟؟ ولاتحرموني من تعليقاتكم وتوقعاتكم..بمدحها.. ونقدها.. وترا الى الحين مادخلنا باعميق؟؟ **** درت ريم باللي صار وماكانت الا اشد حزنا من إبراهيم وبعد ماانتهى العزى بعد 4أيام كان العزى في بيت العيال في بيت المرحومه اجتمعوا خال العيال وابوهم الخال: ياابو إبراهيم انت تدري وش غلات عيال اختي وودي اخليهم يعيشون عندي الابو: لا يابو ندى وانا ابوهم وين رحت ؟؟ الخال : انت موجود بس ابي العيال احسن ممايتغير الجو على ريم و إبراهيم وهم في سنوات التخرج الابو: لا مدارسهم هي هي ماراح اغيرها بس عيالي كانوا مع امهم يوم امهم عايشه الحين الله يرحمها و عيالي يسكنون عندي وانا بخلي السواق كل يوم يجيب ريم لنفس مدرستها وابراهيم بنفس الجامعه مايغيرها الخال : وانت ابوهم ومالي كلمة عليك خير ان شاء الله انتقلوا ريم و إبراهيم لبيتهم الجديد بيت ابوهم وماكان فيه غير غرفه وحده في قسم العيال لإبراهيم لكن ريم مالها غرفه؟؟ الام: مدري وين نحطها الابو: نحطها مع ديمه الام : لا البنت سكنت في بيت امها بغرفه لحالها وانا ماودي الجو يتغير عليها ومابحطها غير بغرفه لحالها.. الوليد توه داخل شفيك ياامي الغاليه(الوليد مايقول لمرت عمه غير ياامي لانه تعود عليها حتى هي تعودت عليه والعائله كلها تعودت عليه والبنات وأمهم مايتغطون عنه أما ريم فهي تستحي لكنها ماتتغطى بس تحاول تتجنب المكان اللي يجلس فيه ) الام : وين نحط ريم الوليد من قالت امه ريم الا خفق قلبه وقال بغرفة الكمبيوتر حقتي اللي جنب غرفة ديمه الكل طارت عيونه لأنهم يعرفون ان الوليد غاليه عليه الغرفه لأنه عاش فيها أول مامات أبوه وبالحيل الغرفه غاليه عليه امه وهي منبهرة وشو لا لا لا لا انت تحب هالغرفه مرة الوليد: لا ماعليه اصلا انا كنت بقولكم خلوها لريم وبقلبه يقول تو ماتغلى الغرفة أكثر الأم : أجل الله يجزاك خير براحتك ياولدي لينا + ديمه: وبصوت واطي شكله واقع بالحب لشوشته ههههههههههههههه الوليد: شفيكم ليش تتساسرون مو عيب شاركوني بالمساسر ديمه: لا بس كنا نقول الغرفه غاليه على الوليد واللي خلاه يتبرع بها أكيد غالي!!!؟؟ الوليد: ؟؟؟؟ هاااه؟؟؟!! بس تدارك الموضوع وقال عشان امي مو امي غاليه ضحكت ديمه وقالت على بالي شيء ثاني؟؟ ** في نفس الوقت لكن في مكان مختلف** *** الوليد : هلاااا والله وينكم أبوي ماتغدأ ينتظركم؟؟ إبراهيم : لا ياشيخ بنضف أغراضنا وبنجي لا تنتظرونا بنطول تغدوا الوليد: أحسن أصلا قطعنا الجوع وبناكل!! إبراهيم : هههههههه ماتخلي البلع عنك؟؟ الوليد : اذكر الله إبراهيم : لا إله إلا الله الوليد : يالله باااي تامرني شيء إبراهيم : سلامتك باااي ريم: إبراهيم مين؟؟؟ إبراهيم : وش اللي مين؟؟ ريم : اللي كلمته قبل شوي؟؟ إبراهيم :اوووه يالملقوفه هذا الوليد ريم ماتدري بس حست ان قلبها انقبض لكن ماتدري وش السالفه إبراهيم : هوووووووه وين رحتي ؟؟ ريم : لا بس أبروح أكمل ضف إبراهيم : روحي يالله وش تنتظرين؟؟ **** في بيت أبو إبراهيم *** الوليد قال لابوه ان إبراهيم بيطول ويقول لهم تغدوا ابو إبراهيم : قم يالوليد خذ خواتك ديمه+ لينا وودهم عند بيت المرحومه وخوذوا معكم شغاله خليهم يتساعدون على الاغراض الوليد: بعد الغداء ؟؟؟ باكل الحين ابو إبراهيم : قلت لك الحين ياحبك حق البلع الوليد : وهو يناظر الاكل ويحظرم : طييييييب قوموا ديمه لينا يالله اوديكم ام فيصل : خلكم تغدوا ليش كذه ياابو إبراهيم الولد جوعااان الوليد وهو يتمسكن : ايه صح يبه والله امي صادقه بس الابو ناظر الوليد وقال له شوف يالوليد انا مو باخل عليك بغداء لكن أنا ابيك تكون مع اخوك في محنته قم يالله الوليد: سم يبه يالله قولوا للشغاله وانتظركم بره وهو يناظر البنات الوليد طلع للسياره وهو جوعان ** البنات خذوا وحده من الخدامات وراحو ركبو السياره الوليد: خلاص ديمه كانت راكبه قدام قالت : ايه يالله ومسكوا الخط للدمام لكن بطن الوليد قطع الصمت وصار يطلع اصوات الوليد يناظر ديمه بخجل ديمه : !!! هههههههههههههههههههههههههههه الوليد :هههههههههههههههههههههههههههه وبعد ماوصلوا للدمام وراحوا لبيت إبراهيم اول ماوصلوا الباب دقوا عليه جوال إبراهيم وهو يرد: تغدى يبه لا تنتظرنا بس اشغلتنا الوليد : الناس تسلم قبل إبراهيم : العذر السلام عليكم الوليد : وعليكم السلام تعال افتح لنا الباب حنا عند الباب ؟؟ إبراهيم : لا عاد هذا مقلب الوليد : اقول تعال الى متى بتخلينا تحت الشمس بدينا نذوب يسررررعه إبراهيم : طيب جايتك يالله وقفل الخط وراح يركض للباب وريم تلحقه وش فيه إبراهيم كلمها بسرررعه هي مافهمت وش يقول ووقفت عند الدرج بس إبراهيم نزل يفتح لهم بعدين خافت ريم لا يكون شيء صاير ولحقته ماامداها تاصل الباب الداخلي الا وفتح ابراهيم الباب بوجهها وكان الوليد قدام و إبراهيم على جنبه الوليد وهو طايره عيونه ومو قادر ينزل عيونه: ؟؟؟؟ احم احم ريم تلخبطت وماعرفت شتسوي خاصة ان ولد عمها شافها من دون أي شيء كانت لافته على راسها إبراهيم : تدارك الموضوع وصك الباب وريم راحت تركض فوق وهي تقول ياربيه وش سويت ياويلي من إبراهيم ياويلي إبراهيم : رجع فتح الباب بس هالمره تأكد ودخلهم البيت ورقوا البنات لم أختهم فوق و إبراهيم + الوليد : راحوا يكملون ظف الاغراض ديمه +لينا دخلوا على ريم لقوها تصيح ... ديمـــه: لييييش فديت الدموع ريـم : لا بس ابي امي لينا : يالله يابنت الحلال اذكري الله وقومي نضف الاغراض قامت ريم تكمل ضف اغراضها لكن ماكانت مستوعبه اللي يصير وكل تفكيرها كان بالوليد أما الوليد كان كأنه منذهل ومو مصدق عمره وفرحان انه اخيرا شاف ريم إبراهيم : تضايق شوي لكن ادرك ان ريم ماكانت تقصد وانه بالغلط صار اللي صار وقعدوا يكملون الضف (إبراهيم + الوليد ) في غرفة إبراهيم ديمه+ ريم + لينا في غرفة ريم يضفون الشغالات سوى يضفون الصاله والغرف الثانيه الوليد كأن ريم اعطته جرعه منشطه نسى الجوع وصار يشتغل بذمه إبراهيم : كان يفكر في أمه وأخته والدراسه ***في بيت ابو إبراهيم **فيصل رجع من المدرسه ومن دروس التقويه الساعه 5 العصر دخل البيت لقاه فاضي راح يم أمه حب راسها وسألها عن إخوانه قالت له الأم انهم في بيت ابراهيم يساعدونه .... فيصل اتصل في ابراهيم وقال له انه الحين بيجي عندهم يساعدهم لكن ابراهيم تشكر منه وقال له ان الوليد مكفي وانهم خلاص بيرجعون بعد شوي ... في بيت ابراهيم كان الكل يستعد عشان خلاص بيردون لبيت أبوهم وجهزوا العفش واجتمعوا تحت في الصالة ... ابراهيم : وليد بقى عليك تأخذ البنات وتردهم للبيت وأنا بروح أسلم على خالي وآخذ الجوازات وبعض الأوراق الرسميه وباقي العفش والحقكم.. الوليــد : O.k بنسبقك للسيارة وأشر للبنات يالله قولوا للخدامات والحقوني في السيارة . ريــم : لحظه ؟؟... الكل مستغرب التفت عليها ... ريــم شافت العالم يطالعونها استحت قالت وش فيكم كذه كأن على رؤوسكم الطير.. ابراهيم : اخلصي وش عندك وش تبين ؟؟؟ (باللحظه هذي كان ابراهيم ماله خلقها ابد ) ريــم : ابي مفتاح غرفة أمي شوي يا ابراهيم ؟؟ الله يخليك ابراهيم : يالله ياريم لازم نرجع البيت بسرررعه ريــم : يعني ماراح تعطيني المفتاح ابراهيم : لا مهبول أعطيك أنا عشان تفتحين مناحاتك ؟؟ ريــم : بدت تحظرم وانقهرت من أخوها لأنه أول مرة يكلمها بالطريقه هذي الوليــد : ابراهيم عطها المفتاح الكل التفت صوب الوليــد ... ابراهيم : وانت وش دخلك أنا وأختي ونتصالح الوليــد : لا مالي دخل بينكم بس أنا أشور (وحس بضيق ولأول مرة احد يقسى عليه بالدرجه هذي كان الكل يقوله يااخوي بس هالمرة ابراهيم قال أنا وأختي ومثل قولته انك موأخونا) ابراهيم : حس بغلطته التفت على ريــم وأعطاها المفتاح وراح صوب الوليــد وحط ايده على كتفه وقال ماقصدت اضايقك يالغالي الوليــد : وش دعوه مابيننا هالشيء يا ابراهيم موا حنا اخوان؟؟ ابراهيم ارتاح يوم قال له الوليــد هالكلام وأعطاه باقي مفاتيح البيت ووصاه أنه يقفل الأبواب قبل مايطلع وراح دخل على إخته بغرفة الام لقاها تاخذ بعض الأغراض من الدرج قرب منها وقال لها سوري ... ريــم : بسم الله فجعتني ... وش سوري عليه ابراهيم : على اني عصبت عليك قبل شوي بس تعرفين يا ريــم انا من صباح الله خير وانا اشتغل واحس اني هلكان واعصابي مابديت امسكها ريــم : وش دعوه ياخوي الله لا يخليني منك بس ابراهيم : آآآآآآآميـــــــــــــــــــــــــن وطلع ابراهيم برى الغرفه ووصى الوليــد يقفل الأبواب الوليــد : خلاص يبه حط في بطنك بطيخ صيفي ابراهيم : والله قدها ياخوي يالله اجل سلام عليكم الوليــد + ديمه + لينـا : وعليكم السلام,,,, الله معك بدأالوليد ياخذالاغراض ويركبها السيارة وطلعوا لينـا + ديمه يركبون السيارة ودخل الوليــد يجيب آخر شنطه وقال بدربي أقول لـ ريــم يالله قرب من باب الغرفه وسمع صوت شهاق وقف عند الباب شوي .. ريــم : الله يرحمك يمه رحتي وخليتيني لييييش؟؟ خليتيني أنا من لي بعدك ؟؟ أنا من بيدلعني ويقول لي ريامي ؟؟ من بيمسح على راسي ؟؟؟مين بنام بحظنه يوم أحس بضيق؟؟ من بكلمه عن المدرسه ويسألني بكل اهتمام.. من بيهتم بشؤوني؟؟ الوليــد حز بخاطره هالكلام وكان شوي لا يصيح معها.. الوليــد : احم احم احم ريــم : حست بوجوده ومسحت دموعها وقالت يالله؟؟ وقامت من مكانها بس الوليد دخل الغرفه وقرب منها وقال لها مابي اسمعك تقولين هالكلام ثاني احنا كلنا أهلك وزوجة عمي هي أمك و ابراهيم وفيصل إخوانك و ديمه و لينـا خواتك هذا أنا قدامك فاقد أمي وأبوي بعد مو بس أمي فقدتهم في ليله وحده ومااحس الا كنكم أهلي وزوجة عمي هي أمي وانتم خواتي وعمي هو أبوي ولا ناقصني شيء الحمد لله ادعي لها يا ريــم حقك على أمك تدعين لها .... إنتي ماتدرين ان الصياح يعذب الميت في قبره .... ريــم : الله يرحمها ويرحم امك وعمي وأموات المسلمين الوليــد : يالله زين قومي غسلي والحقينا بالسياره ريــم : طيب الوليــد ودى الشنطه اللي معه ورجع قفل الابواب وخلى باقي العفش لإبراهيم في الحديقه وراح يركب السياره .... الوليــد : كملتوا خلاص؟؟ والتفت وراه يتأكد انهم كملوا ديمه : ايه خلاص طالعني هنا وش لك باللي ورا ؟؟ الوليــد : اووووووه يامعقده ابتأكد انكم كاملين وش فيها لو لفيت لوراء؟؟ ديمه : مافيها شيء .. واتجهوا للخبر كان الجو هاديء ولا فيه اي حركه بالسيارة والكل ساكت الوليــد قام يخبط بالأشرطه يدور شريط يحطه ..... وأخيرا لقى الشريط اللي يبيه حطه بالمسجل وفتحه كان شريط أم كلثوم إنت عمري ... عاده من الأول ..وكانت الكلمات تقول : *** رجعوني عينيك لأيامي اللي راحوا... علمون أندم على الماضي وجراحه... اللي شفته أبل ماتشوفك عيني ... عمري ضاااايع يحسبوه الزاي علي.... إنت عمري..انت عمري ..اللي ابتدأ بنورك صباحه أنت عمري .. انت ..انت عمري .. صار يغني معها وهو بالمرايه يطالع ريــم لكن ريــم كانت تأفف ومو معجبها الوضع وتناظر من الشباك لبره .. ديمه : بتأفف وليـ ـ ـ ـ ـ ـ ـ ـد قفل المسجل الوليــد : ليش؟؟؟ ديمه : قفلته وهي تطالع الوليــد بنظرات حارقه ريــم : بصوت عالي لا إلــــــــه إلا اللــــــــــه الوليــد : مو فاهم شيء من اللي يدور بذهن ديمه واستمر الجو صامت لحد ماقطع صمتهم صوت بطن الوليــد بدأ يصدر أصوات افتشل الوليــد أما ديمه + لينا + ريــم :هههههههههه ديمه :للحين انت ؟؟؟ ولا يهمك بعد ماناصل بحط لك غداء الوليــد : تكونين سويتي خير في هالمسيكين اللي ماذاق شيء من بعد الفطور بعد ماوصلوا بيت أبوهم .... نزلت ريــم وراحت تدخل جوا ولحقتها لينـا وشالوا الشغالات الشنط ولحقوهم ديمه : الوليــد وش اللي سويته ؟؟؟ الوليــد : وش سويت... ديمه : كنك مو داري الحين البنت فاضيه لكلام حب واغاني .. تراب قبر أمها مابعد جف وانت فاضي حق هالكلام والخرابيط وين إحساسك انت ؟؟؟ الوليــد حمر وجهه من الحيا يوم كشفته بنت عمه ديمه حمر وجهها قهر من ولد عمها واللي سواه ولحقت البنات ودخلت جوا معاهم أما الوليــد شال باقي الشنط ودخل فيهن واعطاهن الشغاله توديهن غرفة ريــم .. ودخل للصاله كان أبوه جالس بالصاله مع زوجته وفيصل الوليــد دخل عليهم وهو ساهي يفكر وش اللي سويته ديمه عندها حق ... أبو ابراهيم يقطع تفكيره : اللــه يعطيك العافيه الوليــد : الله يعافيك أم فيــصل : وين ابراهيم أجل ؟؟؟ الوليــد : راح بيخلص أشغال له وبيسلم على خاله والحين بيجي ... استأذن منهم الوليــد عشان يروح يتسبح رقى الدرج وكانت قدامه غرفة ريم ...تكلم بينه وبين نفسه .... سامحيني ريامي مو قصدي ... لا تحسبيني ماحسيت فيك بس مدري وين راح عقلي؟ ورجع بطنه يصدر أصوات تذكر إن ديمه وعدته تسوي له شيء ياكله ... راح طق عليها باب غرفتها ديمه : نعـــــــــــم الوليــد : ديمتي وين اللي وعدتيني فيه يالبكاشه؟؟ ديمه : وأنا وعند وعدي بس إنت روح تسبح وأنا بتسبح وأنزل أسوي لك اللي إنت تبيه الوليــد : طيــــب .... ديمتي ..... بس ريــم شخبارها؟؟ ديمه : يوم جت قفلت عليها الباب ومارضت أحد يدخل عليها ..  الوليــد : يالله عسى مو عشان موضوع السيارة ديمه : لا لا مو عشان كذه ان شاءالله بس يمكن عشان موضوع أمها الله يرحمها... الوليــد : الله يكون في عونها  ديمه : آآآآآآآآآآآآآآآآآآآآآآآآآآآميـــــــــــــــــــــ ـن يالله حل عني عااااد الوليــد قفل الباب وراه وهو يقول بقلبه الله يعينهم على فرقا أمهم والله الموضوع صعب ينسى... وراح تسبح ونزل لقى ديمه مجهزه له العشاء أكل وراح ينام جاء ابراهيم بعد الساعه 1ونص الليل وكان هلكان وتعبان قالت له زوجة أبوه : تبي أزين لك عشاء ابراهيم : ياليت اذا ماعليك كلافه أم فيــصل : الله يهديك بس انت واحد من عيالي مافي كلافه ولا شيء.. ابراهيم :استأذن وراح يتسبح وبينزل يتعشى ... دخل ابراهيم غرفته شاف سريره والغرفه بارده جدع بحاله على السرير ولا عاد حس بروحه .. دخلت زوجة أبوه يوم تأخر عليها بتناديه يتعشى لكن لقته نايم مابغت تقومه طفت الأنوار وطلعت بره الغرفه مرت على ريــم بطريقها طقت الباب ... طق طق طق ريــم : ميييين؟؟ أم فيــصل: أنا يمه افتحي الباب بحاكيك .. ريــم : خاله واللي يسلمك مالي خلق اشوف أحد أم فيــصل : فكي يابنتي .... ريــم : الباب مفتوح ادخلي دخلت أم فيــصل تفاجأت لما شافت ريــم كانت ريم جالسه وضامه رجولها لصدرها وحاطه راسها على ركبها ... أم فيــصل: الله يهديك يا ريــم والله أمك بتزعل لو شافت اللي تسويه بروحك وحطت ايدها على راس ريــم وقالت قومي يابنيتي غسلي وصلي لربك ركعتين إذكري فيهن ربك وادعي لأمك إن الله يتغمد روحها بالجنه قومي ... ريــم من شافت أم فيــصل قامت تصيح وضمتها بقوة وقالت : والـ... والله ماني قادرة ياخاله أنساها.. أم فيــصل: بالأول من اليوم ورايح أبيك تقولين لي يايمه وش فرقك عن ديمه و لينـا بعدين يابنتي أنا ماطلبت منك انك تنسين أمك هذي أمك لكن يابنتي ادعي لها أحسن من الصياح عليها الصياح يعذب أمك في قبرها ادعي لها ان الله يجمعنا فيها بالجنة قومي يابنيتي ريــم : طيب ياخالتي أم فيــصل : وش قلنا ؟؟ ريــم : طيب يايمه وحبتها على راسها وقامت تدخل دورة المياه تتسبح وتتوضأ وتصلي لها ركعتين .... ***************** في تمام الساعة11الضحى من يوم الخميس دق التليفون الكل كان نايم عدا أم فيــصل كانت في الصاله وابو ابراهيم كان رايح للشركه ************* أم فيــصل: السلام عليكم .........: وعليكم السلام هلا بك أم فيــصل: هلا بك عاش من سمع صوتك هلا بأم سلطان أم سلطان: الله يحيك تعيشين أخباااارك؟؟ أخباار ابراهيم و ريــم والعيال أم فيــصل: والله تمام بشرينا عنك وعن العيال وابو سلطان .. أم سلطان: كلنا بخير الله يعافيك شخبار ريــم وأخوها بعد جيتهم لكم عسى ماتعبوا؟؟ أم فيــصل: والله ماادري وش أقولك انتي مرت عمهم ولا انتي غريبه(وحكت عليها كيف ان ريــم حابسه روحها وكيف ان ابراهيم ضايق صدره) أم سلطان: لا حول ولا قوة الا بالله زين أجل ياأم فيصـل بخلي العيال يجون لكم اليوم يوسعون صدوركم وصدرو العيال.. أم فيــصل: زين تعالي معهم .. أم سلطان: لا ماودي تحس ريــم انها عزيمه تحسبنا ماحسينا بهمها .. أم فيــصل: أصيله يا أم سلطان معك حق .. ** أم سلطان هي زوجة عمهم علي وعندها جيش ماشاءالله أولهم سلطان الله يرحمه وبعدين ماجد كبر ابراهيم ونهلا كبر ريــم وهي قريبه مرة من ريــم وشهلا أصغر من ريم بسنتين لكن بينها وبين فيصل قصة حب طويله والكل عارف بالشيء هذا ومن يوم هم صغار والبنت معروف انها حق ولد عمها ... عبود وكان صف ثاني متوسط بس هالولد ملكع دنيا ... شهودي أولى ابتدائي ** صار الظهر الساعه 12 ونصف قامت ديمه وسلمت على أمها وقعدت شوي عندها جاء الابو قامت ديمه وسلمت عليه وحبت راسه.. أبو ابراهيم: هلا ببنيتي وين أخوانك ديمه: الكل نايم بس أنا النشيطه من صباح الله خير قايمه أم فيــصل: الله من صباح الله خير وانتي قايمه 12 ونص ؟؟؟ أبو ابراهيم: مداح نفسه كذاب يا ديمه  ديمه: اووووه فضيحه ابو ابراهيم: روحي قومي إخوانك ديمه: طيب راحت ديمه غرفة فيصل ... ديمه: قوووم يالنواااااااااااام أبوي يسأل عنكم فيــصل: اوه عليك وضاقت يعني الا يرسلونك انتي تصحيني ديمه: وش قصدك؟؟ فيــصل: طيب بقوم الحين.. ديمه: وقوم الوليــد معك ... وأنا بروح اقوم ابراهيم فيصل وهو معصب طييييييب راحت ديمه غرفة ابراهيم لقته قايم بس منسدح يفكر على سريره وأول مادخلت ديمه مسح عيونه وقال هلا ديمتي تعالي وش بغيتي ديمه: أبوي يسأل عنكم ؟؟ يالله تعال ابراهيم: طيب الا ديمه بسألك شخبار ريــم ديمه: تلعثمت وماتدري شترد على أخوها تقوله إن ريم حالتها حاله ولا وش تسوي ابراهيم: ردي أختي فيها شيء ديمه: لا مافيها الا كل خيربس .... ابراهيم: وش اللي بس؟؟ ديمه: الصراحه ريــم من أمس وهي ماتكلم أحد وقافله على روحها بالغرفه ابراهيم: تنهد تنهيده طالعه من قلب طيب روحي انتي خلاص راحت ديمه يم لينـا وقومتها ومرت بطريقها على ريــم وطقت على ريــم الباب بس ريــم ماردت قالت ديمه بنفسها يمكن نايمه ؟ رجعت لفيصل لقته نايم قالت بنفسها : اووووووه شسويبه هذا بس انا بوريك يا فيــصل وأخذت بإيدها شوي ماء ورشته على وجهه زعق فيصل ياربيييييييييه طيب طيب طيب طيب مردوده يا ديمه ... ديمه: قوم بس أبوي يبيك ومر على الوليــد .. وصفقت بالباب وراها وطلعت وراحت تحت عند أبوها وخلال نص ساعه كان الكل حول الطاوله عدا ريــم ابو ابراهيم: وين ريامي؟؟ ديمه: طقيت عليها الباب ولا ردت يمكن نايمه ؟؟ ابراهيم: انزعج شوي وقال بروح أشوفها ابو ابراهيم: اقعد بروح أنا قام أبو ابراهيم وراح لغرفة ريم وطق عليها الباب ابو ابراهيم: افتحي ياريامي أنا أبوك قامت ريــم وفتحت لابوها الباب دخل ابوها سلمت عليه ابو ابراهيم:كذه ياريامي ماتجين تغدين معنا؟؟ ريــم: مااشتهي يبه السموحه هالمرة اعذروني ابو ابراهيم: اذا منتي ماكله انا منب ماكل ريــم: لا يبه وحبوب الضغط اللي بعد الغداء ابو ابراهيم : بكيفها بفوتها اليوم اذا بتفوتين غداك ريــم/ لا يبه خلاص بجي اتغدأ الحين ابو ابراهيم:هذا بنتي اللي انا اعرفها يالله ننتظرك ريــم: ابتسمت بس مو من قلب وقالت طيب نزل الابو تحت عند عياله وطمن ابراهيم انها الحين بتجي وجلسوا ينتظرونها بعد شوي نزلت ريــم .... جت ناظرت طاولة الأكل وجلست جنب ديمه وكان الوليــد قدام ريــم ... وعيونه مانزلت عنها ويقول بنفسه فديتها مبين على وجهها التعب وهالات سوداء تحت عينها واضحه ... ووجهها شاحب ... يارب ساعدها ... و ريــم تناظر الوليــد وانتبهت انه يطالعها دق قلبها بعدين قالت بنفسها شبلاك يا ريــم ضعفتي وش حبه هذا وش خرابيط مو معقول انه يحبك ... يمكن بس شفقان عليك ... ياربيييه أكره نظرات الاشفاق أنا مو محتاج لنظرات الإشفاق هذي... أم فيــصل تقطع السكوت : اليوم بيجون عيال عمكم علي .. من قالت عيال عمكم علي الا تلخبط فيــصل وهو يقول بنفسه : وينك شهوله اشتقت لك.. أما ديمه دق قلبها لكن كانت تخفي هالشيء كانت متيمه بحب ماجد ولد عمها ..بس محد داري فيها الكل لاحظ التغير اللي طرأعلى فيــصل .. الوليــد:شفيك تخوبلت يافيصل ( الوليــد كان حاب يحرج فيــصل شوي ) فيــصل وهو يقبص الوليــد ويقول:اقول جب الوليــد: زين عورتني لا تقبصني؟؟ فيــصل: مردووووووووووووووووووده..يا الوليــد الكل ضحك الا ريــم كانت تلعب بالملعقه وتطق بالصحن كأنها مو مشتهيه ابراهيم: كان قلبه بتقطع على أخته بس مو داري وش يسوي لها؟؟ حس فيها الوليــد وحب يلطف الجووقال ابراهيم .. تذكر ابراهيم: وش أذكر ؟؟ الوليــد: يوم نتناقش أنا وياك ذاك اليوم اللي في الملحق الحين ريــم موجوده نسألها ونشوف.. ريــم من سمعت اسمها احمر وجهها حيا لان علاقتها بـ الوليــد كانت محدوده وماتذكر انها كلمته كثير ... الوليــد وقبل يرد عليه ابراهيم التفت على ريــم والكل مستغرب وش اللي صار بالملحق حتى فيــصل كان مو متذكر ويحاول يتذكر وش اللي صار ابراهيم كان يناظر أخته ونفسه ترجع أخته مثل أول تضحك وتسولف.. بس كيف؟؟ الوليــد: ريــم تذكرين يوم كنا بمصر ولعبنا عليك يوم نرقصك على الطاولة و تعبيتي طحتي على مين علي صح؟؟؟ مو على ابراهيم ؟؟ ريــم طايره عيونها وتقول بقلبها وتحسبني بنسى ذيك اللحظه حسبي الله عليك ؟؟ فشلتني عند العالم.. *** الكل تم يطالع بريم و الوليــد ويقول بنفسه وش هالسؤال السخيف؟؟ ابراهيم تنبه للسالفه وقعد يطالع بـ الوليــد ويقول بقلبه وشلون تجرأ تكلم إختي بالطريقه هذي ريــم: وجهها اقرب مايكون للطماطه وبنفسها ميته قهر وتقول ياسخف سؤالك يعني بتحرجني فيــصل: بصوت واطي يالدرنقه يا الوليــد مب وقته هذا السؤال؟؟ الوليــد: ......................... ريــم: حبت تبين انه عادي ولا همها : لا طحت عليك !! ام فيــصل بتلطف شوي الجو المتكهرب على الوليــد : وش ذكركم بالسالفه هذي الحين..حسبي الله على بليسكم هبلتوا بالبنيه ذاك اليوم...خليتوها تدوووور على المطعم كامل تجمع جنيه؟؟ الابو : هههههههههههههههههههههههههههههههه لينـا + ديمه : خخخخخخخخخخخخخخخخخخخخخخخخ ياحرااااااااااااااااااااااااااااااااااااام خلصوا من الغداء قاموا من على الطاوله ماعدا الوليــد و ريــم كانت سرحانه على الطاوله تفكر... ديمه: يكفي بلع يا الوليــد قوم يالله الوليــد: وش لك انتي مو من حلالك شيء وراحت ديمه و لينـا و فيــصل و ابراهيم ومع ابو ابراهيم وام فيــصل للصاله تنبهت ريــم قامت من كرسيها قال لها الوليــد : ريم ريــم وهي ملقيته ظهرها : نعم تبي شيء الوليــد: اجلسي ابي اكلمك ريــم: سوري الوليــد بس مالي خلق الوليــد:ريــم ابيك ضروري ريــم : طيب جلست ريــم على الكرسي بس مارفعت عينها ابد لعيون الوليــد الوليــد: ريــم أنا ماقصدت أفشلك قبل شوي بس أنا حبيت شوي اظحكك كنت مرة ضايق خلقي عشانك ريــم: لو سمحت الوليــد اذا بتظن اني محتاجه لنظرات الاشفاق هذي فترى ظنك مو في محله الوليــد: لا ماكنت أقصد اشفاق صدقيني ريــم أنا مريت باللي انتي مريتي فيه وعارف بحالتك وفاهمك صح.. صدقيني مااقصد كذه أنا فقدت أمي وابوي وبساعه وحده انتي تفهمين وشلون ساعه وحده تفقدين فيها أعز ناسك ... أنا تمنيت 100 مرة لو اني ماعشت ليتني مدفون تحت التراب ولا أشوف أحد من ناسي يتعرض للي أنا تعرضت له (ونزلت منه دمعه لكن مسحها هو على طول ) ريــم أنا أحبك ... ريــم أنا حبيتك شوفي أنا ماعندي كلام رومانسي ولا شيء أنا يا ريــم ما أوعدك بنجوم ..ولا أرسم في سماك غيوم ... أنا ماعندي إلا قلب إذا حبك يدوم... ريــم: بس يكفي يا الوليــد قطعت قلبي.. وقامت ريــم تركض ومرت من الصالة ناداها أبوها بس ماردت وراحت تركض لغرفتها وقفلت عليها الباب.. بالوقت هذا كان الوليــد جالس على الطاوله ويقول بنفسه كيف كذه سويت كيف قلت لها هالكلام .. قطعت تفكيره الشغاله وهي تقول : بابا انت كويس في معلوم كلام حلو .. الوليــد: وانتي بإسم الله كل شوي ناطه لي طسي يالله هبلتيني الشغاله: أنا في معلوم بابا انت في هبي ريم صــح انت في هبي هرمه انت لازم جيب حق هي ورده هلو مرررره الوليــد: بسم الله انتي وش يدريك؟؟ الشغاله: كومارو في جيب حق أنا ورده هلو  (تقولها وهي متشققه من الفرحه) الوليــد: اخس يالرومانسيه ؟؟ شيلي بس شيلي !! وقام الوليــد وهو يفكر بالفكره اللي أوحتها له الشغاله ويقول فعلا معها حق .. ابراهيم مااعجبه حال أخته استئذن منهم وراح فوق عند أخته طق الباب ماردت رجع طق الباب ثانيه .... ريــم : نعم ابراهيم: أنا ريــم أبي أكلمك؟؟ ممكن ادخل؟؟ ريــم: أدخل دخل ابراهيم على ريــم السلام عليكم... ريــم: وعليكم السلام ابراهيم:ريامي يكفي دلع ؟؟ ريــم: وش دلعه أحزن على أمي تقول لي دلع ؟؟ ابراهيم: شوفي ياريم انتي سنه ثالث ثانوي وهذا بيأثر على مستواك كثير شدي حيلك يا ريــم نسيتي كيف أمي الله يرحمها كانت أمنيتها تشوفك متخرجه من الثانوي بأحسن نسبه وأنتي ماشاء الله عليك بالترم الأول كانت نسبتك 98% لا تضيعين اللي سويتيه بالصياح لا يودي ولا يجيب يا ريــم حنا أكيد بنحزن خاصة لا صرنا فقدنا أعز ناسنا لكن الحزن محله القلب مو نضيق صدورنا ونضيق صدر اللي حولنا وانتي لازم تحققين أمنية أمي الله يرحمها وأنا بحاول احقق أمنية المرحومه وبكمل ماجستير ودكتوراه .. رمت ريــم نفسها بحضن أخوها وجلست تبكي وتقول مايصير خاطرك الا طيب يايمه بحقق لها اللي هي تبيه ابتسم لها ابراهيم وقال هذي أختي اللي أنا أعرفها .. طع ابراهيم يرتاح شوي بغرفته قبل لا يجون بيت عمه وتفرقوا اللي كانوا مجتمعين في الصاله والكل راح يرتاح في غرفته قبل لا يجون بيت عمهم عدا الوليــد: كان مو قادر يرتاح ولا قادر ينام ولا قادر يمنع تفكيره عن غزاله ريــم ومو عارف وش ردة فعل ريــم بعد الموقف اللي صار .. قال بنفسه وش اللي جاك يا الوليــد معقول حبيت؟؟ انت اللي ماقدرت بنت وحده تطيحك الحين غارق لشوشتك؟؟ انت اللي عمر انسان واحد شاف دمعتك قدرت ريــم تشوفها اليوم؟؟ وريم: ماكانت أقل تفكير من الوليــد وتقول ياربيه معقوله ياريم حبيتي ؟؟ معقوله ؟؟ وتمت تفكر الين ارهقها التفكير ونامت .... الوليــد عجز يصبر نزل نادى الشغاله مايدري وش اللي خلاه يروح لها بس حس انها هي بس اللي تقدر تساعده.. الوليــد: جيني جيني جيني ( الشغاله): إس يبغى هنا واهد مايقدر ينوم؟؟ الوليــد: اقول لا يكثر خرطك تعالي بس ابيك .. جيني: اس تبا انتا روه مطبخ وسوف كلو سي مودود الوليــد: عشنا وشفنا بعد تعصبين علي تعالي بسألك عن كومارو جيني: لا ازا انتا يبا يسأل عن كومارو أنا في اجي الهين الوليــد: تعالي زين ... جيني: يالله اسأل اس تبا الوليــد: جيني انا في يبغا مساعده من انتا انتا معليش سوي(ويقول بنفسه خلف الله علي صرت زي كومارو اتشحذ هالشغاله تسوي لي خدمه) جيني: اس يبا الوليــد: كيف ودي ورده حق ريــم جيني:انتا جيب بعدين اكتب عليها كلام هلو وأنا في ودي حق ريم الوليــد: من جدك يا جيني طيب أنا الحين روح جيب ورده وراح يركض طاير من الفرحه وقطع وردة الياسمين من الحديقه وجابها طاير ينادي جيني جيني: نعم الوليــد: وديها لريم ( ويعطيها الورده) جيني: هههههههههههه بابا اس هادا الوليــد: هذا ورده مو انتي قلتي جيب ورده جيني: اوووه بابا مافي هادا هادا مافي زين شم ريهه مافي هلو انتا لازم جيب ورده كثير وفي كارد مكتوب فيه كلام هلو مافي هادا مال هديقه ؟؟ الوليــد: هاااااااااااااااااااه ومن وين انا جيب ورده كثير كل اللي بحديقتنا خلصتي عليه انتي وكومارو حشا باليوم يهديك 10 وردات ؟؟ جيني: لا بابا أنا وكومارو مافي فلوس في خود من هديقه انتا ماساءالله فيه فلوس كتير انتا لازم روه عند مهل مال ورده وجيب ورده كثيييير ملفوف بورقه وفيه كارد الوليــد: طيب وطلع وهو طاير فرحه ويقول هذا معروف ماراح أنساه لك يا جيني وساق سيارته بسرعه جنونيه وراح لأقرب محل ورد وأختار أحلى باقة ورد ونوع فيها من الورود وأختار أنواع كثيره منها( الاوركيد _ والتوليب_ والروز _ و.... و....... والخ) واختار لها كارد حلو على شكل قلب أحمر وحطه عليها وقعد يفكر وش يكتب فيها كلام هلو ويقول ابي كلام هلو ابي كلام هلو ( بعدين قال وش اللي بلاك يا الوليــد صرت من طقة جيني وكومارو) تذكر أغنية الجسمي الورد وقرر يكتبها بس تذكر خطه مو حلو وش يسوي قال بقول حق هالسوري يكتب لي الكلام .. التفت على السوري وقال له خطك حلو ؟؟؟ السوري: ايه بس لشو شو بدك بخطي ؟؟؟ الوليــد: ابيك تكتب لي الكلام على الكارد.. ممكن السوري: ايه بكتب لك اللي بدك اياه بس ماتكون حلاة الكتابه الا بخط المحب حتى لو كان خطك مو منيح.. الوليــد: صدقت بس خطي مو منيح السوري: ايه ماعليه اكتب لها بتفرح فيه كتييييييييييييييييييييييييييييير الوليــد: التفت عليه وقال طيب عطني قلم أعطاه الرجال قلم وكتب الوليــد على الكارد..... أبيات أغنية الورد للجسمي واللي تقول ليش أحس الورد يفرح لا درى إنك تشبهينه.. والشعر ليش يتفاخر يوم تطريك القصايد.. ليش أحبه اسمي أكثر يوم انتي تندهينه.. ليش أنا مجنون حبك لو أنا لي عقــــل راكــد.. من عرفتك هذا حالي قصة قليبي وحنينه.. مدري من طيبك أحبك والا فيك الحسن زايد.. مدري وش سر غلاتك ياهوى قلبي وظنينه.. بس أعرف إني من الله موووت أحبك والله شاهد.. مع خالص حبي : الوليـــــــــــــــــــــد كتب رسالته بخط مو مرة حلو لكن اقتنع بفكرة السوري ورسم قلب بوسط ا سمه القلب كان مايل وشوي معووج بس قال بنفسه صراحه ماكد رسمت قلب بحياتي وهذا أول قلب أرسمه لأول حب... وطلع طاير فرحه ووصل البيت ونادى جيني جيني ماكان وده ينتظر لحظه وحده *** كان وده يدري وش بيكون ردة فعل ريامي بأسرع وقت جت جيني وشهقت من يوم شافت الباقه وقالت: واااااااااااااو اتز بيوتفل الوليــد: زين بسرررعه وديها لـ ريــم بسررررعه جيني: بس ريم فيه نوووم الوليــد: حطيها على الكمدينه وأول ماتقوم بتشوفها وراح طاير لغرفته وكان وده يقوم كل أهل البيت من الفرحه بس انسدح على السرير وقعد يفكر بغزاله ويتذكرها وهي بالمستشفى يوم وفاة أمها وقام يتذكر شكلها كان شكلها ملائكي مغمضة عيونها وبقلبها كانت شايله هموم الدنيا تذكر انه بكى من قلب على حالها هي وأخوها .... تذكر يوم تدخل أمه وتخبره الخبر وتقو له يروح عند أخوه ياقف معه في محنته حس كأنه الخبر سيف طعنه بقلبه حزن لحزن أخوه حزن لحزن حبيبته... رجع فيه ذاكرته لحادث أبوه وأمه كان هو الوحيد اللي نجا من الحادث من ركاب السياره كان في السياره أبوه وأمه وخدامتهم وأخته الصغيرة أمل .. كانت السيارة معفوسه واللي يشوفها مايفكر أبديمهفيه أحد منهم عايش ... لكن اذا الله أراد شيء إنما يقول له كن فيكون...أراد له انه يعيش ويتربى في كنف عمه اللي كان له الأب وفي حضن زوجة عمه اللي كانت له أم ومع عيال عمه اللي حسهم كأنهم إخوانه... والتقى أخيرا بحبه وهو اللي كان يفكر انه أبد ماراح ينزل كبريائه لأي كائن كان لكن جت بنت عمه كأنها من السماء منزله ورجع فيه تفكيره لـ ريــم وتخيل شكلها بالفستان الأبيض... وتخيل شكله بالمشلح والكل فرحان لفرحته ... وهو يفكر بغزاله قال طيب لو كانت ريــم تحب أحد ثاني أنا مااعرفها ولا كد شفتها مع عيال عمي وان كانت تحب ماجد مثلا ؟؟؟ أو أحد زملاء أخوها لا لا مااظن أكيد لأ أنا اللي اهتميت لهمها وينهم عنها ماوقفوا معها لا بس أنا اللي وقفت معها وأنا أحق بها من أي إنسان ثاني عالعموم اليوم عيال عمي علي جايين وبشوف تصرفاتها مع ماجد وأكيد راح يبين لو فيه شيء بينهم بغى يطرد هالتفكير عنه فتح الراديو على الـ Mbc Fm وكانت على نهاية أغنيه وبداية أغنية عباس إبراهيم (إعذريني) وكانت تقول كلماتها : اعذرنــي فيــــــــــــك لـو قلـــــت أبــــيـــــك إنت إختياري في العمر تامر على روحي أمــر أشـــر لي بعيونـــــــــك وأجيـ ـ ـ ـ ـ ـ ـ ـ ـ ـ ــ ك أعذرينـــي حبيتك أنــــا لا تـقسى في حبــك علـي يا أغـلـى من روحي أنـا إنـــت وجودي وكـل شيء ماأنــت مثل غيـــــــركـ مثل غيـرك غيــمــة تمــر لــكـ أحلـــى كلــمه شلتها في خاطــري لكـ تشتعــل عزمـــت أقـــول وقـلتــها وبنــتـــظر ردة فعـــــــــل أحتــــــــــاج أنــــا ردكـ علــى حــــر الجـــــــمـــر سكر الراديو وقال بنفسه أووووه والله الحب حاله كل مابغيت أشغل روحي بشيء عن التفكير فيها ولعت روحي فيها أكثر … وبدأيغني الأغنيه اللي سمعها قبل شوي مع إن ذاكرته مو قويه مرة لكن هذه الأغنية بالذات حفظها أسرع من البرق … كان يغني بصوت عالي وبنفس الوقت يفكر بنفسه بكلمات الأغنيه كان صوته شجي وكله إحساس وهو يغنيها.. لــكـ أحلـــى كلــمه شلتها في خاطــري لكـ تشتعــل >>> أحبك ياريامي عزمـــت أقـــول وقـلتــها وبنــتـــظر ردة فعـــــــــل أحتــــــــــاج أنــــا ردكـ علــى حــــر الجـــــــمـــر قال أروح أتسبح قبل لا يذن العصر وراح يدخل دورة المياه .... بالوقت هذا فيصل ما قدر ينام كل الوقت يفكر ويقول أخيرا بشوف شهولتي .... قام مسك الجوال وكتب مسج : أحاول أكتم إحساسي... ولا أرسل رسالة شوق لكن لك وحشه بقلبي... نستني الصبر والذوق.. وراح يدور مع الأسماء المخزنه إسم حبي ولقاه وأرسل لها المسج وتم يطالع الجوال ينتظر الرد وصارت عينه تغفي شوي وسمع صوت الرساله وقام مفزوع وبسرعه فتحها (هلا يامن تعلى في عيوني عن الغير..هلا يامن بطيبه فوق كل الناس غالي) ماصدق عمره وقعد يقراها ثانيه وثالثه وقال بدق عليها مااقدر أصبر أكثر دق عليها بس هي ماردت أستغرب فيــصل وخاف عليها بس هي مسجت له تطمنه وكأنها درت عن اللي دار في باله وكانت تقول (( يارضاح العبس ماتقدر تصبر ساعتين وتشوفني وتسمع صوتي 2× 1)) فيــصل رد عليها (( يابخيله تبخلين علي في صوتك ؟؟؟ )) بس شهلا ماردت عليه... سمع صوت أذان العصر وقام راح لدورة المياه وتوضأ وسمع أحد يطق عليه الباب ... فيــصل: ادخل الوليــد: ماشاءالله وش اللي مصحيك مو من عوايدك أنا جاي أصحيك للصلاة فيــصل: الا انت اللي ماتقولي وش مقومك بالعاده ماتقوم الا بعد ماتقوم حرب البسوس فوق راسك.. الوليــد: تلعثم ومايدري وش يرد بس قال قومني اللي قومك.. فيــصل: أنا ... كنت أراسل شهولتي أنت من كنت تراسل .. لا يكون ريــم بس ياحراااام أكيد ماردت عليك لأن جوالها مقفل من وفاة أمها؟؟ الوليــد:هاااه لا وش ريمه لا ماكنت أراسل أحد.. وانت بعد الى الحين تتراسلون انت وهالبزر ما كفاكم اللي سواه ماجد يوم درى عنكم؟؟؟ الشهر اللي فات .. فيــصل: جب اصص لا يسمعك أحد بعدين مااسمح لك تقول لشهولتي بزر الوليــد: الا انت وياها بزران أجل أحد يفكر بالحب وعمره 16 سنه وحاب له بزر مافقست من البيضه عمرها 15 سنه فيــصل: زين لا تغير الموضوع قل لي من متى طايح بداديبك على ريم؟؟؟ الوليــد: من جد مبين علي ؟؟ ياربيييييه وش هالفضيحه فيــصل: ارتاح مو مبين بس أنا قريت اللي بعيونك يوم تسألها سؤالك السخيف الوليــد: يالله بس الصلاة لا يجلدنا أبوي الحين وبعد الصلاة بقولك كلش فيــصل: كلش!!! الوليــد: كلش كلش!! وراحوا فيــصل و الوليــد للمسجد وهناك شافوا ابوهم و ابراهيم أخوهم صلوا ورجعوا سوى للبيت وقامت أم فيــصل وبخرت البيت وبخرت عيالها وزوجها وصحت بناتها من النوم ديمـــه قامت من النوم ودخلت تسبح أما لينـا فكانت قايمه من قبل ومتسبحه لبست ونزلت تحت مع إخوانها و ريــم دخلت عليها أختها ديمـــه بعد ماخلصت متسبحه .. ديمـــه: وااااااو وش هالورد وش هالحلاة كلها ؟؟ ريــم: مو داريه بالسالفه أي ورد؟؟؟ ديمـــه: تأشر عليه هذا اللي جنب راسك .. ريــم: تفاجأت وكانت مستغربه من دخله عندها هي يوم تنام كانت متأكده انه مافي شيء على الكمدينه أخذت الباقه وقالت ديمـــه لا تكون وحد من مقالبك؟؟؟ ديمـــه: لا مالي دخل أنا مدري وش السالفه أنا توني أقوم من النوم .. تسبحت وجيتك طيراان ريــم أخذت الكارد وفتحته وقرأت اللي مكتوب فيه بصوت عالي : ليش أحس الورد يفرح لا درى إنك تشبهينه.. والشعر ليش يتفاخر يوم تطريك القصايد.. ليش أحب اسمي أكثر يوم انتي تندهينه.. ليش أنا مجنون حبك لو أنا لي عقــــل راكــد.. من عرفتك هذا حالي قصة قليبي وحنينه.. مدري من طيبك أحبك والا فيك الحسن زايد.. مدري وش سر غلاتك ياهوى قلبي وظنينه.. بس أعرف إني من الله موووت أحبك والله شاهد.. مع خالص حبتي..... وهنا تحول وجه ريــم للأحمر وبلعت ريقها بصعوبه ديمـــه: ايه وش الكماله تكلمي بس ريــم طالعت الكارد ورجعت تناظر ديمـــه وهي ماتدري وش تقول...... ديمـــه أخذت منها الكارد بقوه اووووف هذا خط الوليــد أنا افرقه من 100 خط أنا كنت أعايره بخطه الردي وتقرأ الكارد مرة ثانيه وهي تقول حسبي الله على بليسك يا الوليــد أثاريك رومانسي واحنا على بالنا انه ماوراك الا الدجه!! وتطالع نهاية الكارد (( مع خالص حبي : الوليـــــــــــــــــــــد)) وتقول حسبي الله عليك فشلتنا حتى قلب ماتعرف ترسمه زي العالم والناس ؟؟ ريــم: وش فيه القلب وش حلاته ووش حلات خطه اللي تقولين عنه ردي ديمـــه: المحبوب براحه (( وهي تغمز بعينها )) ريــم: فكيني يالله عااااد ديمـــه: قومي بس تسبحي خيستي فينا ؟؟ ريــم: اوووووف طيب اوريك قلبي بوجهك بس .. ديمـــه: أقلب بوجهي طيب تامريني أمر أنا اللي بوريك .. ريــم: ضفي وجهك بتروش .. ديمـــه : زين أخليك وطلعت ديمـــه من الغرفه وهي مبسوطه انها وأخيرا شافت أختها تبتسم ريــم قامت تسبحت ولبست بنطلون جينز سماوي وبلوزة سوداء ومشطت شعرها الطويل ولفته ولبست كابها ولفت شعرها بطرحه ... وكانت ماشاءالله قمر بالرغم إنها ماحطت نقطة ميك أب ونزلت كانوا عيال عمها موجودين ... ريــم: السلام عليكم الموجودين: وعليكم السلام ورحمة الله وبركاته (ورفع راسه ماجد وتم يطالعها ولف راسه معها وهو يطالعها ) الوليــد بنفسه: خيييييييييبه رفع رقبته ... بس أنا بوريك ياماجد ماتاخذ غزالي لكن هي ماطالعته ... ولا طالعتي أنا حتى معقوله تكون ماشافت الورد؟؟؟ والله ماادري عن هالـ جيني هي ودتها لها والا أخذتها لكومارو الله يستر منها .. قطع تفكيره وماجد يسلم على ريــم ويقول لها عظم الله أجرك البقاء براسك ريــم: الله يجزاك خير.. ******************************* ريــم: جلست مع نهلا وتكلمت هي واياها شوي وانضمت لهم ديمـــه و لينـا جلست مع شهوله الكل كان يقعد ينكت على فيــصل.... وكانوا يضحكون عليه وشهوله تموت من الفشله الا ماجد كان يسهى وهو يناظر ريــم وكان الوليــد حاسب له كل حركه وكيف يطالع ريــم وكيف ان ريــم تتجنب تطالعه. الوليــد بنفسه اموت وأعرف وش اللي بقلب ماجد لها وش ردة فعلها ياربييييه.... انتهى اللقاء اللي كان مافي أثقل منه على قلب ريــم وعلى قلب الوليــد .. ************************************************** ********* بعد مرور شهر كانت محبة ريــم كل يوم تكبر أكثر في قلب الوليــد ..وكان الوليــد يقول كل اللي يصير لـفيــصل و فيــصل كان يحاول يساعد الوليــد بكل اللي يقدر يسويه ابراهيم كان حاط باله على دروسه مرة وخاصة ان نهاية السنة قربت وجازم انه يحقق أمنية المرحومه... فيــصل استمرت علاقته بشهوله على ماهي عليه ديمـــه كانت كل يوم تتقطع على ماجد اللي كانت متيمه بحبه لكن هو ولا معطيها أي بال.. ريــم كانت تحاول قد ماتقدر تمنع نفسها عن التفكير في أمها ورجعت لحالتها الطبيعيه كانت تضحك للناس لكن قلبها كان كله حزن وهموم .. وصارت تحاول ماتفكر بالـ الوليــد وتفسر شعورها ناحيته على انه احساس مراهقه .. لينـا كانت ماتفك عن دروسها تدرس ليل نهار خاصة إن الامتحانات قربت وهي ماشاءالله عليها شاطرة مرة بالدراسه.. ابو ابراهيم وعد ريــم بهديه معتبره اذا هي شدت حيلها وجابت نتيجة زينه... في يوم الجمعه اللي كان فيها يوم السبت بداية امتحانات نهاية السنه وبالتحديد في الصاله الوليــد: ريــم اذا محتاجه أي شيء أو منتي فاهمه شيء تراني في الخدمه.. ريــم: مشكور خيرك سابق بس ابراهيم مايقصر ديمـــه: اييييه الوليــد جيت وجابك الله تعال اشرح لي هالمسأله بالرياضيات مافهمت هالنقطة الوليــد: اقووول ريــم ماأقول ديمـــه يالقفك.. ديمـــه: أنا و ريــم مثل بعض تعال ساعدني الوليــد: اقووووول سلام عليكم بااي بروح أذاكر ديمـــه: ههههههههههههههههههههههههههه إظهر وبان يالرومانسي أصلا من متى وإنت تشرح لأحد إنت يبيلك من يشرح لك ريم لا توهقين روحك معاه تراه مايفهم بأي ماده من المواد الوليــد راح غرفته وفتح الراديو وقعد يغني مع الراديو الكل رجع يذاكر غير لينـا لأنها أصلا مافكت عن كتبها عشان ترجع لها.. مر أسبوعين الإمتحانات وكان إبراهيم مخلص من أسبوع قبل أخته و الوليــد مخلص بعد ابراهيم بيومين وكانوا كل يوم طلعات وتمشي نيالهم ماوراهم امتحانات... الوليــد كان قلبه يرقع على ريــم لأنه ماشافها زين من اسبوعين .. وعقب سالفة طاولة الأكل وباقة الورد ماكلمها بالموضوع أبد كان يكتفي يطالعها من بعيد لبعيد... وكان يحس فيها وعرف عنها ان كانت اليوم فرحانه والا زعلانه.. وماجد من انتهت امتحاناته مع ابراهيم وهو مايطلع من بره بيت عمه وطول الوقت لاصق عمره مع ابراهيم ومره من المرات دخل ابراهيم هو والـ الوليــد للملحق ولقوه جالس ... ابراهيم بصوت واطي: ياثقله هالغثيث وش جابه من خلصنا امتحانات وهو مو راضي يفك عننا الوليــد: مو من عوايده يجي بالكثر هذا عادة يكون متكبر وشايف عمره ومايجي الا بالأعياد عشان يسلم على أبوي وكلها 5 دقايق ويروح اوف الحين وشلون بنطلع للكورنيش وذا معنا... ابراهيم: مافي غير ناخذه معنا وش بنسوي بعد ؟؟ الوليــد: لا حبيبي اذا كذه أجل سلام عليكم ماابي أروح روح لحالك مع هالغثيث .. ماجد يقطع مساسرهم وش عندكم من دخلتوا وأنتم تتساسرون شاركوني معكم ابراهيم: سلامة عمرك كنت أسأله عن شيء خاص الوليــد: اعذروني بروح أتسبح وبجي ..... وغمز لـ ابراهيم يعني الحقني ماجد: عذرك معك ابراهيم: وأنا بعد بروح أتسبح الا ماجد تروح معنا اليوم للكورنيش بنروح مع الربع ماجد: أكيييييييييييييييييييييييييد رجلي على رجلكم.. الوليــد بنفسه: خيييييييييييييييييييييييييييييبه وطلع الوليــد ولحقه ابراهيم .. الوليــد: شرايك نوكله مقلب بحياته مااكله ابراهيم: بس وشلون؟؟؟ الوليــد: اممممممم امممم شف عرفت وش بنسوي ابراهيم: قول يالشيطاني وش عندك الوليــد: بناخذه من دون سيارته وبنقول له بنروح للمزرعه قبل وبننحاش ونقفل عليه باب المبنى وأنت تعرف المزارع مايصوب ناحية المبنى وبعد مانخلص من الشباب نمر عليه بس نقفل جوالاتنا قبل لا يذبحنا بإتصالاته علينا.. ابراهيم: خخخخخخخخخخ ياحراااام صراحه مسكين اللي طاح بمقلب من مقالبك ... وتسبحوا ورجعوا لـ ماجد وقالوا له انهم بيرحون للمزرعه قبل فيه أشغال لازم يخلصونها وأخذوه للمزرعه يوم دخلوا المزرعه كان الطريق كله مظلم والمزرعه مظلمه ولا فيها لمبه وحده مشغله .. ماجد: يووووه ماني نازل ياخي المزرعه توحش.. الوليــد بصوت واطي: أجل لو تدري إنك بتبات ليله كامله هنا ابراهيم: أفا ياولد العم ماهقيتك بالخوف هذا بتنزل حنا ماخذين بزران معنا؟؟ ونزلوا من السيارة وبحيله دخلوه المبنى وقفلوا عليه وطيراان للكورنيش.. ابراهيم: ياخي خايف لا يجيه شيء هالبنيه خبرك به كيف انه خواف الوليــد: لاتخاف أبو 7 أرواح ماجد جلس بالمبنى ينتظرهم يجيبون المفتاح اللي يبونه من فوق يوم تأخروا عليه قال بروح أشوفهم قعد يحاول يفتح الباب بس الباب كان مقفول استغرب ودق عليهم جوالاتهم مغلقه قال : وجع سووها فيني وقالو لي بنروح نجيب المفتاح وهم طلعوا من الباب الخلفي بس بوريكم وتم يدق على جوالاتهم وجولاتهم مقفله انقهر وماعرف وش يسوي صارت الساعه 1ونص وهم ماردوا له... *** الوليــد و ابراهيم قعدوا مع العيال لحد الساعه 1 ورجعوا بيتهم ونسوا سالفة ماجد ابراهيم دخل ينام أما الوليــد فهو قعد يطقطق شوي على النت وتذكر ولد عمه اللي حبسه بالمزرعه بس بعد ايش ماتذكره الا الساعه3 وقام بسرعه دق على جوال ابراهيم بس ابراهيم كان مقفل جواله عشان هالسالفه ومافتحه قال بنفسه والله ماني رايح له خليه شوي يريح أهله من غثاه وخلي فيــصل شوي ياخذ راحته مع شهولته ماكو ماجد بالبيت.. وبعد ماأذن الفجر وصلوا هو إخوانه بالمسجد الوليــد ذكّر ابراهيم بالسالفه وقال يالله نروح نفتح له... وراحوا ويوم وصلوا جوا للباب وفتحوا الباب وخلوا المفتاح بره وتموا يندهون على ماجد.. الوليــد: ماجد ماجد ماجد وين طس له هذا معقوله يكون طلع ؟؟ وشلون يطلع ابراهيم: يمكن بالدور الفوقاني ؟؟ رقوا للدور الفوقاني لكن ماجد كان متخبي عنهم وبعد مارقوا طلع من المكان اللي متخبي فيه وطلع من الباب وقفل عليهم ومسج لهم مسج (( مثل ماسويت سوي بك ؟؟!!)) الوليــد+ ابراهيم: سواها وقفل علينا؟؟ وراحوا يركضون للباب لكن لقوه مقفول !! ابراهيم: أنت وشورتك المهببه يالله الحين وش بتسوي لكن الوليــد قعد يفكر كيف يقهر ماجد وتذكر المفتاح البديل اللي في المطبخ وقام بسرعه يتأكد من وجوده ولقاه طلع هو و ابراهيم للبيت ... ماجد بعد صلاة الظهر جاء بيفتح لهم الباب لكن لقاهم طالعين عرف انهم لقوا مفتاح بديل وطلعوا.. وطبعا راح لمهم في البيت ونام بالملحق ينتظرهم يقومون تفاجئوا يوم قاموا فيه وقالوا مايكفيه اللي سويناه فيه جاي لاحقنا بعد.. وقوموه وتموا يزعجونه الى إن انقهر منهم وجدع بوجيههم مفاتيح الاستراحه وطلع ولا عقبه عتب باب بيتهم.. طلعت نتيجة ابراهيم وكان ماشاءالله عليه ماخذ 4.5/5 و الوليــد لسه باقي له كورس على التخرج وباقي نتايج العيال: فيــصل: نسبة 85 % ويكون انتقل لثالث ثانوي ديمـــه: 96 % وانتقلت هي الأخرى لثالث ثانوي لينـا: 100 % وانتقلت لأولى ثانوي هالبنت دافورة بقوة ريــم + نهلا: ماطلعت نتايجهم لسه شهلا: 91 % وانتقلت لأولى ثانوي ماجد: أخذ3 / 5 عبود أخو ماجد راسب بمادتين.. وبعد نتايج العالم بإسبوعين طلعت نتايج الثانويه العامه يوم السبت الصبح.. كانوا كل العائله بالصاله ماعدا ابراهيم و الوليــد الا ودق جوال فيــصل يوم شاف المتصل أثاريه (( حبي يتصل بك)) إستأذن من أهله وطلع بره بالحديقه.. فيــصل: هلاااااااااااااااااااا وغلاااااااااااااااا شهلا: هلا بك شخبارك؟؟ فيــصل: بخير دام إني أسمع صوتك شهلا: مو وقته مو وقته.. فيــصل: شفيك ؟؟ صايره أثقل دم من ماجد؟؟ شهلا: بعدين بردها لك بس حل لي هالمشكله؟؟ فيــصل: وش مشكلته وش فيك؟؟ شهلا: طلعت نتايج الثانويه العامه فيــصل: زين وأنا وش بسوي لك؟؟ شهلا: مو هنا المشكله فيــصل: أجل وش المشكله شهلا: المشكله إني مو لا قيه إسم ريــم ونهلا مع الناجحات؟؟ فيــصل: ياقلبييييييه وش بنسوي الحين أنا من حيني كنت أقول يغشون يوم رسبوا رسبواكلهم مع بعض هذي أكيد أختك الغبيه ضيعت أختي شهلا: فااااااااااااضي وبعدين أختك الغبيه؟؟ فيــصل: زين خلاص بتصرف بس بتأكد قبل من النتايج وش إسم الموقع شهلا: # # # # # # # فيــصل: طيب خلاص بشوفها الحين بس انتي كلمي ريــم وأشغليها لا تحس فيني وأنا مختبص ولا تبينين لها لأنها هي عندها الحاسه السادسه شهلا: طييييب باااااااااااااي فيــصل: بااااااااااااي ودق فيــصل على الوليــد لأنه أعرف منه بأمور النت وهو اللي بيساعده الوليــد: هلا بك يالغالي فيــصل: هلا هلا الوليــد عندك ابراهيم ؟؟؟ الوليــد: اييييييه تبيه؟؟ فيــصل: لا لا لا لا لا لا لا لا لا قوم عنه بكلمك الوليــد: وش فيه وش صاير ؟؟ وحكى فيصل على الوليــد السالفه الوليــد: زين خلاص نتقابل في مقهى انترنت اللي بشارع ......... فيــصل: زين خلاص بس بسررررررررررررررعه الوليــد: لا توصي حريص.. باااااي وسكر الجوال وراح بسررررعه للسيارته وركبها وبسرررعه جنونيه ساق للمقهى...دق الجوال.. ابراهيم يتصل بك.. الوليــد: هلا بك العذر ابراهيم رحت وما قلت لك ابراهيم: وش فيك الأهل فيهم شيء؟؟ الوليــد: لا بس واحد من ربعي يبيني ضروري يالله بس لا أصدم الحين تراك تشغلني.. ابراهيم: زين الله معك وتركد بالسواقه الدنيا مو طايره.. الوليــد: ان شاءالله .....( مامشى على ابراهيم الموضوع وركب سيارته وبسرعه راح للبيت) دخل البيت لقى الوضع عادي ولا فيه شيء وعلى طول سأل عن ريــم قالت له ديمـــه بإستغراب تكلم بالتليفون وش فيك كذه داخل علينا؟؟ ابراهيم: الوليــد جاء لمكم ؟؟ ديمـــه: لا مو كان معك؟ ابراهيم: الا صح زين بروح غرفتي أنا ..... بسألك ماطلعت نتائج الثانوية العامة؟؟ ديمـــه: مدري ماسمعنا شيء و ريــم تكلم شهلا الحين ولا قالت شيء؟؟ ابراهيم: طيب بروح أشيك على النتايج ورقى ابراهيم فوق للدور الفوقاني وهو يقول تأخرت النتايج ؟؟ فتح النت وفتح موقع إدارة التربيه والتعليم التابع لوزارة المعارف... ولقى النتايج طالعه وعلى طول دور اسم أخته وإسم بنت عمه ولقاهم مع الناجحين.... وكان عنده أرقام الجلوس حقتهم شاف نتايجهم كانت نتيجة ريــم 97.45% ونتيجة نهلا 95.05% نادى أخته من فوق ... ريــاااااااااااااااااااامي تعالي بسررررعه ريم استأذنت من شهلا وراحت يم أخوها : سم ابراهيم بغيت شيء ؟ ابراهيم: وهو يضمها مبرووووووووووووووووووك نجحتي ريــم: احلف ونهلا؟؟؟ ابراهيم: ونهلا بعد ريــم: كم نسبتها ؟؟؟ ونسبتي كم؟؟؟ ابراهيم: نسبتك 97.45 % ونسبة نهلا 95.05 % ريــم: الله يبشرك بالخير  ابراهيم: اهاااا جيتي بطاري البشاره وش لي.. ريــم: لك أحلى بوسه ( وحبته على خده) ابراهيم: بس هذا اللي لي ؟؟ كذا تجازين اللي يبشرك بنجاحك؟؟؟ ريــم: ياطماااااااع بروح أبشر أمي وأبوي ونهلا ابراهيم وأنا معك بروح ابلقط نقاطه لكل من تبشرينه.. بالوقت هذا دخلوا الوليــد و فيــصل وهم يقولون كيف بنقولهم الحين ؟؟؟ شافوا ريــم تركض وهي فرحانه ... الوليــد يقول لفيـصل بصوت واطي: مسكينه لو تدري انها بتعيد الله يكون بعونها انت قول لها الخبر.. إنت أخوها؟؟ فيــصل: لا ياعمي تحطني بوجه المدفع؟؟ الوليــد: إنت وجهك وجه شؤم وعادي لو قلت لها إنت أما أنا وش حلاتي حرام أزف لها خبر مثل هالخبر  وأنت وجهك مايوحي بالخير أصلا .... ابراهيم: يقطع مساسرهم تعالوا باركوا لأختي نجحت الوليــد بقول لـ فيــصل: مشاوف مرة هالآخر بنجاح أخته وشلون بنقول له ؟؟ فيصل: مدري بس اللي أعرفه أنه لازم مانفجعه خلنا نبارك لها ولا كأنه صار شيء فيــصل: صدق مبروووووووووووووووووووووك ريــم الف مبروووووووك الوليــد: الف الف الف مبرووووووك ريــم: الله يبارك بأعماركم بس ماكأنها طالعه من قلب؟؟ فيــصل: ابراهيم تعال يبيك الوليــد شوي الوليــد: شتقول انت اللي قول له الخبر لا تلصقها فيني ابراهيم: وش بغيت ياالوليــد؟؟ فيــصل: لا على انفراد ماينفع كذه؟؟ (وأبعد عنهم ) ابراهيم: شتبي؟؟ الوليــد: حسبي الله عليك يافيصلوه بوريك ان شاءالله ابراهيم: نعم وش تقول انت؟؟؟ الوليــد: لا بقول لك ان أختك راسبه  ابراهيم: ياحبك حق المزح وين راسبه وأنا شايف اسمها بنفسي ما أحد قال لي ..؟؟ الوليــد حس بأنه ماعنده سالفه قال: لا ياشيييييخ خربت علي المقلب بس وين لقيته بأي موقع ابراهيم: بموقع ادارة التربيه والتعليم وش هالسؤال بعد انت وقته ؟؟؟ الوليــد: على العموم على البركه نجاح رييييييييم ( وبقلبه طااااير من الفرحه) الوليــدبصوت منخفض: فيــصل يالخبل البنت ناجحه بس خليتنا نتبلى عليها فيــصل: وأنا وش يدريني شهلا قالت لي وتأكدت بنفسك بالموقع مالقيت اسمها.. الوليــد: ياخي وأنا بعد بديت أكذب عيوني خلنا نروح ثانيه نتأكد ... فيــصل: يالله بسرررررررررعه رقوا فيــصل + الوليــد : وفتحوا النت وراحو للموقع ومالقوا أسماء البنات ثانيه لكن الوليــد انتبه للتاريخ اللي بأعلى الصفحه الوليــد: فيصل احنا 1424هـ ؟؟ فيــصل: وقتك أنت لا يالدلخه حنا 1425 هـ الوليــد: ضرب فيــصل بالمخده وقال له حنا ندور بأسماء العام الماضي ياخي أنا من حيني قايل لك أنك أنت وشهولتك ما فقستوا من البيضه لكن الشرهه مو عليك الشرهه على اللي يصدقك إنت وبزرك.. فيــصل: اووه ومسك الجوال ودق على شهلا الوليــد: دق على حبك ومسجل اسمها حبي بعد بلا حبك بلا بطاطس ياخي حبك بغى يطيحنا بورطه فيــصل: اذلف بس باخذ راحتي وكلم فيصل شهلا وعلمها بالموقع الصحيح ونزل لحق الوليد وتموا يسولفون الوليــد: الا صح ريــم كم نسبتك؟؟ ريــم: 97.45 % الوليــد: ماشاءالله عليك.. فيــصل بصوت منخفض: الحمدلله إنها شاطره بالقليل تصحح النسل ماينفع إنت كسلان وهي كسلانه ؟؟ وش يطلعون عيالكم بس الحمدلله فيها عرق مصري والعرق دساس ..  الوليــد: رااااااااااااااااااااايق وإنت وشهلا وش بيصرون عيالكم من الحين ماراح أعطي عيالكم دروس خصوصيه فيــصل: لا الله يعافيك فكنا من دروسك الخصوصيه بتضيع عيالي على هالحاله  وبعد يومين كان أبو ابراهيم على وعده مع ريم وجاب لها الهديه اللي وعدها فيها ودخل فيها بالصاله وكان الكل موجود .. ابو ابراهيم: ريــم هذه هديتك اللي وعدتك بها ( وحطها على الطاوله) ريــم: فديتك يبه وراحت للطاوله تشوف هديتها ومن وصلت وشافت اللي على الطاوله الا وشهقت كانت علبة فيها طقم ألماس روووووووووعه ونااااااعم وفصوصه رووووعه مسكت العلبه ريــم وهي مو قادرة تمسك فرحتها : يجننننننن ذوقك يبه... شكله غالي ابو ابراهيم: مايغلى عليك شيء ريــم: تسلم يالغالي ولبست الخاتم كان على ايدها روووعه ومن غير حيلها هلت دموعها الوليــد: ياربيييييييييه هالحريم مايعرفون الا دموع يفرحون يصيحون يحزنون يصيحون؟؟ فيــصل: يناظر الوليــد ياخي انت ماتعرف وقت حلو حق كلامك بس تجدع كلمتك كذه وبس؟؟ ********** بـــــــــــــــــــــعــــــــــــــد مـــــــرور اســــــــــــبـــــــــــــوع*********** نضموا حفله كبييييرة بفدنق من أكبر الفنادق يحتفلون فيها بتخرج ابراهيم و ريــم ونهلا و ماجد...... وعزموا عليها كل من يعز عليهم ومن كل أنحاء المملكه ... وتحددت الحفله بعد اسبوعين...وبدت التجهيزات للحفلة..... ديمـــه: ريمووووه قولي لواحد من إخوانك يودونا للسوق نشري فساتين.. ريــم: والله صدقتي كانت رايحه عن بالي هالفكرة.. ................................................. نكمل الباقي بكره؟؟ *** ديمـــه: وش كنت ناويه تروحين فيه للحفله؟؟ ريــم:مافكرت بالحفله أصلا .. لازم أروح يعني !! ... بس خلاص اقصري لسانك وأنا بدق على ابراهيم الحين يجي ياخذنا بس على شرط؟؟ ديمـــه: اشرطي بس أهم شيء نروح ريــم: نهلا تروح معنا.. ديمـــه: لااااااااااااااااااااااا تكفين هذي ماتطلع السوق عشان تسوق تطلع عشان تفرج عالشباب وتبلشنا شوفوا هذا وش حلاته وشوفوا هذا قميصه حلو وشوفوا هذا سيارته حلوة... والخ ريــم: أجل بروح أنا وياها وبنخليك بالبيت ؟ ديمـــه: لا أروح معها وأمري لله ريــم قامت وكلمت ابراهيم وطلبته يجي عشان بيرحون للراشد مول ابراهيم كان مشغول بالتجهيز للحفل وقال لها انه مشغول بس بيكلم الوليــد عشان يجي ياخذهم ... وعشر دقايق بالكثير الا و الوليــد عند الباب .. ديمـــه: غريييييييييييييييبه بالعاده الوليــد ساعه نقنعه وساعه يجي وساعتين يتغيلظ علينا ونصف ساعه بالسوق بس سبحان اللي يحول ولا يتحول ريــم: خخخخخخ حرااااام عليك والله شكله حلييييييل ديمـــه: ايه حليييييييل بس امشي وركبوا السياره في المرتبه الثانيه: ورى الوليــد ريــم وبالوسط نهلا وجنب نهلا ديمـــه وفي المرتبه الثالثه: لينـا وشهلا كانت ريــم طول الوقت وهي تفكر بـ الوليــد أول مرة تفكرفيه بالشكل هذا ماشاءالله عليه شاب حليو طويل وأبيض وملامحه حلووووه وشعره ناعم وأحلا مافيه إنه مايلبس ثوب وشماغ أو غترة كان كل لبسه بدلات سبور وريم ماتحب الثوب وهالأشياء كانت تموت بالبدلات وكانت دايم تحاول بـ ابراهيم انه يلبس بدلات كان أحيانا يلبس وكثير من الأحيان مايلبس غير الثوب والشماغ والغتره.. تمت تناظر كان لا بس بلوزه لاهي بيج ولا هي بنيه ... والتفت على يمينه بيشوف السياره اللي جنبه .. شافت شعره تحت الطاقيه تمت ماسكه عمرها كانت تحس ان ايدها بتخونها.. كان خاطرها تلمس شعره ياويلي اووووووووف أنا ليش أركب وراه أصلا عسى يمشي بس هالوقت على خير.. وأخيرا وصلوا الراشد مول ونزلت ريــم بسررررررعه ونزلوا البنات و الوليــد قال بدور معكم ما أترككم بنات لحالكم تدورون .. ديمـــه: زين استحمل اللي يجيك ولا تقول لنا بسرعه الوليــد: طيب أنا قلت شيء تسوقوا براحتكم.. وتموا البنات يدورون و الوليــد يدور وراهم كانت كل بنت تشوف الوليــد تخق عليه وتقعد تطالعه وهو ولا على باله متعود على هالحركات ولا يعطي البنات face ريم كانت ميته من الغيره وكل بنت تطالعه كانت ودها تقوم على البنت وتفقع لها عيونها دخلوا محل من المحلات الكبيره... ومن المحلات اللي متعودين البنات يشترون منها فساتينهم .. وصاروا يتفرجون على الفساتين وكل وحده تمسك فستان تجي تركض يم ريــم وتوريها لأن ذوق ريــم مرة راقي والكل يعجبه ذوقها وهي تعطيهم رايها لاحظ الوليــد هالشيء وتأكد إن البنات ماجوا يسألون ريــم من عبث الا أكيد إن ريم ذوقها يجننننن ... لقت ريم فستان حلو .. أخذته مسكته وصارت تتفحصه وتناظره كان الفستان لونه وردي رووووعه و الوليــد مانزلت عينه عن مراقبة ريــم .. ودته يم البنات تستشيرهم كل البنات أعجبهم ذوقها وشجعوها تشريه...وكان فستانها أغلى الفساتين وأحلاهم شكل ولون أما لينـا وشهوله كانوا صديقات فشروا فساتين نفس الموديل لكن بإختلاف اللون.. و ديمـــه كانت عشر دقايق تتهاوش مع نهلا على كثر ما تناظر الشباب وخمس دقايق تدور لها فستان بس لقت لها فستان حليو وناعم وما أخذته حتى استاشرت ريــم وقالت لها ريــم خوذيه .. نهلا وكالعاده برجتها على هالشباب أخذت أي شيء بس يوم ورته ريــم ماأعجب ريــم وراحت دورت لها فستان أحلى من اللي إختارته... الوليــد: بنات عندي موعد الساعه 7 ياليت تخلصون قبل الساعه 6.30 البنات: إن شاءالله وأختاروا الفساتين ورجعوا البيت لأن مامعهم وقت يدورون الكماليات وبكل ذيك اللحظات كانت ريــم تموت غيره كل مابنت طالعت الوليــد .. رجعهم الوليــد البيت... بعد ماوصلوا وشافت أمهم الفساتين ومدحت أذواقهم.. ديمـــه: تصدقين يمه إن الوليــد خلانا على راحتنا نتسوق ولا قال لنا ولا شيء مثل عوايده أم فيــصل: الله لا يخلينا منه هو عادة مايقول شيء الا اذا انتي كنتي معنا عشان يغيضك.. ديمـــه: ههههههههههههههههه ياحليله ريــم: نهلا قولي لأمك تخليكم الليله تباتون عندنا واااايد ولهانه عليك.. نهلا: بشوف بقول لها كلمت نهلا أمها وقالت لها بالأول أمها رفضت بس أم فيــصل كلمتها وأقنعتها.. نهلا: الله يعافيك ياخاله أم فيــصل: ماسويت الا الواجب أنا أبي سعادتكم وسعادة بناتي. ريــم: الله يخليك لنا.. وراحوا ريــم ونهلا و ديمـــه لغرفة ريــم واقترحت ريــم انهم يتفرجون على فلم بالـ DVD انضموا لينـا وشهلا للفريق وكملت جمعة بنات .. ضحك وسواليف .. نهلا: شفتوا هذاك المملوح اللي كان يطالع شهلا؟؟ شهلا: مو أحلى من فيــصل  نهلا: ماأخذت رايك لأني أعرفه من قبل ديمـــه: بديناااااااااااااااااا يابنت استحي على وجهك بس تطلين بوجيه هالشباب ؟؟ ريــم: خليها تاخذ راحتها ونتي وش اللي مضيق صدرك.. خلي البنت تشوف المزايين.. نهلا: وش كل ذاك الزين يجنننننننننن بس أسمر شويه ديمـــه: خخخخخخخخخخ بس هذا اللي لقيتي عليه .. لا أصلا كانت عيونه شوي صغيره ولابس نظارات ولا نظارات جحا لا مو حلو مرة فيه أحلى منه.. البنات طارت عيونهم وتموا ينقلون نظرهم بين ديمه ونهلا وينتظرون الرد من نهلا.. نهلا: اخس وهذي اللي ذابحتني تنصح آخرتها تعرفين شكله وبالتفصيل مابقى الا تعلمينا كم نظره ... ديمـــه: من عاشر قوما عشرين يوما صار منهم..... وتموا البنات يسولفون ويضحكون وشافوا الفيلم.. نهلا: ريــم وش تبين فباقة هالورد اليابسه خليني أرميها ريــم: لااااااااااااااااااااااااااا مالك دخل فيها خليهااااا أنا أحبها ديمـــه: تحبينها ولا تحبين اللي جابها؟؟؟ ريــم: ميته من الحيا وتقول الإثنين لينـا: اخس في قصة حب جديده فبيتنا وأنا مدري لا إحكوا لي ماينفع كذه... نهلا: من يحب من؟؟ شالسالفه؟؟ شهلا كانت ساكته ولا تكلمت ولا بكلمه وكانت تدري بالسالفه كلها من فيــصل (وخلقه شهلا كانت كتوم واللي يعلمها شيء كان يبصم بالعشرة أن الكلام مو طالع لأحد) ديمـــه: اوووووووه ريــم اعذريني مقدر أصبر أكثر لازم أتكلم وأقول لهم السالفه(ديمـــه كانت فضيحه وما بلسانها عظم) ريــم: .................................. مستحيه مرررررررررررررررة وحكت ديمـــه القصة كلها تفاجئوا كلهم بالسالفه وصارت العيون تنتقل بين الورد وبين ريــم عدا شهلا اللي كانت تبرد أظافرها ولا قالت شيء لأن الموضوع مو جديد عليها..... نهلا:اوووف كل هذا ولا أدري يا ريــم أخ منك بس يوم بحب ماراح أقولك ريــم: تقولين الكلام هذا بس ماتستغنين  وضحكوا كلهم وبدوا يسولفون سواليف ثانيه.. ** بالصاله كانت أم فيــصل جالسه تتابع أخبار الجزيره الا ودخلوا العيال عليها.. فيــصل + الوليــد + ابراهيم: السلام عليكم ام فيــصل: وعليكم السلام والرحمه هاااه كيف كانت التجهيزات؟؟ ابراهيم: تماااام تعبنا والله أكثر شيء بقسم الحريم كله نختار لكم شيء يبيض الوجه بس ان شاءالله يعجبكم .. أم فيــصل: الا صار ذوقك وذوق إخوانك فهو أحلى مايكون الوليــد: لا داخل عليه ذوق ماجد العفش أم فيــصل + فيــصل + ابراهيم: كلهم كانوا يعرفون كيف ماجد مايواطن الوليــد والعكس فقعدوا يضحكون عليهم.. أم فيــصل: هذا ولد عمك عاااد يا الوليــد مايحق لك تقول عنه هالكلام ابراهيم: بالإذن بروح أشوف ريامي وش شرت من السوق الوليــد: اسألني أنا أقولك وش ماشرت هي وبنات عمها أكبر غلطه بحياتي ارتكبتها إني ضفيت حريم معي للسوق ما يتعبون كله يدورون بالسوق وأنا وراهم تقل طرطور أشيل أغراضهم  أم فيــصل: البنات بينامون عند ريــم اليوم لا تروح يا ابراهيم ابراهيم: مستغرب خواتي قصدك؟؟ أم فيــصل: خواتك وبنات عمك نهلا وشهلا فيــصل تخوبل وقال ماتبون نطلع نمشي البنات ؟ ابراهيم: روح انت والوليد مشوهم أما أنا فأنا هلكااان ومالي حق لجتهم.. الوليــد: الا نوديهم نمشيهم ليش لا فيــصل: ونااااااااااسه أم فيــصل: ياحرام يابناتي اللي صار لهم شهر يبون التمشي ماجاهم وبلحظه وحده شهلا تقلب راس فيــصل وتخليه يقنع الوليــد يمشونهم  فيــصل: بتجين يمه معنا؟؟ أم فيــصل: لا روحوا أنتم ... فيــصل: مسك جواله ودق على ديمـــه ديمـــه: هلا بك فيــصل: هلا وغلا أخبارك؟؟ ديمـــه: الحمد لله والعرب اللي عندي يسلمو عليك( قصدها شهلا) فيــصل: الله يسلمهم زين ديمـــه ماودكم نمشيكم؟؟ ديمـــه: انت ومين بتمشونا؟؟ فيــصل: أنا والوليد... ديمـــه: أحد مايبي التمشيه ... ( البنات هنا فرحوا وانبسطوا انه فيه أحد بيمشيهم بس ريــم حبت تهبل بـفيــصل وقالت لـديمـــه تقول لـفيــصل ان شهلا تعبانه ومو رايحه معهم) ديمـــه: بس فيــصل شهلا مو رايحه ترى فيــصل: هاااااه؟؟ يووووه من سوأحظكم إن الوليــد يقول مني رايح معاكم وأنا مافيني عليكم كلكم خلاص نأجل الروحة لوقت ثاني( و الوليــد يناطط عنده ويقول يالكذاب ماقلت كذه ) ديمـــه: أمزح شهلا بتروح.. فيــصل: اييييه حتى الوليــد غير رايه ويقول خلاص بروح معكم.. ديمـــه: بااااااااااي بس بنتجهز للروحه متى بتاخذونا ؟؟ فيــصل: الساعه 11 تقريبا بس بسرررعه واللي تتأخر عن 11 بنخليها ديمـــه: طيب لو كانت شهلا هي اللي تأخرت؟؟ فيــصل: انتي والله العظيم مذله اللي يكلمك بااااي بس والكل على الساعه 11 كانوا بالصاله وطلعوا بيركبون السيارات.. وركبوا .. شهلا + لينـا بسيارة فيــصل و ريــم كانت بتركب معهم بس فيــصل قال لها روحي اركبي مع الوليــد .. و ريــم + نهلا +ديمـــه في سيارة الوليــد... وبالطريق شغل الوليــد الراديو وكانت كلمات الأغنيه... ..( احبك يا نظر عيني غناتي .. و احب الارض لي تمشي عليها .. و احبك حتى اكثر من حياتي ... و اسوم الروح لجلك و اشتريها ..) وصار يحرك شفايفه ويسوي حاله يغنيها لكن هو مايعرفها بس أعجبته كلماتها والبنات يضحكون ويعرفون من المقصود.. ريم كانت بالوسط (هي تابت تقعد وراه ثاني) ووصلوا الواجهة البحرية ونزلوا البنات وعلى طول ديمـــه + نهلا مايفوتون شيء ورا الوليــد يلقطون عليه أي نظره يناظر فيها ريــم .. و لينـا كانوا موصينها البنات تلاحظ نظرات ريــم وبعد مايرجعون البيت لازم يقعدون يحكون بكل اللي صار.. كان قدام يمشي فيــصل + ريــم + شهلا + لينـا ووراهم يمشون الوليــد+ ديمـــه+ نهلا وكأنهم رادارت على راس الوليــد و ريــم شهلا بصوت منخفض: الله يعينك ياريامي حطوك فبالهم اسأيني أنا عنهم .. ريــم : سكتي أحس قلبي بياقف ولا مراقبات في قاعة إمتحان ثانويه عامة؟؟ بدوا يتمشون وهم مرة مبسوطين .... الوليــد: بينه وبين نفسه.. الله كريم أنا تمنيت أطلع معاها مرة وجتني طلعتين أنا بس كنت أتمنى أسمع صوتها والحين أنا أشوفها مو بس أسمع صوتها ياربيييييييييييه يا ريــم والله أحبك أحبك أحبك .. *** كان الوليــد لابس بلوزة بيضاء كم قصير وبنطلون جينز أسود كان شكله يذبح ومن شافه من البنات تم يطالعه مو قادر يرفع عيونه .وهو ولا على باله كان متعود ومايطالع أحد غير غزاله اللي قدامه ويفكر فيها ويتذكر شكلها التفتت ريــم على ورا بتكلم ديمـــه و نهلا وطبعا سجلتها لينـا اللي ماتفوت شيء .. وطاحت عينها على عيون الوليــد الوليــد التفت على الجهه اليمنى عشان غزاله تاخذ راحتها .. ريــم استحت وبسرعه التفتت قدام .. ولا قالت اللي كانت بتقوله لهم وطبعا الرادارات مافوتوا شيء مافي أقوى من عيونهم حفظوا كل حركه سواها الوليــد وسوتها ريــم.. الوليــد يفكر: عيونها تجنننن تذبح صراحة هي كلها تذبح ياربييييه وش اسوي ريــم ليتك تفهميني والله أحبك .. ويغني بقلبه: ليتك دايم معانا يحصل دايم لقانا** الله ماأحلى هوانا وماأشرك بالشريك** قطع تفكيره فيــصل: والتفت عليه الوليــد كان الوليــد منزل راسه يفكر يوم ناداه فيــصل رفع راسه ورفع شعره بأصابع ايده ورد: لبيه ريــم شافته وهو يرفع شعره بغت تصارخ وتقول والله يجنننننن بس مسكت روحها فيــصل: ماودك ندخل ستار بوكس؟؟ الوليــد: الا ندخله ليش لا.. ودخلوا ستار بوكس.. وطلبوا.. فيــصل: طلب موكا شهلا قالت لـفيــصل يطلب لها على ذوقها لأنها مشتهيه تشرب من ذوقه فطلب لها موكا نهلا + ديمـــه ماطلبوا شيء وكتفوا بالمراقبه المشدده لينـا طلبت كابتشينو و الوليــد اكسبريسو و ريــم طلبت موكا وانبسطوا فذيك الليله وكانت ليله ولا من ليالي ألف ليله وليله بالنسبه لـريــم و الوليــد و فيــصل وشهلا وكانت ليله متعبه ومرهقه بالنسبه للرادارات( ديمـــه+لينـا+نهلا) يوم رجعوا للبيت 1.30 كان ابراهيم ينتظرهم أما أم فيــصل وابو ابراهيم فهم ناموا ابراهيم: عساكم انبسطتوا؟؟ عدا انت يافيصل عارف جوابك الوليــد: لا الحمدلله تمام لو إن الرطوبه ذبحتنا فيــصل: أكيد جوعانين وش رايكم أعشيكم على حسابي؟؟ الوليــد: وش هالكرم اللي نازل عليك؟؟ فيــصل: طول عمري كريم صح يا ابراهيم ابراهيم: آسف ماأشهد شهادة زور..  فيـصل: اوووه طيب شهلا مو صح أنا كل عمري كريم؟؟؟ شهلا: شهادتي فيك مجروحة.. ديمـــه: على كذه بتروح علينا العزيمه الا جوعانين يا فيــصل رح جب لنا شيء يوكل فيــصل قام بيروح وقام معه الوليــد وقال :بروح معك.. وراحوا جابوا لهم أكل من أقرب مطعم وتعشوا .. البنات كملوا سواليفهم وتريقتهم على ريــم و شهلا والعيال: فيــصل يطقطق عالنت.. ولقاله على الماسنجر عبود ولد عمه (أخو ماجد) وكان عبود خفيف ظل وظريف وذكي عكس الغثيث ماجد ابراهيم: في سابع نومه الوليــد: كان يفكر بغزاله... ********* الساعه 12 الظهر دق التليفون ********* ....... : السلام عليكم أم فيــصل: وعليكم السلام هلا أم سلطان شخبارك أم سلطان بخير شخبار البنات عندكم عساهم مريحينكم؟ أم فيــصل: ماشفت منهم الا كل خير الله يعافيهم أمس طلعوا يتمشون مع العيال وتكلمت أم فيــصل مع أم سلطان شوي أم سلطان: أم فيصل ترا خالتي ذبحتني صار لها يومين تقول برجع لولدي عبدالله ( خالة أم فيصل وأم سلطان هي أم رجالهم وكانت عايشه عند أبو ابراهيم بس طلبها ابو سلطان تجي تقعد عنده فترة وقعدت عنده شهور والحين هي تبي ترجع لبيت أبو ابراهيم ) أم فيــصل: الله يحيها تجي وقت ماتبي بيت ولدها هو بيتها أم سلطان: بيجيبها اليوم العصر ماجد وبياخذ خواته أم فيــصل: خير ان شاءالله .. وقفلت الخط من أم سلطان الا ويدخل ابو ابراهيم وتقوله زوجته إن أمه بتجي اليوم ويرحب بجيتها ولدها .. ابو ابراهيم: وين العيال؟؟ أم فيــصل: أرسل الحين الخدامه تصحيهم راحت الخدامه جيني تصحي البنات وقالت لهم إن الأم تقولهم يقومون إخوانهم ويجون الغداء جيني: ديمـــه هيا قوم ماما قول قوم ديمـــه: طييييييييييب بره يالله وطلعت الخدامه وراحت ديمـــه قومت اخوانها والوليد وقومت بنات عمها وخلال نصف ساعه الكل على الطاوله الا الوليــد دايما متأخر بس هالمرة لحق عليهم بأولها وجاء جلس على كرسيه ورفع راسه لأنه متعود يشوف وجه ريــم قدامه بس يوم رفع راسه لقى ديمـــه قال: بسم الله الرحمن الرحيم .. ديمـــه: وش فيه وجهي كنك فزعت يوم شفته الوليــد: هااه لا أنا قصدي بسم الله ببدأ آكل فيها شيء بعد؟؟ ديمـــه: لا مافيها شيء بس كنك فزعت يوم شفتني الوليــد(بصوت واطي لـ فيــصل) الناس تصبح بوجيه غزلان الا أنا وحظي الردي يوم بغيت أصبح بوجه الريم صارت هالوحش بوجهي؟؟ بس كان ترتيب الطاوله مختلف شوي وكانت ريــم بمكان فيصل اللي يجلس فيه عادة ريــم: تقول شيء الوليــد الوليــد تلخبط لا لا سلامتك بس وين فيصل ليش كذه الطاوله متلخبطه فيــصل: نحن هنا الوليــد:أهاااااااا الوليــد مفتشل من روحه وبنفس الوقت مو مصدق انه جنب ريــم أم فيــصل: نهلا وشهلا اليوم أمكم كلمتني وقالت بيجي ماجد ياخذكم العصر الوليــد يقول بنفسه وش جابه هالغثيث عسى مو بيجلس بعد أم فيــصل: بيجيب معه الجده تقعد عندنا من قالت الجده الا وتغير وجه فيصل و الوليــد و ديمـــه و لينـا : ديمـــه: لييييييييييييييييييييش تجي؟؟؟ أم فيــصل: عيب هالكلام يا ديمه هذي جدتك ديمـــه: طيب وقامت تحظرم بينها وبين نفسها ريــم مو مستوعبه ليش الناس كذه متضايقين وش فيها جية الجده يعني خلصوا غداء وتفرقوا وراحوا البنات لغرفة ريــم... ريــم: ليش تغيرت وجيهكم يوم قالت أمي بتجي الجده ؟؟؟ لينـا: لأنك ماجربتيها ماعمري شفت عجوز فضوليه بالدرجه هذي ديمـــه: وكلماتها اذا قالت لها لازم أبوي يمشيها حتى لو قالت نم بالصاله ابوي مايقدر يرد لها طلب لأنها بتزعل عليه وماترضى الين يسوي اللي تبيه  ريــم: ياحرااااااااااااااااام شكلها طيوبه نهلا: هي طيوبه بس كلمتها لازم تتنفذ الله يكون بعونكم .. صار العصر وجاء ماجد عشان يحط جدته ويأخذ خواته.. كالمت أم فيــصل بناتها عشان يسلمون على الجده .. نزلو ريــم والبنات وراحوا عند الباب ينتظرون جدتهم كانوا العيال توهم جايين من صلاة العصر سلموا على ماجد اللي كان موقف سيارته في حديقة البيت... وفتح ماجد باب السيارة ينتظر الجده تنزل.. الوليــد قرب لها بسرررعه وحب راسها وايدها ومسك ايدها وساعدها بالنزله الجده بعد مانزلت التفتت على ماجد وحطت عصاها على رقبة ماجد وقالت: شفت العيال شلون يمسكوني ويساعدوني بالنزله مو إنت تفتح الباب وتتركني لو أطيح كان صفقت لي؟؟ ابراهيم و فيــصل و ابو ابراهيم سلموا عليها وضحكوا على ماجد ماجد: ابراهيم قول للبنات يطلعون بوديهم البيت ابراهيم: إدخل شوي ليش مستعجل؟؟ ماجد: لا مرة ثانيه عندي موعد الحين ابراهيم: براحتك وأشر للبنات يجون البنات اتجهوا للسيارة وسلموا على الجدة بطريقهم .. وراحوا طول الوقت وكان الوليــد يساعد جدته لين ماوصلها حد الكنب وجلسها عليه وأخذ عباتها ومدها لـ ديمـــه .. وكان جالس الوليد على يسار جدته وحاط ايده على كتفها الأيمن.. ريم جت تسلم على جدتها وحطت ايدها على كتف الجده وماحست الا بإيد الوليــد تحت ايدها على طول احمر وجهها وشالت ايدها و الوليــد شال ايده بعد هو.. لكن مو مصدق انه لمس ايدها..كان يفكر ويقول ايدها ناااااااااااااااااعمه ياربي هي تستعمل Dove ولا Nevia الوليــد ماكان له بالكريمات بس كان يشوفها بالدعايات ويصدقها ؟؟ مسكين على نياته وش يدريه؟؟ راح ثلاث اسابيع وجاء وقت حفلة التخرج اللي مسوينها أبو ابراهيم وأبو سلطان كانوا البنات متفقين مع مشغل بيروحون يتمكيجون عنده وبطريقهم بيمرون على نهلا وشهلا ياخذونهم للمشغل .... اتفقوا العيال وقسموا الأشغال بينهم : فيــصل: يودي خواته وبنات عمه للمشغل الظهر وبيأكد الحجز عند محل الحلويات.. ومسؤول عن عشاء الرجال ابراهيم: كان بيقعد بالقصر من العصر يشوف الرجال اللي بيجوبون الطاولات واللي بيجوبون المفارش واللي بيركبون السماعات للفنانه اللي بيجبوها ومسؤول عن عشاء الحريم الوليــد: كان عليه يودي الحريم الكبار ( أم فيــصل + أم سلطان + الجده ) للفندق بعد صلاة المغرب وبيجيب خواته وبنات عمه من المشغل للبيت ومن البيت للفندق.. *** ماجد: كان بيجيب الفنانه اللي بتجي من المطار للفندق وعليه ينتظرها بالمطار لحد ماتاصل طيارتها  وعليه يجيب التورته من محل الحلويات والشيبان(أبو سلطان + أبو ابراهيم ) بيقعدون بالقصر يشربون شاهي ويسولفون؟؟ بالأول الوليــد ما كان مقتنع يحظرم ويقول ليش أنا دايما أبتلي بالحريم وبغثاهن..؟؟ بس بالأخير أجبر لأنه مافي أحد غيره يقوم بالمهمه.. ودى فيصل البنات للمشغل ورجع لمحل الحلويات يأكد الحجز...وراح ينام شوي ابراهيم: كان يجهز عمره ويحلق وأعطى الشغاله تكوي ملابسه وتعلقهن بالدولاب الوليــد: مازال يحظرم ويتوعد البنات والحريم ماجد: ماشافوه كل النهار مايدرى وينه بعد أذان العصر راح ابراهيم وأخذ الشيبان معه للفندق وصار يشرف على الموضوع من إلى وهو في صالة الحريم حطوا المفارش على الطاولات ووزعوا صياني الحلا على كل طاوله وكانوا حاطين على كل طاوله مزهريه فيها ورود وكل الشغل ذوق × ذوق وحاطين مع الورد عبارات حلوة .. والبخور مانساه ابراهيم ووزع المباخر وتأكد من الأنوار وبعد ماجت السماعات بيركبونها في المنصه ركبوا كل شيء تمام بقى يشبكون السلك في فيش جنب المنصة.. ومسك السلك ابراهيم وانحنى يشبكه في الفيش وشبكه لكن بعد ما انحنى طاحت بطاقة الأحوال حقته من جيبه وهو ماإنتبه لها... وبعد ماخلص كلش راح للبيت قبل أذان المغرب بنصف ساعه وبسرررعه تسبح ولبس لبسه وقوم فيصل على أساس يروحون مع بعض ولبس فيــصل وراح مع ابراهيم للفندق وصاروا يتساعدون على الأغراض والتجهيز لعشاء الحريم والرجال.. بعد أذان المغرب كلم الوليــد ديمـــه .. الوليــد: هاااد ديمه خلصتوا.. ديمـــه: لا بقى لنا شوي إنت ود أهلي للفندق وتعال وبنكون إحنا خلصنا الوليــد: o.k يالله بااااي راح الوليــد لأهله وأخذ الحريم الكبار للفندق.. ووصلهن الفندق ونزل يساعد جدته لحد باب الفندق.. وإستأذن منهم وراح يجيب البنات.. وصل المشغل دق على ديمـــه : الوليــد : وينكم أنا عند الباب ديمـــه : أوه الوليــد مو وقتك؟؟ كل تبن الوليــد: مو وقتي أجل متى وقتي فيكم شيء؟؟ ديمـــه: ياولد الحلال ريــم بدت تفتح مناحتها وخرب مكياجها وبنعدله لها يبيله وقت الوليــد وهو يرقع قلبه ووده يدخل الحين بس عشان يمسح دمعة غزاله قال: طيب تعالوا الحين انتم أوديكم وأرجع لها تكون خلصت ديمـــه: لا ما أتركها لحالها وهي بالحاله هذي ريــم ردت على ديمـــه لكن سمع صوتها الوليــد : لا خلاص أنا هديت روحي لاأعطلكم ويزعل عليكم الوليــد ويرجع لي ياخذني ديمـــه: O.Kأمري لله البنت خايفه على زعلك الوليــد: فديتهااااا خايفه على زعلي  ديمـــه: بس فكنا يالله عاد الحين بنطلع الوليــد: أنتظركم باااي وطلعوا البنات ووداهم الوليــد للبيت ودخل معهم وراح يتسبح ويلبس ثيابه .. نهلا وشهلا كانوا جايبين ملا بسهم مع السواق من قبل لبيت عمهم .. طلع الوليــد من دورة المياه وسمع صوت الجوال يدق استغرب شاف الرقم ماعرفه بس رد. الوليــد: الو ........: هلا الوليــد خلاص تعال خذني الوليــد: وين آخذك من انتي بالأول؟؟ .......: أنا ريــم الوليــد: أها سوري بس ماعرفتك صوتك متغير زين خلاص بجيك الحين.. ريــم: أنتظرك يالله باااي وغير ملابسه بسررعه ولبس أي لبس مالبس لبس الحفله لأنه ماكان فيه وقت وماوده يتأخر على ريــم... وهو متجه لها قال ليش ما أشري لها ورده هلو على قولة جيني ودخل محل الورد و إختار باقةورد لونه وردي قريب من لون فستانها اللي مازال مطبوع بذاكرته وكتب على الكارد ألف مبروك النجاح وعقبال الدكتوراه ووقع بإسمه راح أخذها من المشغل وكان حاط الورد على الكرسي الأمامي وهي ركبت بالخلف وبعد ماركبت قال لها : الله يهداك بس ليش تبكين..؟؟ ريــم: تمنيت أمي معي بالحظات هذي.. الوليــد: بس كذه تنفختي وخرب مكياجك!! ريــم: استحت وقالت صدق؟؟ الوليــد: لا أمزح أنتي شحلاتك بدون مكياج وش عاد بعد المكياج ريــم: ...................................... ( ميته من الحيا) الوليــد تذكر روحه وسكت وقال وش سويت أنا ؟؟؟ وقفوا عند الإشاره ومد الباقه لها وقال لها ألف مبرووك ريامي.. ريــم: مستحييييييييه مره وبصوت يالله ينسمع الله يبارك بعمرك وبعد ماوصلوا للبيت بسرررعه ريــم راحت تغير وتلبس فستان الحفل دخلت عليها نهلا وقالت بخبث: نقول مبرووووك ؟؟ ريــم: أوووه مو فاضيه لك نهلا: لا فاضيه حق الورد  ريم بخجل: اييه عندك مانع نهلا: لا طبعا بروح أنا ألبس عباتي ويالله لا تأخرين علينا ريــم: زين , بعد ماطلعت نهلا أخذت ريم ورده من الورود اللي فالباقه وشمتها وحطتها بنعومه في شعرها .. ومسكت عباتها ونزلت وهي بالدرج نازله قابلها الوليــد بوجهها.. الوليــد مو عارف وش يسوي وما قدر غير يطالعها كانت أميرة الأميرات شعرها مفلول على طوله ومسويه تسريحه بسيطه من فوق والأهم مغروسه فيه ورده وردية وحاطه لها خصله على وجهها ومكياج وردي يجنننننن كانت بدر وكانت لا بسه طقم الألماس اللي جابه لها أبوها وصاير عليها روعه حتى الوليــد ماقدر ينزل عيونه عنها وقعد يقول بنفسه أنا في حلم ولا في علم... أما ريــم إختبصت ومادرت شتسوي وقعدت تطالع لتحت وهي مرة مستحيه ومو عارفه شتسوي .. الوليــد بعد مرور دقيقتين صحى من اللي هو فيه ونزل راسه وتعداها بسرررررعه وقلبه كان يرقع وهو حاط ايده على قلبه ويقول شبلاه قلبك يا وليد صار يرقع مثل الطبول بدت الحفله بقلبك قبل لا تبدأ بحفل الحريم؟؟ وراح لغرفته وقعد يحاول يتذكر وش اللي كان يبيه بس ماقدر الا يفكر في ريــم ويتذكر شكلها تذكر كانت حاطه شئ في شعرها وش ممكن يكون وقعد يحاول يفكر وتذكر انها ورده من الباقه اللي أهداها لها فرح واستانس مره.. وماقطع تفكيره غير الجوال يدق تذكر انه كان جاي لغرفته بياخذ جواله شاف المتصل كان أم فيــصل.... رد: هلا أم فيــصل: وينكم ياولدي الساعه 9 الوليــد: خلاص جيناك حنا بالطريق أم فيــصل: تركد بس لا تسوق بسرعه الوليــد: آمري وبنفسه يقول مهبول أنا مركب معي كل ذاك الزين وأسرع ؟؟ ونزل للبنات وهو مازال بذهوله وقال: بنات يالله ديمـــه: بدري وش عقبه؟؟ الوليــد: بسرعه أمي دقت علي تسأل عنكم ديمـــه: دقت علي قبل وأنا أشتكيتك عندها وقلت لها ولدك معطلنا يجيب باقة ورد.. الوليــد: من جد قلتي لها؟؟ ديمـــه: لا إرتاح بس يالله وركبوا السياره كانت ريم بالوسط ( حرمت تقعد وراه ثاني) وكان الوليــد ماشاءالله لا بس ثوب ولأول مرة تشوفه ريــم بالثوب بس كان بالثوب يجنن بعد ولابس غتره منشيه والولد طالع سكبه.. وصلوا البنات للقصر والكل مانزلت عيونه عن ريــم وكان من يشوفها ينذهل من جمالها ويصلي على النبي .. حتى الجده جابت ريــم جنبها وصارت تقرأعليها ومن جاء يسأل عنها قالت له هذي بنت ولدي وكلن يقول لي كأنها أنا تشبه لي مرررررة و ديمـــه تقول لـ لينا: ضيعت سوق البنيه من جاء يسأل عنها قالت له تشبه لي يتخرع وينحاش  لينا: عيب عليك انتي ووجهك.. ودخلت الفنانه اللي هم طالبينها الكل تفاجأيوم دخلت كانت نوال الكويتيه حتى ريــم نفسها ماكانت تدري وتفاجأت بجيتها بس انبسطت مرة .. بالصراحه ريــم ماكانت مبسوطه من قلبها كانت تتمنى لو إن أمها معها.. بس مع هذا كانت تضحك مع العالم لكن مو من قلب ضحكتها وهي أصلا تعودت تجامل العالم.. وبعد ما رقصوا البنات وغنت نوال أغاني كثيره منها( تهددني , ذوق , الشوق... وكثير أغاني وطربت العالم بصوتها ) ومن ضمن الحاضرين كانت حاضره الحفل فرح ( الممرضة السعوديه اللي عطاها ابراهيم طراق يوم وفاة أمه ) وكانت من قرايب أم سلطان وحاضره الحفل وجلست قريب من المنصه وشافت كرت طايح بالأرض حست إنه مهم راحت وإخذته وناظرة الصوره وبقلبها تقول مو غريبه علي الصوره هذي لكن بعد ما قرأت الإسم تذكرته على طول أهااا ابراهيم وراحت تدور على أم سلطان بتعطيها الكرت بس مالقتها وين بتلقاها بين هالجموع وكانت بتطلع لأنها ماتقدر تطول أكثر فراحت أعطت الكرت لمديرة الفندق وقالت لها القصة وطلبت مديرة الفندق اسمها لأنها توقعت إن قصتها نسج خيال استغربت فرح طلبها بس أعطتها اسمها... وبنهاية الحفل أعطت المديره أم سلطان الكرت وقالت لها السالفه وخبرتها بإسم البنت استغربت أم سلطان السالفه لكن أخذت الكرت منها.. طلبت ريــم من خالتها أم سلطان تخلي البنات ينامون عندهم الليله ووافقتها أم سلطان الطلب وبعد ما إنتهى الحفل دق ابراهيم على أم فيــصل وقال لها انه مضيع كرت الأحوال وأنه دوره بكل مكان مالقاه وقال يمكن انه بقسم الحريم قالت له أم فيــصل انها بتدوره وبتسأل عنه بس قبل لا تبدأ أم فيــصل تدوره جت لها أم سلطان وقالت لها سالفته ومن اللي جابه..أم فيــصل مااستغربت السالفه أبدا وقالت لـ أم سلطان تستغفر ربها لأنها واثقه من تربية الولد وأنه يخاف ربه ... ام سلطان: صادقه يا أم فيــصل لعب فيني الشيطان حسبي الله عليه... وانتهى الحفل ورجعوا بيت أبو سلطان مع ماجد وأصلا ماكان فيه غير أم سلطان وأبو سلطان.. وانطلقت ثلاث سيارات لبيت أبو ابراهيم وكانوا الشيبان ( أم فيــصل +ابو ابراهيم+الجده) بسيارة الوليــد وشهلا + لينـا بسيارة فيــصل.. و ريــم +نهلا + ديمـــه في سيارة ابراهيم الوليــد يقول بنفسه لا حوووووووول وش هالسالفه الحين هم يتمون مع هالبنات وانا حاطيني مع هالشيبان؟؟ وبعد ماوصلوا البيت كانت سيارة ابراهيم أول السيارات الواصله وبعدها على طول وصل فيــصل وفتحوا الجراج ودخلوا السيارات نزلوا البنات من السيارة ودخلوا داخل البيت... وفي الحديقه حركوا سياراتهم ابراهيم و فيــصل عن واجهة البيت عشان لاجت سيارة الشيبان. ابراهيم نزل من السيارة ويكلم فيــصل: غريبه تأخر الوليــد ؟؟ فيــصل: لا لاتخاف بس يكونون هالشيبان بهذلوه لا تسرع لا تسرع ابراهيم: عاد هو ماله خلقهم وكان يحظرم علينا يوم نوزع الركاب  الا ودخلت سيارة الوليــد وصار يكبس بالأنوار من شاف ابراهيم و فيــصل ابراهيم: مو قادر حتى يصبر الين ماياصل ويهوشنا من الحين بدأ وقفت السيارة ونزل الوليــد يركض يفتح لجدته الباب ويمسك ايدها وعلى طريقه فتح الباب لأمه وأبوه.. فيــصل: ياخي شكله ينفع سواق شيبان خمس نجوم ابراهيم: خخخخخخ  دخلوا البيت والكل راح غرفته يرتاح عدا الوليــد اللي كان مو قادر يمنع تفكيره عن غزاله وتم يفكر فيها وفشكلها كل الليل.. ومانسى يطلع رقمها مع المكالمات المستلمه ويخزنه وقفلت عيونه غصب عنه بس تم يفكر فيها فأحلامه.... ************************* وفي ظهر اليوم الثاني اجتمعوا كلهم على طاولة الأكل وبدأوا ياكلون وكالعاده يجي الوليــد متأخر ويجلس عالكرسي.. ويطالع في وجه اللي قدامه ويلقاها ريــم ويبتسم في وجهها ويطل في وجه اللي جنبه بس يلقاها ديمـــه قال لها: وحشتيني قلت أطل بس لا تصدقين ( أخذ درس قاسي بعد المرة اللي فاتت وصار يطل بوجيه اللي حوله بوجهك كل مايقعد على طاولة الأكل) ابو ابراهيم: أقول ابراهيم ياليتك تروح للمزرعه وتشوفها المزارع داق علي يقول انه محتاج أغراض.. ابراهيم: ان شاءالله اليوم بروح تخاويني يا فيصل وانت يالـ الوليــد الوليــد: لا اعذرني أنا اليوم مشغول.. فيــصل: و أنا بروح النادي اليوم ما أقدر أجي .. ابراهيم: براحتكم ديمـــه: يبه خلنا نروح نقعد لنا اسبوع حنا وبيت عمي علي ابو ابراهيم: ايييييه صح فكرة حلوة وش رايكم لينـا + نهلا +شهلا : ياليت والله ونااااااااااااسه ابو ابراهيم: وانتي يا ريــم ماقلتي رايك ؟؟؟ ريــم: هااه أنا أصلا أنا ما أتذكر المزرعه زين وودي أعيد ذكرياتي فيها آخر مرة رحت لها يوم عمري 15 سنه.. الوليــد: اوووووه تغيرت كثير أجل ما راح تعرفينها لا رحتي لها. الجده: احم احم كنه مالي راي بالموضوع؟؟ ابو ابراهيم: لا يا أم عبدالله انتي الخير والبركه ديمـــه بصوت منخفض: أصلا أبوي وعمي مايخطون خطوة قبل تباركينها حضرتك لينـا: عيييييييييييييييييب عليييك ابراهيم: الا يا خاله أم فيصل وش صار على كرتي لقيتوه ؟؟ أم فيــصل: ايه زين اللي ذكرتني جابته وحده من الحاظرات لي بعد نهاية الحفل؟؟ بس من تتوقع تكون هالبنت..؟؟ الوليــد: أكيد معجبه من بتكون يعني؟؟ ابراهيم: امممممممممممم مين هي؟؟مافي ببالي أحد؟؟ أم فيــصل: البنيه اللي صفقتها كف يوم وفاة أمك الله يرحمها ابراهيم تحول وجهه لأحمر وتذكر الموقف وافتشل من روحه فيصل + الوليــد : خييييييييييير من كفخ هالمتسرع أم فيــصل: صفق ممرضه بس عطاها صفقه ماتحلم فيها بحياتها؟؟ الوليــد: افاااااا يا مسود الوجه وهذا وحنا شادين فيك الظهر ابراهيم: ياخي نرفزتني مدري شسويبها ذيك اللحظه غير إني عطيتها كف فيــصل: ينخاف منك لا عصبت تصير كأنك كبريت بس شجابها للحفل؟؟ لا يكون عزمتها يابرهوم من ورانا تسويها دامنك صافقها كف مو بعيده عنك تعزم؟؟ أم فيــصل: لااا تصير من قرايب أم سلطان وجت عن طريقها نهلا: اهاا بالحاله هذي أنا لازم أفزع لقريبتي وش على بالك ياإبراهيم ان ماوراها أحد ضحكوا كلهم عدا ابراهيم اللي كان مفتشل من حاله على الموقف اللي صار وبعد ماخلصوا غداء تفرقوا وراح كل واحد غرفته وفي غرفة البنات.. لينـا و ديمـــه ونهلا وشهلا ماخلوا ريــم الا ووصفوا لها كل اللي بالمزرعه من الى ريــم: يووووه أنا على خبري مسبح نطافش فيه ومبنى صغنون..!! ديمـــه: وينك انتي الحين فيه مسبح تضيعين فيه ومكشوف على الصالة ويجنن وساحه وسيييييييييعه للدبابات وفيها ثيل كبييييير والمبنى صار شحلاته كبير وواسع ويوسعنا كلنا,بعد التعديلات صارت رووووعه..ما تصدقين كييف؟؟ ريــم: شوقتوني أشوفها متى نروح لها؟؟ قرر ابو ابراهيم وابو سلطان على انهم يطلعون للمزرعه وبيوسعون صدر البنات والعيال.. وجهزوا التجهيزات وسبقهم ابراهيم + ماجد بيوم يشرفون على تنظيف البيت ويجهزون لهم المزرعه ... وفي صباح يوم الخميس.. كانوا العالم مجتمعين في بيت أبو ابراهيم على الفطور.. وبعد الفطور على طول توزعوا بالسيارات : الجده + ريــم + ديمـــه + نهلا + شهودي في سيارة الوليــد وأم فيــصل + أم سلطان + شهلا + ابو ابراهيم + لينـا في سيارة فيــصل أبو سلطان + عبود + الشغالات مع كومارو في سيارة الوليــد كانت الجده راكبه قدام و ديمـــه وراها وريم بالوسط ونهلا ورا الوليــد وشهودي لحالها بالمرتبه الثالثه *** طول الوقت و ريــم كانت تلاحظ تحركات الوليــد وتصرفاته مع الجده وكان يمزح معاها ويسولف ومستحملها ويضحك لها واذا بغى يلف كان يمسكها قبل لا يلف عشان ما تصبخ بالباب(الجده مافيها حيل تمسك روحها) ويمازحها أحيانا قالت ريم بنفسها معقول ورا هالوليد اللعاب انسان بالرقه هذي؟؟ تعامله مع الجده أثبت لها هالكلام .. بعد ماوصلوا المزرعه ونزلوا البنات يورون ريــم المزرعه ركن ركن وماخلوا مكان ما وروها اياه حتى بيت النمل ماسلم منهم.. كان الوليــد يدور بالمزرعه مع فيــصل ويسولفون.. الوليــد: شف شف جيني تقطف ورده أمداها تاصل عز الله وقضت على وردنا حتى ماامداها تتفحص المكان فيــصل: ياعمي كومارو سابقها وماقدر يصبر قطف ورده من عند الباب حتى ماصبر يدخل الوليــد + فيــصل: ههههههههه عاااااااااااااااااااااااااااااااااااااااااااااااال م الوليــد: تجي معي بقطف ورده أعطيها ريــم فيــصل: وأنا بعطي شهوله ورده .. الوليــد: ياسرعك تغار صدق انك بزر فيــصل: ماكنك غيران من جيني وكومارو؟؟ الوليــد: امش بس امش ريــم المزرعه تغيرت عليها مرة خاصة وإنهم ضموا أرض أبو سلطان لأرض أبوها ووسعوها. ابو ابراهيم كان معطي ابراهيم من قبل الأوامر انه يذبح ذبيحه من أجود ماعنده ويطبخونها عند طباخ للغداء وسوى ابراهيم اللي قال له أبوه عليه وكان كل شيء جاهز على الساعه 12 وتغدوا وتفرقوا ينامون وقسموا الغرف بينهم البنات بغرفه والعيال بغرفه والأمهات والجده بغرفه والشيبان بغرفه... في غرفة البنات.. ريــم: بنااااااااااات تصدقون نفسي أركب دباب ديمـــه: ههههههههههههههه هذا إن طاعك فيــصل ريــم: لييييييييييييييييييييييييييييييييييش ؟؟؟ ديمـــه: لا تسأليني هو مايخلينا نلعب دباب وبس... ريــم: اووووووف هذه مهمتك يا شهلا تقنعين فيصلوه شهلا: لاااااااا حبيبتي انتي قولي له وأنا شدخلني أنا اللي بركب دباب ولا أنا اللي بركب؟؟ ريــم: أوووووووووووووووف انتي وش شغلتك هنا غير تدافعين عن فيــصل طيب أنا أتصرف معه وبتشوفون وناموا البنات عدا ديمـــه كانت تفكر في ماجد وتقول صدق الكلام اللي يقوله الوليــد إن ماجد غثيث؟؟ طيب ليش شاللي صاير بينهم عشان ياخذ منه موقف بالشكل هذا ؟؟؟ ونامت ديمـــه في العصر الساعه 5 صحوا من النوم ولبسوا حجاباتهم ونزلوا تحت لقوا الجده صايجه ريــم: شفيك يايمه؟؟ الجده: هالشغاله اللي ماتودي ولا تجيب ريــم: أي وحده فيهم؟؟ الجده: ابليس ريــم: قصدك جيني ؟؟ الجده : اييييييييييييييه جني ولا ابليس وش يفرق؟؟ كلهم أعوذ بالله من إبليس ريــم: وش المشكله و أنا أشوف وش بسوي معها الجده: ماتعرف تحصد نعناع ريــم: اهاااااااا بس هذي شغلة السواق أو المزارع الجده: لا يحووول كومارو خنت حيلي من الصبح وهو يشتغل وهالإبليس بس تبلع ؟؟ ريــم: طيب خلاص أنا بتصرف روحي للصاله.. راحت الجده للصاله وتصرفت ريــم بالوضع وسوت الشاهي بالنعناع لجدتها وجابته يمها وجلست تسولف معها.. دخل الوليــد ماشاءالله وش كل هالنور (وهو يناظر ريــم) الجده: الله يسلمك اقعد ياوليدي اشرب شاهي معي ريــم مدري شبلاها ماتبي تشرب وأنا عجزت أشرب لحالي.. الوليــد جلس قدام جدته وصب في فنجال جدته شاهي وصب في فنجاله شاهي وصب في فنجال ثالث شاهي ومده لريــم .. استحت هي ومابغت ترده أخذت منه الفنجال وشربت فنجال واستأذنت منهم ولحقت البنات ... وتمت هي والبنات بره سواليف وضحك وغشمره واستخفوا بعد ما أظلم الليل وصاروا يلعبون غميمه.. لينـا جاء وقت العشاء ودخلوا يتعشون... ** بعد العشاء ** كانوا جالسين العايلتين يشربون الشاهي قال فيــصل: أجيب ورقه نلعب بلوت ؟؟ *** الوليــد: جيب يالله مع اني عااارف اني بفوز عليكم لا محاله ابراهيم: بسررررعه تكفى ودي أوري الوليــد كيف الخسارة الساحقة جاب فيــصل الورقه وخبصوا الورق بيلعبون قال الوليــد بصوت منخفض الظاهر لا مفر من هالمغثه المغرور نحتاج لاعب رابع والتفت على ماجد وقال: تشاركنا اللعب ؟؟ ماجد: ماكذب خبر أحد يعزمه وجاء طاير وهو يقووووووول ايييييييييييييييييييييييييه أما عبود فكان غارق بعالم ثاني يطقطق عالنت جايب اللاب توب معاه البنات يسولفون مع بعض بعدين راحوا عند الشباب وصاروا يضايقونهم وينكدون عليهم خاصة ديمـــه و نهلا ماتركوا احد بحاله وخلصوا من الشباب وانتقلوا لعبود وصاروا يفصلون عليه السلك ويخبطون على الكيبورد الين ماطفش عبود منهم وكفخهم... وانتقلوا للشغالات وصاروا ينكتون على جيني وكومارو وجيني تحظرم عليهم ... ورجعوا ثاني للشباب وقالوا لهم : من فاز؟؟ ابراهيم وبكل فخر: مو أنا ماجد: ولا أنا فيصل: ماسكينها تناوب أنا و الوليــد على الفوز الوليــد: كذااااااااااااااااااااااب مافزت الا مرة وبالغش بعد البنات: بنلعب معكم نبي نلعب لعبه نعرفها .. والتفتت ريــم للدولاب وقالت تلعبون منبولي؟؟ الوليــد :هههههههههههههههههههههه أيام زمان شرايكم نعيدها الشباب: يالله اسم اننا خسرانين خسرانين ماجد وبكل غرور: لا لا ما ألعب مع بنات !! ديمـــه: عسى عمرك ما تلعب اللعبه وقفت عليك ولا وقفت عليك وقالت له بوجهه تدري إنك مغرور وشايف روحك ومكروه بعد الكل استغرب وش اللي جاها ديمـــه وبكل جرأة قالت له هالكلام ؟؟ ماجد بكل برود: انتي تكلمتي قبل شوي ماسمعتك؟؟ ديمـــه: تاااااااااااااااااااااااااااااااااااااافه وحقييييييييييييييييييييييييييييييير ماجد قام من المجلس ولا كأن شيء:بالإذن بروح أشم هواء برى ديمـــه ضاق خلقها من الكلام اللي قالته لـماجد بس كان غصب عنها طلعها من طورها بغروره وانقلب شعور الحب عندها الى شعور كره.. ماجد: طلع بره وصار يفكر بكلام ديمـــه صدق أنا مكروه لا بس هذي الغبيه اللي إسمها ديمـــه ماعندها سالفه.. وقاموا العيال + البنات يلعبون منبولي ومسك فيــصل البنك وكالعاده كان يغش ويلطش له من هنا شوي ومن هناك شوي وفاز بالأخير بس ماصدقوه لأنهم يعرفون إنه غشاش درجه أولى أم فيــصل + أبو ابراهيم + الجده + أم سلطان + ابو سلطان ناموا من حوالي ساعتين والعيال تموا يلعبون الا أذان الفجر واصلوا ونامو الا ديمـــه كانت تقول معك حق يا الوليــد ماجد مغرور ومغثه بعد طول عمرك لك نظره ماتخيب وأدركت إن شعورها تجاه ماجد كان طيش شباب .. في الصباح ريــم مو من عوايدها تقوم بدري بس ماتدري شاللي قومها من الساعه 10 قامت وصحت ديمـــه و نهلا وقالت لهم قوموا نلعب شوي بالدبابات دام العيال نايمين نهلا + ديمـــه: ياربيييييييييييييه ريــم وقته؟؟ ريــم: أجل متى وقته ؟؟ بسرررعه دام العيال نايمين .. نهلا: صاااااااااااادقه يالله قومي ديمـــه قاموا من النوم ونزلوا تحت سلموا على الشيبان اللي تحت وراحوا يدورون مفاتيح الدبابات مع مفاتيح البيت السبير بس لقوا فيــصل سبقهم عليها وظفها *** ديمـــه: ياربييييييييييييه وش هالقرادة ريــم: وشلون يعني والحل ؟؟ نهلا: الحل يا إنك تنامين ولا تطلعين تفرجين على الدبابات ريــم: نروح نتفرج يالله وطلعوا لساحة الدبابات وكان فيها خمس دبابات... ريــم: ياسلاااام لمين كل الدبابات هذي؟؟ ديمـــه: بقولك اللي يهمك شفتي هذاك الدباب الأسود لـ الوليــد ريــم: طيب والأصفر؟؟ ديمـــه: اوووووووه وش يهمك انتي غير الأسود نهلا: أنا أقولك الاصفر لعبود أخوي والأحمر لـماجد والجيشي لـ ابراهيم والأزرق لفيصل ريــم: اهااااااا أحلاهم الجيشي والأسود ديمـــه: المحبوب براحه طبعا ضحكوا على خفة دم ديمـــه ورجعوا يدخلون للبيت لقوا فيصل و الوليــد صاحين وقاعدين يسولفون مع جدتهم.. ومن دخلوا البنات ضحك فيصل وقال: فاتني شكل وجيهكم بعد ما أصبتوا بخيبة أمل... ديمـــه: ماتضحك بااااااااااايخه جيب غيره الوليــد: أقول فيــصل أنصحك لوجه الله بعد اللي شفته من ديمـــه أمس على ماجد ما أنصحك تتعرض لها وهي بالمزاج المتعكر هذا ريــم: فيــصل تكفى ودنا نلعب بالدبابات فيــصل: No.. Im Sorry ريــم: الله يخليك الوليــد ماقدر يصبر يسمع غزاله تنذل لفيصل العم وهو ولا جايب خبرها.. الوليــد: ولا يهمك ريامي خلي فيــصل علي والعصر ان شاءالله بتلعبون دبابات مثل ماتبون ريــم: الله لا يخليني منك ... أما إنت يا فيــصل بوريك ان شاءالله شهوله عندي وأنا بتصرف الوليــد: ياسلاااااااااااااااااااااام عيديها ثاني .. ( الظاهر نسى عمره) ريــم ميته حيا وماتدري شتقول الجده : نععععععععععععععععععععععم هيه انت وش عندك؟؟؟ الوليــد انتبه لروحه وقال: وشو أنا قلت شيء خطأ أنا أبيها ترجع تهدد فيــصل عشان أغيضه بس هذا كان كل تفكيري .. فيــصل بصوت منخفض: عرفت كيف تخرج منها مثل الشعره من العجين *** والعصر لعبوا البنات بالدبابات وحققوا أمنيتهم أخيرا وتعشوا ومثل أمس قاموا الشيبان ينامون بس الشباب قعدوا يلعبون شوي... الوليــد: شرايكم نلعب أونو ؟؟ ابراهيم: يالله وش ورانا أصلا حنا غير اللعب فيــصل: وناااااااااااااااااااااسه من زمان عنها ماجد قام على حيله وقال إعذروني أنا مواعد واحد من الربع هنا قريب من الإستراحه وبروح للموعد... الوليــد: ايه لا ماجد خذ راحتك وبقلبه يقول: فككككككككككككككه البنات: بتلعبونا.. فيــصل: ايييييييييييه بنخبص مجموعتين أونو ونلعب وحنا عدد كبير أحلى ولا ؟؟ البنات: أكيييييييييد أحلى الوليــد لااااااا أخاف أخسر أنا ناسيها من زمان مالعبت ابراهيم: خليهم يقتصون منك بعد اللي صار أمس والله تلقيطة وجه 10 لعبات ما فزنا عليك الا مرة قدر فيــصل يغلبك ؟؟ الوليــد: يا حقدك وخبص فيــصل الورق وطبعا فيــصل كان أكبر غشاش بالعالم لطش له كم دروفور وكم دروتو ولعبوا وأجبر الوليــد باللعبه يحط دروفور مع إنه ماوده لأن اللي بعده هي ريــم بس شيسوي قوانين اللعبه وأكلتها ريــم وسحبت 4 أوراق لكن مانستها له لأنهم حطوا اللي يعكس الدور ووكلته 4 أوراق... وبنهاية اللعبه أول من فاز نهلا وبعدها خلصت ريــم وبعدهاخلصت شهلا .. وبعدا ديمـــه و لينـا وكذه يكونو خلصوا البنات.. الوليــد: أفااااااااا ياعيال فازوا علينا قوم البنات؟؟ وإنت يافيصل على كثر الأوراق اللي لطشتهن ما فزت؟؟ فيــصل: هااه وش تقول انت الغش حرام ابراهيم: زين لا صرت عارف هالشيء قم بس قم حفاظا على ماء وجهي ماراح أكمل اللعبه وطش الأوراق ابراهيم وقام الوليــد: ولا أنا مابكمل وطش الأوراق فيــصل: وقفت علي حتى أنا مو لاعب نهلا + ديمـــه: وعصبوا الشباااب وعصبوا الشبااااااب ريــم: وانتي الصادقه وكنسوا ما تبقى من شتات وجيههم الشباب الوليــد قام وهو يقول: بروح أنام بلا هالمذله بس ابراهيم + فيــصل: وحنا معك الوضع مايحتمل صراحه.. الوليــد: زين بنات بكره بعد الفطور قررنا نرد البيت بسرررعه تجهزون مو تسحبلون.. البنات: اووووووووووووه خساره والله وناسه ليش بنرد للبيت وقاموا العيال ينامون والبنات جلسوا يسولفون الا إن أذن الفجر وصلوا وناموا.. الساعه 10 .. أم فيــصل: قوموا يابنات يالله العيال مرة شايشين بنرد البيت الحين البنات: اوووووه الشنط جاهزه حطوها بالسيارة شوي نغسل وجيهنا وننزل قاموا البنات غسلوا وجيههم وتسبحوا ولبسوا ونزلوا وطبعا أم فيــصل كانت داقه على البيت وقالت للخدم الموجيدين هناك يقولون للطباخ يجهز غداء محترم معهم ضيوف.. وتجهزوا وانقسموا بالسيارات مثل ماجوا غير إن أبو سلطان + أبو ابراهيم راحوا بسيارة ابراهيم وسيارة السواق ملوها خضره وأغراض من المزرعه جايبينها.. وبسيارة ماجد معه عبود بس... وفي سيارة الوليــد قالت ريــم حق البنات تصدقون نفسي بهذاك المسبح الزين ورجعت للبيت وأنا ماسبحت فيه بخاااااااطري هالسباحه ودي ارد الحين أسبح الوليد كان يسمع كل كلمه تقولها ريــم .. ومايفوت ولا همسه وهي كانت وقت تطالعه ووقت كانت تفكر فيه ووقت تسولف مع البنات.. شغل الوليــد الـ FM وكان فيه أغنية من الأغاني الرجه وصوت الطبول فيها والأورق والصوت ملعوب فيه.. الجده: وش ذا الأغاني الله يرحم زمان أم كلثوم وعبد الحليم آآآه *** يازمن الوليــد: ياجده يقولون مايسمع أم كلثوم الا اللي يحب والله يستر منك ليييش كان يعجبك أم كلثوم؟؟ ديمـــه: أهااااااا وأنا أقول ليش كل سيارتك كاسيتات لأم كلثوم!! الوليــد إختبص ومايدري وش يرد عليها بس قال: لكل قاعده شواذ يا ديموه الجده: من اللي قاعده عند من؟؟ البنات + الوليــد: هههههههههههههههههههه الجده: جاوبوني ؟؟ الوليــد: لا يمه ما احد قاعد عند بس ماتبين محمد عبده ؟؟أحد الجده: لا مابي شيء بذكر ربي؟؟ وبعد ماوصلوا البيت كانت أول سيارة واصله سيارة فيــصل فتح باب القراج ولف نصف لفه على النافورة اللي بالوسط ووقف قدام الباب الداخلي...ونزلوا اللي بالسيارة وأخذ لفه كامله ولبق السيارة بقراج السيارات.. ودخلت سيارة ماجد بعدها ولبقوا السياره ونزلوا هو وعبود ووقفوا مع فيصل يسولفون حتى وصلت سيارة السواق وعلى طول راح للباب الخلفي عشان الأغراض اللي معه ووصلت سيارة ابراهيم ونزلوا الشيبان منها وهم يقولون لـماجد لييييش مسرع؟؟ ماجد: وين مسرع الله يهداكم هذا وأنا مهدي وخايف منكم أبو سلطان: لا بالأول كنت مسرع لكن خفت منا يوم صرنا نكبس لك وهديت!! وراحوا من عندهم ... قال فيــصل: الله يهداك بس ياماجد هقيتك ذكي ياخي اسلك الطريق الزراعي وغب عن أنظارهم وسو اللي تباه لا حسيب ولا رقيب أنا رحت مع الطريق الزراعي وكاني أول من وصل ماجد: والله راحت عن بالي فيــصل: تأخر الوليــد غريييييييييييييييبه وبقلبه يقول( حركاتك ياوليدوه ماتفوت علي ) الا ودخلت سيارة الوليــد وهو يضرب بواري ومبسوووووووووط..وجدته تدعي له وتقول عقبال مانسمع بواري موكب عرسك..وهو يقول آآآآآمين بس متىىىىىىى يتحقق اللي فبالي؟؟... ووقف عند الباب ونزل فتح الباب لجدته ومسك يدها لحد ماوصلها باب البيت الداخلي.. فيــصل ركب مع الوليــد وهو رايح يلبق السياره وأول ماركب قال: ياخي مو من عوايدك تهدي وش اللي صار لك الحين نزلت عليك فجأة أو بتكسب أكبر وقت ممكن مع الغرشوب؟؟ الوليــد: أخ بس يا فيصلوه اسكت بس هي غزال هي ريــم هي رعبوب هي غرشوب هي بشر؟؟هي ملاك وش هي ياخي؟؟ فيــصل: ياشيخ صار عندك نفس الشك اللي عندي أنا شاك إن ريــم جني؟ مو بشر الوليــد: اوووووووه فيــصل ماني متفيق لك جب بس وبعدين ياخي أختك الفضيحه هذي أم لسانين ماعمري أركبها سيارتي؟؟ حطتني فموقف عند جدتي بس الحمدلله إنها طلعت ماتفهم بالأمور هذي( وقص على فيــصل القصه) فيــصل: ماتكف هذي عن أذية العشاق؟؟ ونقدر ناخذ راحتنا بعد ياخي أنا مفكر ألصقها بـماجد اغديها تفكنا من حنتها شوي حنا بالطنازة الوليــد:هههههههههههههههههههههه ذكرتني بالغثيث كاهو يطالعنا صار له ساعه وده يذبحنا بسرررعه خلنا نروح له قبل تجيه ضربة شمس... ونزلوا الشباب لـماجد ودخلوا داخل البيت وقعدوا يسولفون وبعد ماصلوا الظهر حطوا الغداء وتغدوا.. وبعد الغداء كانوا بيت أبو سلطان حيل تعبانين وراحوا بيتهم أما بيت أبو ابراهيم فكل واحد راح غرفته ينام لأنهم من صباح الله خير قايمين ولا ناموا..ورموا حالهم بالسرير ولا حسوا بأرواحهم الا بعد أذان المغرب.. وبعد ماصلوا المغرب جماعه فالمسجد جلسوا يتكلمون شوي ويسولفون ((الا ويدق جوال الوليــد .. خالك يتصل بك )) *** الوليــد: مرحبااااااااااااااا الخال: مرحبا ألف ياخي وينك ولا تسأل ولا تقول عندي خوال ؟؟؟ الوليــد: لا بس لاهي فأمور الدنيا وصار يكلمه ويسأله عن أخباره ويضحكون.. الخال: الا الوليــد أنا كنت داق عليك بقولك ترا حنا خوالك ولنا حق عليك ولا نسيت ماعاد شفناك من ثلاث شهور وانت اللي كنت كل ويك تنط بوجيهنا شلي صار عسى مو متضايق مننا؟ الوليــد: لا افا عليك ما جاء منكم الا كل خير بس حقكم علي لازم أزوركم قريب والله مقصر بس إعذرووووني .. الخال: لا مابنسامحك حتى نشوفك الوليــد: قريب ان شاءالله بجيكم.. وقفل الوليــد عن خاله الخط وقال أبو ابراهيم: هااااااه شخبار خوالك؟؟ الوليــد: والله بخير يسلمون عليك كثير السلام ويسألون عني يبوني أزورهم وبروح لهم بكره(أهل الوليــد كانوا من أهل الجبيل واللي تبعد عن الخبر حوالي 80 أو 90 ك\م تقريبا ) ريــم من سمعت هالكلام الا تلخبطت ونغزها قلبها وحست إن ورا هالروحه شيء وخافت لايكون خاله ناوي يخطب له... رد ابو ابراهيم: ايه يايبه هذيلا أهلك ولك واجب عليهم بس لازم ترجع قبل يوم الإربعاء.. الوليــد: لييييييييييييش؟؟ ابو ابراهيم: قررنا حنا مع بيت عمك نسافر سويسرا هالسنه وطيراتنا يوم السبت الساعه 12 الليل ولازم ترجع الإربعاء أو الخميس عشان نجهز أغراضك.. الجميع تفاجأ بالمفاجئه الحلوه واللي ماكانوا متوقعينها أبد فيــصل: وأخيرا يبه غيرت رايك عن لندن ؟؟ صراحه طفشناها كل سنه لندن؟؟ ابو ابراهيم: ايه قلنا أنا وعمك نغير جو وبنمر فرنسا بعد البنات: وااااااااااااااو يعني وأخيرا بنشري عطورات ومكياجات ونكشخ فيهن قبل لا يطبون البلد ابراهيم: وااااو بروح سويسرا وبآكل شكولا تات الوليــد: افااا يا ابراهيم مابقى الا نعطيك الرضاعه بالكاكاو ماكبرت عن الشكولاتات رجال شكبرك متخرج من الجامعه وبتكمل دراسات وآخرتها شكولاته ابراهيم: الشكولاته ماتعرف لاكبير ولا صغير ابو ابراهيم: وأنت بعد يا ابراهيم لازم تاخذ أختك وتروحون تسلمون على خالك وتقعدون عندهم كم يوم.. ابراهيم: أنا يا حيل الله خالي مادق يسأل عني مثل الوليــد الوليــد: اوووووه ياناس هذا مختبل اليوم ولا وش فيه لا يكون بعد المزرعه وبعد ما اختلطت كثير بالبزران ( ويأشر على فيــصل) صارت تصرفاته تصرفات بزران ؟؟؟ فيــصل: لا أخاف إنه بعد مااختلط مع الشياب ( ويأشر على الوليــد) حس بأنه لازم يصغر كم سنه لوراء ؟؟ الكل صار يضحك على فيــصل و الوليــد ونكتهم لأنهم هالإثنين خفيفين دم ومع بعض يصيرون شيء... قطعت ريــم ضحكهم وقامت و وجهها متغير شويه واستأذنت منهم ابو ابراهيم: وين ياريامي خلك شوي معنا ريــم: لا يبه أحس راسي مصدع وودي أنا شوي والله جلستكم ماتنمل بس أنا تعبانه بعد مجهود يومين بالمزرعه.. ابو ابراهيم: براحتك يابنيتي ما أغصبك.. ..... الكل مشت عليه سالفة إن ريــم تعبانه الا الوليــد كان قلبه يقول له البنت فيها شيء وجهها مو طبيعي وهي كانت قبل شوي تسولف وتضحك ليش الحين يعني وجعها راسها؟؟ قال يمكن عشاني قلت بروح أهلي كم يوم بس مااظن يهمها الموضوع للدرجه هذي..وتم يفكر بالموضوع وكانت ريــم مشغله تفكيره.. بعد الساعه 12.30 تفرقت العايله وكل واحد راح غرفته ونام الا الوليــد كان يفكر فريم ويقول وشلون بصبر يومين عنها؟؟؟ الا وقام واتجه لغرفتها مايدري وش اللي ودى رجله هناك هل هو الحنين للغرفه ولا الوله *** على ريــم ولا إن الفضول ذبحه بيعرف ليش تضايقت اليوم بس اللي يعرفه إنه حس بروحه وهو يطق باب الغرفه طق طق !! تنبه لعمره وقال وش اللي تسويه يا الوليــد ليش أنت هنا عيب عليك تطق على بنت عمك بآخر الليل بس ما أحد رد عليه بالغرفه وجاء راجع لغرفته الا وسمع حس حركه تحت نزل الدرج وهو مستغرب من يكون يعني تحت بآخر الليل معقول جيني بس شتسوي جيني بالليل؟؟ وراح صوب الصوت ولحقه و وصل فيه الصوت للمطبخ دخل المطبخ مستغرب كانت معطته قفاها ولا بسه جلال الصلاة ولافته عليها ما عرفها وتم يقول فباله ديمـــه ولا لينـا ولا ريــم ؟؟ دقق فيها وقال ريــم ؟؟؟ ريم التفتت مفزوعه: بسم الله الرحمن الرحيم خوفتني الوليــد شكان يشوفه كان يشوف بدر 15 .. جلس على كرسي طاولة الأكل وقال شمقومك هالوقت خبري فيك بتروحين تنامين راسك يوجعك؟؟؟ ريــم: الا بس نازله آخذ حبة راسي يوجعني .. الوليــد: بسم الله عليك فديت هالراس ليته فيني ولا فيك.. ريــم: تسلم بس انت شلي مقومك هالوقت ؟؟المفروض تكون نايم واستدارات ريــم بتطلع بره المطبخ وهي تقول بالإذن .. الوليــد: ريــم ( مايدري ليش ماكان وده ريــم تطلع وغصب عليه ناداها) ريــم: لبيه الوليــد: تعالي اقعدي معي شوي مافيني نوم وودي أشبع منك قبل أروح خوالي ريــم: إنت جازم تروح؟؟(وتاخذ الكرسي اللي قدام الوليد وتجلس عليه) الوليــد: ايه جازم بروح ( استغرب الوليــد من سؤالها بس جاوبها ) ريــم خنقتها العبر وقالت بصوت مخنوق الوليــد ... الوليــد: سمي ريــم: تسلم بس ودي أطلبك طلب.. الوليــد: آآآمري مو بس تطلبين ريــم ضغطت على اسنانها بقوه وقالت: إوعدني إوعدني مايفرقنا غير الموت.. الوليــد ولا إرادي حط إيده على ايدها ومسكها بقوه وقال: جعل يومي قبل يومك أوعدك أوعدك ريــم: عسى الله مايجيب عتاب ولا بعد وهجر وغياب الوليــد كملها بلحن الأغنيه: عسانا مانتفارق يوم ... الوليد+ ريــم بصوت واحد وبلحن الأغنيه:عسى دايم نكون أحباب..أحباب اممممم طيب ممكن تفك ايدي بروح ريـم أنام الوليــد تذكر روحه وقال :اووووه سوري نسيت روحي ريــم: قامت من الكرسي ووجها لونه أحمر وهي تقول: تصبح على خير الوليــد: وأنتي من الخير ياوجه الخير ريم ماتت من الحيا وراحت تركض فوق لغرفتها وأول مادخلت للغرفه كان نفسها ترقص تزغرد فرحااااااااااااانه بس ماتدري شتسوي.. الوليــد كان مو مصدق روحه من الفرحه ومتشقق وحس إن اللحظات اللي مرت عليه قبل شوي من أحلى لحظات عمره..وحتى مو قادر يشيل عمره ويرقى لغرفته وتم يفكر فريم وهو يقول لنفسه تحبني تحبني نيالك يا الوليــد وحصلت اللي تبيه.. ريــم بغرفتها كانت ودها تقول لأحد من الفرحه بس ماتدري تقول لمين ؟؟ دقت على جوال ديمـــه بس كان مقفل و ريــم تقول بنفسها ليييه تقفلينه فاتك أحلى خبر ياوكالة أخبار الـ Cnn ودقت على نهوله بتقولها دق الجوال بس ماردت كان ودها تفتح الشباك وتصارخ وتقول والله أحبك أحبـــــــــــــــك.. الوليــد راح راقي غرفته وهو وده يناطط من الفرحه ووده يقوم فيــصل ويقول له المستجدات كان وده يقول لأي أحد حتى لو جيني (مايفهمه غير جيني أصلا..) راااااح طاير لغرفة فيصل طق عليه الباب طق طق !! مارد أحد قال لو فيــصل عالنت والله مايسمع لأي أحد يطق عليه الباب خليني أروح أفتح ماسنجري يمكن ألاقيه عالنت وراح بسرعه فتح الكمبيوتر وفتح ولقى 6 أشخاص أون لاين صار يطالعهم ويدور بينهم فيــصل بس ما لقاه لقى ماجد كان ناوي يقول له السالفه من الفرحه مو قادر يركز مع مين يتكلم لو إن الله رحمه ودخل فيــصل باللحظه الأخيره .. الوليــد: وينننننننك؟؟ فيــصل: كااااااااني يعني شصاير بالدنيا في غيابي فقدتني الوليــد: صاير شيء كبييير بسرعه بس ياتجيني يا أجيك ( وخلال ثانيتين طق الباب ) الوليــد: ميييين؟؟ فيــصل: أنااااااااا الوليــد: إدخل بسرررررعه وين كنت إنت ووجهك جيتلك قبل شوي بغرفتك مالقيتك ؟؟ فيــصل: كنت أتسبح بس شفيك ليش الضحكه شاقه خدودك؟؟ الوليــد: آآآآآآآآه يا فيــصل أحس إني مو قادر أتنفس خلنا نطلع بالحديقه..؟؟ فيــصل مستغرب يالله وهم ماشين نازلين للحديقه بالدرج كان يقول الوليــد لـفيــصل: فيــصل تحبني تحبني فيــصل: قصر حسك سمعتك هذي غرفتها جنبنا (كانت غرفة ريــم أقرب غرفه للدرج) وفعلا ريــم سمعتهم وتوقعت إنهن بيطلعون فتحت الشباك بتسمع شيقولون.. الوليــد + فيــصل جلسوا على طاوله بالحديقه قريبه من شباك غرفتها وريم كانت تراقبهم من شباك غرفتها ونشوف حركاته وهو يحكي فيــصل وطاير من الفرحه كان ودها تنزل وتحكي لـفيــصل شعورها.. فيــصل كان يطالع الوليــد ويبتسم ويضحك وكأنه طاير من الفرحه وفرحان لفرحة أخوه.. كانوا يتكلمون بصوت مسموع لكن ريــم ماركزت فكلامهم كثر ماركزت فأشكالهم لكن الوليــد قال بصوت عالي ياناااااااااااااااس أحبهااااااا مجنوووووون حبهاااااا .. ريــم ودها تصرخ وتقول أحبـــــــــــــك وحست إنها بتقولها بس حاولت تمسك روحها الوليــد بعد ماحكى لـفيــصل اللي صار فيــصل فرح له مرة وتمنى له كل خيـر وبنفس الوقت حس بغيره على أخته لكنه قال للوليد إن هذه بنت عمه ولازم يحط باله عليها وفيصل كان يعرف إن الوليــد مو راعي حركات نص كم خاصة إنه صديقه ويعرف الوليــد أكثر مما يعرف نفسه ودايما هو وياه ويشوف كيف إن البنات منهبلات عليه ومع كذه كااان ثقيل ولا معطيهم وجه مو **************************** فيــصل كان الموقف صعب عليه مرة يشوف الوليــد اللي البسمة ماتفارقه يبكي مثل الأطفال بالشكل هذا الوليــد الرجال يصيح مثل الأطفال الموقف كان غريب شوي من رجال إنه يبكي كل البكا بس اللي يدري بغلات ريــم فقلب الوليــد يعذر الوليــد في كل شيء يسويه كان الوليــد ماعنده مانع إنه يبيع خواله لعيون ريــم كان يعتبر ريــم أهله وناسه وأمه وأبوه وحبيبته وبعد مادخلوا الخبر..كانت الأضواء تنور لهم الطريق لكن قلب الوليد ماكان فيه ولا بصيص من نور..كان يحس انها نهايته ولحد هنا..نهاية حبه الأول والأخير..حب من قلبه شعر بطعم الحياة والهدف منها ولأول مرة مع ريــم قدرت ريــم تسوي فيه اللي ماسواه أحد من قبل ولا عمه اللي رباه..وإن حب عمه حب ابن لأبنه لكن حب ريــم بقلب الوليــد شكل مختلف في قالب آخر..بطعم أجمل من الخيال بالنسبه لوليد.. الوليــد: فيصل تكفى ودني الكورنيش وروح البيت قل لابوي يشوف حل للمصيبه هذي ما أبي أدخل على أهلي وأنا حالتي كذه فيــصل: احلف بس أنت؟؟وأخليك بالحاله هذي لاااا ماأقدر.. الوليــد: فيــصل أنا محتاج أجلس بروحي تكفى نفذ وبدون اعتراض.. فيــصل ووداه الكورنيش كان صعب عليه يتركه بالحاله هذي بس الوليــد لزم عليه وقال له يروح يشوف أبوه ويجي يمه وأصلا جلسة فيــصل مع الوليــد مالها داعي وبيساعده أكثر اذا رد للبيت وقال لأبوه يحل المشكله فيــصل رجع للبيت وقال لأبوه والتوتر والخوف مفضوح بعيونه: يبه بغيتك بكلمة راس ممكن؟؟ ديمـــه وهي يقطعها الفضول ودها تدري: فيــصل أجيب لك عشاك؟؟ فيــصل: لا مو مشتهي ديمـــه: وش قصة العالم مو مشتهين كلهم؟؟ فيــصل وتغيرت نظرة التوتر بعينه لنظرة الفضول وهو حاس ان الإجابه بتكون ريــم: من مو مشتهي بعد غيري؟؟ فيــصل: ريموووه مو راضيه تاكل شيء وقافله على روحها الباب مدري شبلاها تقول انها تعبانه بس هي كانت تضحك معنا أول الوقت وفجأه انقلبت مرة وحدة... و.. فيــصل قاطعها بس حشى لا انفتحتي ماتنصكين؟؟وحس فيــصل ان ريــم داريه بالسالفه وقال بكلمها بعد ماأكلم ابوي وارد مع الوليــد فيــصل: يبه الموضوع مايستحمل التأخير ابو ابراهيم: نروح الغرفة الصغيرة يالله وحكى فيــصل على أبوه السالفه من إلى بس طبعا ماقال له ان الوليــد مايبغى ياخذ بنت خاله عشان ريــم لا عذر له وقال ان الوليــد مايفكر بالزواج ابو ابراهيم: هات التليفون بكلم خاله الموضوع ماينسكت عليه وإنت روح طمن الوليــد وقول له إني بتصرف وإنب مابخليه ياخذ وحده مابغاها لو على جثتي فيــصل: بسم الله عليك يالغالي زين الله يعافيك بروح يم الوليــد أبشره وطلع فيــصل مبسوط ودق على جوال الوليــد بيبشره بس الجوال دق ودق ماحد رد عليه انقبض قلب فيــصل ورجع يحاول ويدق مارد أحد حول ثانيه وثالثه ورابعه و.... الى رفع السماعه فيــصل: هلا وغلا بهالصوت .........: أقول يالأخو إنت تعرف صاحب هالجوال؟؟ فيــصل: من إنت وليش ترد على جوال مو جوالك .......: انت تعرف صاحب هالجوال؟ فيــصل: ايه شفيه صاحب هالجوال تكلم .......: وش قرابتك له؟؟ فيــصل: أنا أخوه مييين أنت ........: والله احنا المستشفى وأخوك طاح وجابوه لنا فيــصل: تكذب ؟؟ ( وقلبه يرقع ويقول بنفسه لطفك ياكريم) .......: لا واذا مو مصدق تعال للمستشفى تتأكد بنفسك فيــصل أخذ عنوان المستشفى وراح طيرااااان وأول مادخل قسم الطواريء كان منطلق بقوه للرسيبشن ومر من عند غرفه ملياااااانه ممرضات ودكاتره وشاف اللي فيها كان الوليــد دخل الغرفه وهو مو مصدق وصل للسرير ومسك ايد الوليــد وصار يقول له : الوليــد أبوي حل المشكله أبوي بيكلم خالك كان الوليــد بصعوبه يتكلم ويقول: فيــصل ريــم شخبارها درت؟؟ فيــصل ماحب يزيده زياده ماهو فيه قال لا ريــم تسولف مع البنات ولا هي داريه عن شيء وقالت لي أقولك انها تسلم عليك .. الوليــد: فيــصل ريــم إنتبه عليها قول لها يا فيــصل لو مت اني كنت أموت على ثرى الأرض اللي تطاها.. فيــصل يلتفت على الدكتور.. ويقول: دكتور أخوي وش فيه؟؟ الدكتور: لا ماتتخضش ياابني ده اللي معاه انهيار عصبي من كتر التفكير وإحنا أعطيناه مهدأ ولحزات وحيغيب عن الوعي ويهدأ وبكره ان شاءالله حيبئى زي الفل فيــصل: أكيد زين ليش يطري الموت؟؟ الدكتور: ياابني باين عليه من كتر التفكير وصل لنئطة يأس بس حيرقع زي الفل ان شاءالله ايوه ياابني خد الموبايل بتاع أخوك... فيــصل: الف شكر والتفت علة الوليــد وهو يطالع عيون الوليد اللي مالبثت الا دقايق وغمضت..من الابرة المنومه اللي أعطاه الدكتور اياها.. ( وتم فيــصل عند الوليــد وكان باين عليه التعب والدكتور لاحظ هالشيء ) الدكتور: ياابني قلستك هنا مش حتنفعه أنا من رأيي تروح وترقع الفجر ويكون أخوك على وشك إنه يصحى فيــصل تذكر ريــم وإنه لازم يطمنها قال: خلاص بروح وأرجع كانت الساعه2 من الليل أخذ فيــصل جوال أخوه وطلع وهو بالطريق دق الجوال طلع فيــصل جواله بس ماكان جواله اللي يدق طلع جوال الوليــد كان (( الخال بو عزيز يتصل بك)) فيصل كان وده يكفخ الجوال ويصارخ على خال الوليــد بس رد وهو يحاول قد مايقدر يمسك أعصابه الفلتانه والتعبانه خلقه.. فيــصل: ألو بو عزيز: هلا مين إنت؟؟ فيــصل: أنا فيــصل ولد عم الوليــد بو عزيز: أجل وين الوليــد فيــصل: تسألني؟؟ ليش ما سألت روحك وين راح الولد منك؟؟ بو عزيز: تكلم الوليــد شفيه فيــصل: الوليــد بالمستشفى معه انهيار عصبي والدكتور يقول الظاهر إنه أرهق روحه بالتفكير بس بدري توك تسأل عنه ؟؟ لو جاء الوليــد شيء ماراح أسامحك طول عمري حزت كلمات فيــصل بخاطر بو عزيز وقال معك حق ياولدي عطني عنوان المستشفى بجيكم فيــصل: الوليــد غايب عن الوعي الحين ماتقدر تشوفه ..وبقلبه يقول ريح الولد من شرك هوأصلا مو طايق سيرتك بو عزيز: زين يالله أجل مع السلامه.. فيصل: الله معك بعد ماوصل فيصل البيت كان الكل نايم ولا دارين عن شيء على بالهم الوليد عند خواله ماعدا ابو ابراهيم اللي كان يدري بأن الوليــد مو عند خواله بس توقع إنه بخير لأن فيــصل كان رايح يمه ولا قالهم ان الوليــد دخل المستشفى ولا شيء.. فيــصل على طول راح غرفة ريــم وطق عليها الباب بس ريــم ماردت عليه دق عليها جوال ريــم بغت ماترد لأن حالتها المسكينه مرة تكسر الخاطر بس قالت: بسأله عن الوليــد .. ريــم: ألو فيــصل: هلا ريــم ممكن تفتحين لي الباب أنا عند باب غرفتك ريــم: لا مو ممكن ماابي أشوف أحد ( لأنها كانت طول الوقت تبكي وهالشيء باين عليها وماتبي أحد يشوفها وهي على هالحاله ) فيــصل: زين براحتك بس توقعتك متحمسه تسمعين أخبار الوليــد عالعموم أنا بجلس بالحديقه اذا ودك تسمعين أخبار الوليــد أنا هناك وبقولك كل شيء (وقفل الخط قبل ماترد ريــم وكان عنده ثقه تامة انها الحين بتنزل ) قفلت ريــم الجوال وبسررعه وبدون أي تفكير لمت شعرها وغسلت وجهها ونزلت للحديقه...ومن شافها فيــصل قال: الصراحة توقعت إنك بتنزلين بس توقعتك تسابقيني بالدرج ريــم: مو وقته يا فيــصل تكفى قولي شموضوع الوليــد ؟؟ من بيخطبوله؟؟ فيــصل: شوفي يا ريــم بالأول بقول لك أنا عشت مع الوليــد من يوم كنا صغار وأعرف الوليــد أكثر من أعرف نفسي.. ماعمري سمعت الوليــد يتكلم فبنت بالعكس كان لا سمع أحد يتكلم عن بنات الناس قال له: ترضاه لوحده من خواتك.. كانوا البنات يطيحون عليه طياح ومع كذه أبد ماحركوا ولا شعره فيه.. بس شسويتي بالولد؟؟ صار كل حكيه عنك ومع هذا مايشوف غيرك يشوفك غزاله ملاكه يشوفك أهله ناسه حبيبته يشوفك كل شيئ بهالدنيا.. ريــم: استحت وطمست راسها.. فيــصل: وأكثر شيء كان يذكره فيك حيااااك لكن اليوم يوم راح لخواله.. (وهنا صار يدق قلب ريــم ويرقع وتغير وجهها ولمعت دمعتها فعينها ) خواله حاولوا يزوجونه بنت خاله وهددوه اذا ماأخذها لاهو ولدهم ولاهم يعرفونه طلع من عندهم زعلان ودق علي وصوته يكسر الخاطر ورحت له بالجبيل ولا وش أشوف ياريم شفتي الوليــد اللي بسمته ماتفارق شفاته؟؟ أنا اليوم شفته إنسان مختلف كان يبكي مثل الأطفال ولاهو عارف شيسوي تدرين شكان قراره؟؟ كان يقول ماآخذ بنت خالي وأنا وعدت حبي الأول مايفرقنا غير الموت قال لي: ريــم حبي الأول والأخير لابعده حب ولا قبله حب تدرين يا ريــم شصار عليه من كثر مايفكرفيك؟؟ (وهنا قلب ريــم رقع وخافت لاتكون سببت له شيء) فيصل يكمل بتنهيده: ريــم الوليــد بالمستشفى (ريــم شتقول إنت أكيد مو صادق ياربييي خذ روحي ولا أشوف الغالي طايح بالمستشفى) فيــصل: بسم الله عليك لاتقولين كذه على روحك اذا مافكرتي بروحك روح ماجد ولا روحك فكري بـ الوليــد وش بيكون حاله بعدك.. ريــم الوليــد معه انهيار عصبي بسيط وبيرد لنا بكره بحول الله وقوته بس هو موصيني أقول لك: إنه مو بس يحبك يحب حتى ثرى الأرض اللي تاطاها رجلك ريــم: مستحيه الله يسلمه ويعافيه فيــصل: بس الله يسلمه ويعافيه مابغيتيني أرد عليه بشيء ريــم: اممممممم أبيك تقول له (قاطعها فيصل وش أبيك تقول له هذي؟؟طيب ليش ما تكتبينها أنتي وتحطينها مع هديه أو باقة ورد) ريــم: بس فيصــل متى أشتري له فيصــل: تدبر الحين جيبي عباتك وأوديك محل ورود تشترين منه اللي يعجبك.. ريــم: بس أخاف أمي وأبوي يدروني.. فيصل: أدبرها بسرررعه بس أنتي وراحت ريــم بسرعه تجيب عباتها ولبست عباتها وراحت هي و فيصــل لمحل ورود بس ما إختارت له باقة ورد إختارت له دبدوب أبيض ماسك قلب مكتوب عليه Ilove You وغلفوه لها بسلفان بشكل روعه وحطت له كارد كتبت عليه ..*** ماشي فالكون عن شوفته يمنعي... الا النظر لو يفارق مقلت اعياني... من دون ما اشعر له الاشواق تدفعني... و اظن حتى بحلم النوم يلقاني ***. فيصــل: يالله يا ريــم عشان يمديني أحطك فالبيت وأروح يم الوليــد.. ريــم: لاااا بروح معك وين ترجعني البيت فيصــل: وأمي وأبوي وجدتي اللي بتطلعك نعيميه لا درت إنك بره البيت الساعه الفجر ريــم: مايهموني بدبرها بقول لهم إني كنت تعبانه و فيصــل عرض علي يوديني مستشفى وحطولي المغذي ساعتين.. فيصــل: وأنا صاير إسعاف لك إنت و الوليــد وبقول أنا إني صرت بين غرفتك وغرفة عشيقك ريــم: ايه بس بسرعه ودني للمستشفى.. فيصــل: توني أقول لك بسرعه ولا معطتني وجه يعني الحين صرت تقولين لي بسرعه يوم صرتي بتروحين يم الوليــد ريــم: ايييييييه بكيفي بسرررررعه بس ووصلوا للمستشفى وطيران لغرفة الوليــد وقبل لا يدخلوا عليه ريــم حست بقلبها يدق بسرعه وكانت مو مصدقه بتشوف الوليــد.. قبل لا يدخلون قال فيصــل: على شرط لا تنزل منك دمعه وحده ولا ترى بفضحك أنتي وروميو عند أهلي..وبكتب قصتكم روايه روميو وجولييت الجزء الثاني.. ريــم: طيب موافقه بحاول أمسك روحي فتح فيصــل الباب وكان الوليــد مازال تحت تأثير المهدأ بس كان يون ويقول كلام بصوت منخفض قرب منه فيصــل وحط إذنه عند فم الوليــد بيسمع وش يقول كان يقول((ريــم... ر يـــ .......يــــ......م .. ريــم))فيصل يقول بقلبه شكله بيختبل الولد لا إستمر على هالحاله وأشر لـريــم عشان تجي..كانت تحاول تحبس دموعها بس عشانها وعدت فيصل قربت من الوليــد وسمعته ينادي اسمها وعجزت لاتمسك روحها أكثر وصارت تصيح وهي تقول لبيه أنا هنا جنبك أنا هنا ياليته فيني ولا فيك فيصــل إنت متأكد إن الدكتور قال إن الوليــد بيرجع فيصــل: أجل تكذبين إذني بس أنا مشغول بفكر بالفضيحه اللي بسويها لك إنت ويا هالروميو ريــم وهي تحاول تمسح دموعها بطرف المنديل: والله عجزت أمسك دموعي اعذرني.. الوليــد بدأ يصحى وفتح عيونه وبدأ يطالع في اللي حوله ويقول ريــم وين ريــم .. ريــم: لبيييه أنا هنا يا بعد عمري الوليــد: ريــم أنا على وعدي وما بخلف فيه أبد ريــم: ................................................. فيصــل: يا عالم يا ناس أنا وين رحت الوليــد ترى بضف هالريم وبروح للبيت وباخذ الهديه لي وبخليك بحسرتك لحد ما تسأل عني وذيك الساعه يحلها ألف حلال.. الوليــد: أفا عليك بس إنت الخير والبركه لو الله ثم إنت كان ماشفت هالقمر فيصــل: أشوه بعد ذاكر لي هالمعروف.. ريــم+الوليــد: ههههههههههههههههههههههه الله يقطع شيطانك فيصــل: زين أترككم بروح أصلي جماعه بجامع المستشفى الوليــد: مسرع ما انقطع شيطانك؟؟ فيصــل: والله لو بطاولكم كان لحد صلاة الظهر صلوا بس يالله وطلع فيصــل من الغرفه ريــم أعطت الوليــد الهديه وفرح فيها كثير وقال لـريــم وهو منزل راسه ويطالع بالأرض..وعاض على شفيفه بقوة: والله أحبك ياريـــم ريم وهي مستحيه وأنا أكثر.. وأنقذت الموقف ريــم وقامت ريــم لدورة المياه توضأت وصلت وقام الوليــد من فراشه وحس إنه أحسن بكثير وراح صلى بزاويه من زوايا الغرفه..الوضع بالنسبه للإثنين كان شويه محرج..خاصة لريم البنت..واللي كانت جالسه بزاويه من زوايا الغرف وهي تلوم في روحها..وتقول مهما كان الوليــد رجال غريب عني ومالمفروض أزلق معه بالكلام..بالدرجه الغريبه هذي..وين كان الحيا ساعتها عني!!؟؟ رجع فيصــل وقال لـريــم يالله بنرد البيت.. الوليــد: وين بالسرعه هذي خلكم معي والله أحسه ملل فيصــل: لا ولا ملل ولا شيء بس بروح أودي ريــم وبرد أقعد معك.. الوليــد: بس إنت لا ما أبيك جب ريــم معك.. فيصــل: احلف ياشيخ وأنا وش له برجعها للبيت عشان أرجعها ثاني هنا بس بوريك بروح للبيت دام إنك ما تبين وأروح لفراشي وأخليك بمللك هنا.. الوليــد: أووووه طيب خلاص رد إقعد معي بس جب ريــم معك.. فيصــل: لااااا إنت مختبل يالله يا ريــم بس أرجعك البيت ومن طلعوا العيال من عند الوليــد إلا طلع الوليــد الكارد وقعد يقراه وهو يقول بنفسه: خطها روعه أحلى من خطي وكلمات الكارد مثل العسل ياربيه هالبنت كلها مثل العسل.. وقبل ماياصلون ريــم + فيصــل البيت كانوا يخططون للكذبه وعشان يزيدون الكذبه حبتين وقفوا عند الصيدليه وشروا حبوب راس و فيتامينات.. وصلوا البيت .. نزلوا بسرعه ودخلوا الصاله كان إبو إبراهيـم ويا إبراهيـم بالصاله بيرقون فوق ومن شافهم إبراهيـم قال : فيصــل ليش ما صليت مع جماعة المسجد؟؟ فيصــل: الصراحه صليت مع جماعة المستشفى ومن سمع الخبر إبراهيـم الا التفت شاف اخته قال: شفيها ريــم شفيك يا ريــم فيصــل: هدروحك وأنا أخوك بس حست ريــم بدوخه ووديتها للمستشفى وحطوا لها مغذي ساعتين وصرفوا لها أدويه... إبراهيـم: زين الله يبشرك بالخير أنا من أمس وأنا مو معجبني لون وجهها.. فيصــل: وليش ما وديتها بدل ما أكون أنا مثل الإسعاف اليوم.. إبراهيـم+ ابو إبراهيـم: لييييش من فيه ثاني ؟؟ فيصــل: الصراحه الوليــد بعد موضوع اللي كلمتك عنه أمس يبه جاله إنهيار عصبي ودقوا علي المستشفى وعطوه إبرة مهدئه ماصحى منها إلا قبل شوي وأنا مابين القسمين مرة عند ريــم ومرة عند الوليــد لو إني مشتغل إسعاف كان أحسن لي بالقليل آخذ راتب إبراهيـم: فاضي حق اللعب أنت؟؟ وأخوك وأختك تعبانين؟؟ فيصــل: ايه والله استخفيت عقب اليوم يالله بس برجع لـ الوليــد إبراهيـم+ابو إبراهيـم: بنجي معك نشوف الوليــد فيصــل يقول بنفسه أووووه أنا اليوم صاير توصيل الطلبات مجانا بالأول رحت للجبيل وبعدين رحت لأبوي أحاكيه بالموضوع بعدين رحت يم المستشفى عشان الوليــد وبعدين أرجع وآخذ معي ريــم وأروح للمستشفى وأرجع أوديها وآخذ أبوي و إبراهيـم ما صارت ليتني مشتغل ليموزين أربح لي وآخذ من ريــم و الوليــد اللي أبيه عشان أدبر لهم كذبه.. إبراهيـم: هوووووووووووووه وين وصلت وش فيك سهيت فيصــل: هاااه لا مو شيء بس يالله تروحون معي ؟؟ وطلعوا من البيت وراحوا إبراهيـم+ ابو إبراهيـم بسيارة إبراهيـم فيصل بسيارته...دخل إبراهيـم وأبوه وفيصل غرفة الوليــد..ومن شافهم الوليــد,,الا وشق الضحكه في حلقه.. ابو ابراهيم: ماترى باس يالغالي.. الوليــد: هههههه لااا عاد الموضوع مايستاهل بس هالفيصل مكبرها شوي ليه تتعب روحك ياعمي؟؟ إبراهيـم: أقووول بس ماتشوف شر..أنت واحد مننا الا ماجينا نزورك من نزور؟؟والاماخفنا عليك على منو نخاف الوليــد: الله يسلمممك ولا يوريك شر..ياارب.. تطمنوا على الوليــد ورجعوا إبراهيـم وابوه للبيت بس فيصــل تم عنده وجلس على الكرسي بعد اللي صار بلحظات..نام فيصــل ما حب الوليــد يزعجه كان طول الوقت ساكت لأنه بعد مقدر إن فيصــل مانام طول الليل عشانه ... أذن الظهر وأضطر الوليــد يقوم فيصــل للصلاة.. الوليــد: فيصلوه قم الحق على الصلاة.. فيصــل: هاااااااااه الصلاة على من؟؟ من اللي مات؟؟ الوليــد: و ل و ل و ل إنت تفكيرك كله بتموت الناس قم صل الظهر.. فيصــل: طيب طيب.... وقام فيصــل توضأوراح يلحق على الصلاة وبعد ماصلى رجع لأخوه وقعد عنده قعدوا يسولفون الا فتح الباب.. فيصــل بقلبه يقول غريبه صاروا يعتمدون على حالهم ولا يدقون علي أجي آخذ منهم أحد بالدنيا شيء ورفع راسه بشوف من الجاي كان الجاي هو خال الوليــد وعلى طول التفت فيصــل على الوليــد بيشوف ردة فعله كان الوليــد صاد عن خاله وملتفت على الجهه الثانيه.. فيصــل: بالإذن وقام على أساس ياخذ الخال راحته مع الوليــد.. الخال: إذنك معك يا فيصــل.. لكن الوليــد تكلم وقال: اجلس يافيصل..مافي أحد غريب.. خال الوليــد..طالع الوليــد بنظرات غامضه مغزاها غير مفهوم..والتفت لفيـصل ثانيه.. فيــصل: لا الوليــد أنا ودي أطلع شوي آخذ لي هوا ومنها بروح أتغدأ وبرد بعد نصف ساعه تقريبا.. طلع فيصــل بره وجلس يقول بنفسه وش جابه هذا والله لو جاء الوليــد شيء مابسامحه وبيشوف وش راح أسوي به... وفي داخل الغرفه كان الوليــد صاد عن خاله طول الوقت.. الخال: يعني وشلون ماراح تلفت علي وتشوف وش بقولك.. الوليــد كان طول الوقت وهو ساكت ولا هو مهتم بكلام خاله.. الخال: زين بتكلم حتى لو إنك صاد عني وماتبي تسمعني.. شف ياولدي أنا إخترت لك بنت خالك مو عشان شيء فيها وبنجدعها عليك لا أنا إخترتها لك لأننا ودنا نفرح فيكم...هذا أولا..ثانيا..ابتعادك عننا في الفترة الأخيرة خوفنا وخفنا إنك مع الزمن تنسانا..وماتعود تسأل فينا..فقلنا نزوجك وحده مننا عشان نربطك بناا.. الوليــد الكلمه الوحيده اللي قالها قال: أنا مابتزوج بنتكم ما ابيها.. الخال: يعني وشلون بتطلع عن رأيي هذه تربية عمك لك؟؟ هنا الوليــد ماقدر يحتمل أكثر قال شوف ياخالي والله ثم والله بنتكم ماباخذها ومابتزوجها وبإذن الكريم ما باخذ غير اللي أنا أبيها ويوم زواجي ماراح أعزم ولا واحد منكم ومن الحين إنت هددتني وقلت إذا ما بتاخذ البنت لا أنت ولدنا ولا حنا نعرفك أنا أقولكم لاأنتم خوالي ولا أنا أعرفكم وحل عن سماي قبل أسوي شيء تندم عليه..وبعدين الطريقه اللي فكرتوا أنكم تربطوني فيها زادتكم بعد عني.. الخال: لاحول ولا قوة إلا بالله.. الوليــد: إنتم خافوا من ربكم ليش كذه ترمون البنت علي قلت لكم ما باخذها ولاهي بالغصب الخال: زين خلاص لا تاخذها بس لا تقطعنا منك إنت تعرف غلاتك عندنا ولوإنك مو غالي مازوجناك بنتنا.. الوليــد: بس البنت ماباخذها ماباخذها(وصار يبكي ) الخال وهو متقطع قلبه على الولد: خلاص لا تاخذها بس زرنا ولا تقطع فينا وضم الوليــد وقال له: بس قطعت قلبي خلاص لاتاخذها ولا راح نغصبك.. الوليــد ابتسم وقال زين خلاص اذا كذه بعزمك يوم زواجي الخال: زين رضيت يعني؟؟ وقعدوا يسلفون شوي وطلع من عنده خاله ودخل عليه فيصــل وشاف وجهه وعيونه الحمر بس شافه مبتسم استغرب الموقف شوي.. الوليــد وهو يصارخ: ما بيزوجوني بارك لي فيصــل وهو يصك الباب: زين قصر صوتك فشلتنا عند العالم بعدين يحسبونك بنيه محطوطه بقسم الرجال ومغصوبه على الزواج عاد وشكل شعرك يساعد إنهم يصدقون الوليــد: غير رايه خالي وجزم إنه مايزوجني بنت خالي فيصــل:يا سعدها اللي افتكت منك الوليــد: حشا والله لو إني ماجد لا يبه أنا عشرات الألوف من البنات يتمنوني فيصــل: زين وشلون أقنعته؟؟ الوليــد: بطرقي الخاصه قلت له ما باخذ البنت ولا فيه شيء بالغصب ولو بتلزمون علي ماراح آخذها وباخذ اللي في بالي ولاراح أعزمك لزواجي.. فيصــل: اهااا وهو غير رايه عشانك ماراح تعزمه لزواجك؟؟ الوليــد: ايييييييييييييييييييييييه فيصــل: وأنا أقول ليش إنت مخفه وأثر خالك مخفه بعد العرق دساس صدق الوليــد: هههههههههههههه إقلب بوجهك بس ورح ناد الدكتور طفشت بطلع؟؟عااااد فيصــل: اصبر لا دار على المرضى يكتب لك خروج ان شاءالله بس ان شاف عيونك بالشكل هذا ما ظنيته بيطلعك.. الوليــد: حسبي الله على بليسك (وهو من قلبه طااااير فررررررحه بيطلع بيشوف ريم) وبعد ساعتين كتب الدكتور خروج الوليــد يوم شافه أكثر تحسن وردوا البيت.. وفي البيت.. أم فيصــل: سلاااااااااااااااامات ياولدي وش اللي جاك فيصــل: وش اللي ماجاه يوم سمع طاري العرس من بنت خاله والله أحس البنت هي اللي جاها انهيار عصبي يوم قال لها أبوها إنها بتاخذ الوليــد أم فيصــل: لا والله أنا ولدي بنت وبنت تتمناه بس مو محصلاته فيصــل: ايه يتمنونه بس اذا حلق شعره وعرفوا إنه ولد.. الوليــد: ياخي بس ذليتنا على شعري بنشوف تصويت من ديمــه ولينا وريم ونشوف الأكثر وبناء عليه أقص شعري ولا ما أقص فيصــل يقبص الوليــد ويقول له: بتشوف رايهم ولا بتشوف رأي ريــم بس؟؟ الوليــد: أقووول جب لا تفضحنا وبصوت عالي: هااااااه بنات أقص؟؟ لينا و ديمــه إتفقوا إن ريــم تكون راي مختلف عنهم على أساس يحرجونها هي و الوليــد رفعت ريــم إيدها إنه يقص.. الوليــد: اوووه خلاص بقص فيــصل: إنت قلت الأكثر والحين ماتقص أكثر ( كان قصده يحرج الوليــد ) الوليــد: والله بلشنا فيك توك تقول تقص.. فيــصل: بس قلت تسوي تصويت والأكثر بتسويه والحين ماتقص أكثر ليش غيرت رأيك؟؟ الوليــد: فارق صوت واحد بس ما تفرق وبعدين أنا دكتاتوري فيــصل: فارق صوت لأن التصويت بين ثلاثه بس يااااادكتاتوري زمااانك قلي هذي استراتيجيه الكذب الوليــد: طيب خلاص بقص بكيفي ودي أقص وبقلبه يقول( دام ريــم يعجبها القصير بقص) وراح الوليــد للحلاق قص شعره بحيث إنه خففه من الجانبين شوي وقصر من طوله كثير وصار شكله أرتب من أول بكثييييييييير رجع للبيت ومن شافه قال وينك من زمان عن القص؟؟ وهم جالسين يشربون شاهي بعد المغرب.. قال الوليــد: أنا اليوم عازمكم في المطعم الهولندي حتى أمي وأبوي كلنا فيــصل: وش المناسبه؟؟ الوليــد: امممم عشاني مابتزوج بنت خالي فيــصل: الظاهر هي اليوم عازمها كل ربعها على ذبيحه مو في المطعم الهولندي الوليــد: ايه جب بس أنت لا تجيب طاريها والتفت على أبوه: هاااااه يبه وش قلت؟؟ ابو ابراهيم: أنا أقول ياولدي أنا رجال شايب فيــصل: الله يهداك يبه توك تدري؟؟والكل قعد يضحك على فيــصل ابو ابراهيم: وأنا أقول أنا وعجوزي نقعد وروح إنت وإخوانك.. ابراهيم: أنا اليوم معزوم على العشاء اعذرني ريــم: طيب الوليــد ودي أقول لنهلا تجي معنا وهنا نط فيــصل وهو يقول وشهوله بعد الوليــد: قولي لنهلا ياريم وجيبي من يعز عليك إلا شهلا فيــصل: اووووووووه ليتني ما تكلمت ريــم: وشهلا تعز علي الوليــد: طيب خلاص جيبيها رحمت هالعاشق ويشر على فيــصل ديمـــه: وأنا أقول للي يعز علي؟؟ الوليــد: لا إنتي لااااااا بتجيبين الحاره كلها معك.. فيــصل وهو قاصد يغيظ الوليــد ويقول لريم : ريامي قولي لنهلا تقول لـماجد يجي معنا الوليــد: لاااا وين ماجد يبه إنت بتكرهني بالمطعم وأنا بديت أحبه..على هالحال بنسحب روحوا أنتم بس وابلشوا بالمغثه ماجد فيــصل: وشلون وإنت بتدفع الحساب إنت اللي عازمنا الوليــد: لا حبيبي من قال لك إني أنا بدفع كل واحد يدفع لروحه أنا بدفع عن روحي وبس فيــصل بصوت واطي: وريــــــــــــــــم من يدفع عنها الوليــد يرد عليه بنفس نبرة الصوت: أكيد أنا أجل أنت؟؟؟ وضحكوا العائله على فيــصل.. وفي الساعه 10 كان الوليــد متلبس ومختب وخاب العالم ولاجهم..يروح يم فيــصل اللي كان يطقطق عالنت ويقول له يالله ويروح للبنات ويلجهم الى إن طفشوا منه وصاروا يقفلوم الأبواب عشان ياخذون راحتهم من دون لجته.. الوليــد يفكر بنفسه: والله مذله تعزم هالعالم صار لي ساعه اقول لهم يالله وهم ولا حياة لمن تنادي والكل يقفل الباب بوجهي مو كني انا اللي عازمهم.. وفي تمام الساعه 10 ونصف كان الكل مجتمع بالصاله.. الوليــد: تو الناس ليش ما قعدتوا شوي بعد؟؟ فيــصل: لا حنا جرينتش لا نقدم ولا نأخر إنت قلت الساعه 10 ونصف ومايصير تطلعنا قبل مو بكيفك ياخي لازم يكون عندك إحترام للمواعيد الوليــد: أقول إمش قدامي ياجرينتش لا بعد شوي تصير برج الفيصليه يالله يمدينا نمر على بزرك اللي بنضفها معنا بس الله يعيني على مقابل هالبزارين اللي جامعهم فيـصل: طاااااااااااالع شايف في عمرررك شوووفه وطلعوا من بيتهم وركبوا كلهم بسيارة الوليــد وكان الوليــد يطرطع ماوده يحرك سيارته ويقول لـفيــصل يعني عشان شهلوه مو معنا عييت لا تحرك سيارتك؟؟؟ وصار يسوق وهو معصب.. فيــصل يكلمه بصوت منخفض: أقول يالحبيب معناعشاق ولهانين هد السرعه حرام عليك تفرقهم ولا تموتهم وبالحظه هذي هد السرعه الوليــد وقال معك حق توك تتكلم؟؟ ومروا على بنات عمهم وراحوا للمطعم وأول ما دخلوا راحوا قسم العائلات وطلبوا العشاء و الوليــد كان طول الوقت يقول: ايه اطلبوا اطلبوا مامن جيبكم شيء فيــصل: ولا من جيبك شيء كله من جيب أبوي الله يخليه لنا.. وبعد ماتعشوا راحوا الكورنيش يتمشون وكان الصف الأمامي شهلا + فيــصل + ديمـــه والصف اللي وراء ريــم +الوليــد +لينـا + نهلا.. فيــصل كان معطي ديمـــه ركبه وكل الحكي لشهلا.. كان يمزح معها ويضحك معها و ديمـــه ولا كأنها موجوده.. تنهدت ديمـــه وقالت: مكاني غلط هنا بس مابترككم لحالكم الوصايا من الوليــد تقول كذه.. فيــصل: اخس يا ديمـــه من متى يعطيك الوليــد أوامر قولي لقافه أصدقك؟؟ بس ياعمه انتي لاحقين نمل من وجهك بالبيت قصدي مليت من وجهك بالبيت و ريــم كانت تطالع الوليــد بين كل فتره وفتره كان لابس تيشيرت أبيض مكتوب عليه The Best Boy بلون الجينز العادي وبنطلون جينز نفس لون الكتابه ولا بس قبعه لونها كحلي نفس لون الجينز وابتسامته ما كانت تفارق شفايفه.. جلسوا على الكراسي يوم تعبوا مره وقرروا فيــصل و الوليــد يجيبون شيء بارد يشربونه وراحوا عنهم.. إلا يجون شباب وما كذبوا خبر لقوا بنات وجالسين لحالهم ويبدون بحركاتهم البايخه ومن هنا ليزر ومن هنا أرقام والبنات حيل مفتشلين عدا نهلا اللي كانت تطالعهم من فوق لتحت وتتفحصهم و ديمـــه كانت تطالعهم مابين كل فترة وفترة ووتفحصهم هي الأخرى واكتشفت ديمـــه شيء ما اكتشفته نهلا هو انه واحد منهم فيه حرق بيده... جاء الوليــد مقبل عليهم ومن شاف الشباب الا وقام يتنافض وصار فيــصل يهديه بس الوليــد ماهدأ وراح يمهم ووقف خلف واحد منهم وكل الشباب مادروا عنه لأنهم كانوا معطينه قفاهم كان الشاب الأول لابس بلوزة كت.. مسك الوليــد عضد الشاب وعضه بقووووة وفيـصل كان متوجه لهم وهو بنفسه يضحك على سوايا الوليــد والبنات حدث ولا حرج كانوا متسدحين من الضحك.. وبعد ماخلص الوليــد عاض الشاب.. التفت على يساره وقال: وععععععع ياشيخ تسبح؟؟؟ الشاب استحى من عمره وضف وجهه وضف كل ربعه معه و الوليــد كان يقول: هذا الي يصير للي يحاول يتعدأ على محارم الوليــد.. فيــصل: مصدق روحك يالعم وين محارمك هذيلا محارمي ومحارم حبيب قلبك ماجد وهمس بإذنه حتى ريــم محارمي وكان فيــصل مطلع لسانه قصده يغيض الوليــد.. الوليــد: أوووه إنت شبلاك عما قريب ريــم بتصير من محارمي ان شاءالله شغل مخك الواقف وصاروا يدورون ويتفرجون على العالم ويضحكون و ريــم شوي انفكت عن أول وصارت تسولف مع الوليــد وتضحك... و ديمـــه مازالت مطنشه من قبل فيــصل وشهلا.. أما لينـا و نهلا متنعمات بالسواليف والضحك من الوليــد خفيف الدم.. الوليــد كان بنفسه يتمنى يكون مع ريــم مثل ما فيــصل وشهلا مفضوح أمرهم وماخذين راحتهم مو مثله مع ريــم حب بالخفيه وبقلبه يقول ياربييييه أشين شيء تخفي الحب وعيونك فاضحتك ولا إنت قادر تسوي شيء... وكانت ديمـــه كل شوي تلتف عليهم وتتحسر على روحها.. حس فيها الوليــد ورحمها قال: فيــصل شاللي جاك مرة وحدة على الرومانسيه شف اختك المسكينه اشركوها معكم منها بعد تتعلم الكلام الحلو بدل مالسانها ذابحنا.. فيــصل: يااخي مادام انها كاسره خاطرك للدرجه هذي ليش ماتحطها مع هاللمه اللي عندك وتتركنا لحالنا؟؟؟؟ ديمـــه: خلاص أصلا أنا طفشت منكم وكنت مستحيه أروح مع البنات يقولون طردك أخوك بس اذا انك بتقول هالكلام وطرد علني لا بروح معهم وأحفظ مابقي من ماء وجهي ان بقى فيه باقيه.. فيــصل: بدرررررررررررري أخيرا فهمتيها..وضحكوا كلهم على سواليف فيــصل و ديمـــه بالوقت هذا الوليــد يقول بنفسه ياقليبي ياأنا مابيني وبين ريــم غير نهلوه ومع كذه مو قادر أقولها ولا كلمة أحبك...وهالتيس فيــصل متنعم بأنواع النعيم مه هالبزر اللي معاه .. الوليــد: ديمـــه أتحداك تاصلين لهناك(وأشر لها بإيده) قبلنا تقدرين؟؟.. تسابقي إنتي ونهلا ونشوف...( طبعا الوليــد كان ذكي صرف فرع الـ Cnn وفرع Bbc عشان ياخذ راحته) ديمـــه + نهلا: قبلنا التحدي بس وش لنا؟؟؟ الوليــد: اممممم للي تفوز طلعة تعزم فيها اللي تبي للسوق..أو للمطعم وين ماتبي ديمـــه: عرض مغري قبلنا التحدي لينـا: حبت تحمسهم شوي وكانت تدري ان الوليــد يصرفهم قالت: مصيرنا متعلق برجولكم وأول ماانطلقوا كان الوليــد جنب ريــم وعلى طول قال لها: أحبك موووووووووت ريــم مستحيه عساها تشوف الأرض اللي تمشي عليها وهي تقول: وأنا أكثر الوليــد: ياربيييييييه متى نروح لسويسرا أقدر أسولف معك براحتي مثل فيصلوه الحين ريــم: أشرت براسها يعني لا وقالت: نهلا و ديمـــه مو تاركينك براحتك؟؟الا ماينغصون عليك الوليــد: لا بلقالهم أحد هناك أجدعهم عليه ونفتك منهم.. وباللحظه هذي جوا ديمـــه و نهلا و ديمـــه مبسوووطه وتقول: لي اللي قلت لنا عليه.. الوليــد: وجع أمداك تفوزين؟؟؟ ديمـــه: اييييييييييييييييييييييييييييييييييييييييييييييييي ييييييييييييييييييييه ليش ماراقبتنا؟؟ نهلا: لا الظاهر انه كان مشغول بمراقبة ناس ثانين.. وضحكوا عليهم وركبوا السيارة ورجعوا البيت على الساعه 2ونصف وكانوا البنات ماخذين الإذن من قبل إنهم ينامون هناك.. وبعد ماوصلوا بيت عمهم قال الوليــد للبنات انه جايب أفلام واللي يبي يشوفها يجي..بس قال لـريــم تنزل الـ Dvd حقها لان حقه خربان فيــصل: احم احم ماتلاحظ إنك عزمت البنات على الفيلم بس ولا عزمتني؟؟ الوليــد: لأني عارف إنك بتعزم روحك من دون عزيمه بس يالله الحين أنا أعزمك فيــصل وهو فرحان قبلت قبلت العزيمه وراح يركض يبدل ملابسه وجاء بسرعه تحت بس مالقى الا الوليــد يشبك بالأسلاك.. جلس يتفرج عليه فيــصل وهو يقول: تصدق إنك سامن هذا شكله مشروع الفرحه ابدأ انتبه لروحك لا تبلش بعمرك بعدين؟ الوليــد: من جد سامن أحس البنطلون بيفقع بطني ونزلوا البنات.. شغلوا الفيلم وبدأ الوليــد يقدم الدعايات قالت شهلا: اترك الدعايات والله حلوة ديمـــه+لينـا: إيه والله اتركها روعه الدعايات؟؟ قال الوليــد لـفيــصل بصوت منخفض: ياربييييه وش لمة هالبزران؟؟ الوليــد استأذن منهم على مايشوفون الدعايات راح بدل ملابسه ومر على المطبخ وجاب عصير وشيبس وجاء للصاله كان الفيلم بالبدايه وبدأوا يشوفون الفيلم الوليــد كان يعرف قصة الفيلم لأنه شافه من قبل بس جلس يتأمل بوجيه البنات.. ديمـــه: كانت متحمسه باين عليها وتاكل من غير حيلها شهلا: ماكانت مبينه على وجهها أي تعابيرقال الوليــد بقلبه شكلها كتوم مرة هالبنت نهلا: اووووووووووه كان مبين عليها تفحصت الرجال اللي بالفيلم واحد واحد وبقلبه يقول الله يعين رجلك عليك بيقطعك من الطلعات ومن التليفزيون(كانت ديمـــه معروفه بالشيء هذا) ووصل عند ريــم: كانت شوي لتبكي معهم وخاصة إن قصة الفيلم فيها إن أمهم ماتت.. كان الوليــد بقلبه يقول( أحس إن ريــم بقلبها تشيل هم ماتشيله مدينه يااااارب ساعدها) ووصل لـفيــصل: كان فيــصل يتثاوب وفاتح عين ومسكر الثانيه قال الوليــد بقلبه(باين عليه متحمس مرة مع القصة) كان مدة الفيلم ساعه وربع وتمام الساعه 4 خلص الفيلم وأذن الفجر راحوا العيال يصلون أما البنات فجلسوا يعلقون على روحة اليوم وعلى الفيلم.. نهلا: والله إنتم بنعمه ياحظكم؟ ديمـــه: وش نعمته ياحسره على ايش النعمه؟؟ نهلا: من جد عندكم إخوان اللي تبونه يسوونه لكم عندك الوليــد مرة هالولد حنون يكفي إنه مستحملنا وحنا صاكين عليه مو مخلينه ياخذ راحته مع غزاله وعندكم فيــصل لو مايجيكم غير خفة دمه و ابراهيم لو تبون منه شيء مايقصر ويخدمكم بعيونه آآآآآآه ياليــــــــــــــــــت ماجدوه التبن ياخذ من حركاتهم شوي أنا ما أذكراني مرة رحت مع ماجد نتمشى أو ان ماجد عرض علينا مرة يودينا للسوق حتى حفلة التخرج توقعته مادام الحفله له يطلعنا السوق يودينا شيء لكن الظاهر شفتوا ان إخوانكم ودونا السوق والمشغل ورجعونا من المشغل وماكان باقي الا يرجعونا للبيت..الله يحفظهم لكم وليت ماجد يصير بربع إخوانكم والله لو بإيدي كان توجت أخوانكم أفضل إخوان على وجه الكره الأرضية أنامن جد أتمنى ماجد يكون مثلهم... بالوقت هذا كانوا البنات طايره عيونهم شفيها هذي انفتحت مرة وحده..بعد ماخلصت نهلا مكمله كلامها شافت وجيهم وماتت من الضحك عليهم وقالت: شفيكم؟؟ ريــم: من رأيي نصلي وننام؟؟ ديمـــه: ش رأيكم اليوم تنامون بغرفتي كل مرة غرفة ريــم ريــم: على شرط إنتي تفرشين لي فراشي؟؟ ديمـــه: لاااابنام بغرفتك وأنا اللي قلت بفتك من فرش فراشي بس فيني فيني لا بنام بغرفتك ريــم: حياكم الله روحوا جيبوا فرشكم..وجابوا البنات فرش وفرشوها وناموا... على الساعه 12.30 كان الكل صاحي عشان الغداء وجلسوا على طاولة الأكل.. وجاء الوليــد متأخر كالعاده وتعود على الأماكن تتغير لا صاروا فيه بنات عمه فأول ماجلس مكانه شاف اللي قدامه ابراهيم واللي جنبه فيــصل قاله الوليــد بصوت منخفض: أجل ديمـــه وينها بالعاده تصير قدامي أصبح بوجهها؟؟ فيــصل: هذاها جنب ابراهيم بس تصدق إن ديمـــه اليوم قالت لي صباح الخير وهي مبتسمه الوليــد: شصاير مو من العاده بالعاده أول ماتقوم من النوم ماده بوزها شبرين إنت متأكد من انها في كامل قواها العقليه والصحيه؟؟الله يبشرك بالخير على كذه بنلقالهارجل يقبل فيها فيــصل: الله الهادي عقبال ماجد تصدق أرحم خواته؟؟ الوليــد: ترحم خواته ولا ترحم البزر اللي تبي حلاو وملاهي ومو محصله من يجيبه لها؟ فيــصل: جب بس جب ابو ابراهيم: هاه عيال خلاص متجهزين ليوم السبت؟؟ الوليــد: شعندنا يوم السبت؟؟ ابراهيم: شكولاته عندنا سفرة سويسرا... الوليــد: آآه صح زين اللي ذكرتوني كنت ناسيها بالمرة ديمـــه: اللي ماخذ عقلك يتهنى فيه ضحكوا اللي عارفين القصة ومين ماخذ عقل الوليــد... الجده: وأنتم جازمين على الروحه والله مافيني ياوليدي أروح معكم بروح أقعد عند أختي لحد ماتردون... الوليــد: ايه صح اريح لك بعد السفر لعوزه للي مثلك وبتتعبين أكيد.. فيــصل: والله طرده محترمه بس ياليتها تجي معنا وتقعدلك شوكه بمناخيرك الوليــد: يالخبل مايقولون شوكه بمناخيرك يقولون شوكه ببلعومك ابراهيم وبصوت واطي: لا انت ولا هو يقولون شوكه بالحلق.. فيــصل+الوليــد: طايره عيونهم وإنت قاط معنا؟؟ وبعد الغداء صاروا يسولفون شوي لحد ما أذن العصر وودى ابراهيم بنات عمه لبيت عمه.. بطريقه وهو طالع.. راحت ريــم كانت تبغى تشوف شريط حفلة التخرج راحت غرفتها هي و ديمـــه و لينـا بس تذكرت ريــم إنها أعطت الـ Dvd الوليــد ومارجعه بس صك عليه بغرفته..راحوا لينـا +ديمـــه + ريــم يجيبونه من غرفة الوليــد ويوم دخلوا الغرفه أثاري الغرفه معفووووووسه فوق تحت قالت ريــم: خلونا نظفها والله كسر خاطري على هالغرفه ديمـــه: يالله نضفها حتى أنا والله كسر خاطري.. لينـا: بتضفون ضفوا لحالكم أنا ما أحب ريحة العيال وأحس إني بختنق. ديمـــه+ ريــم: براحتك نعرف وش سويتي فينا يوم دخلنا غرفة فيــصل وقعدنا فيها نتفرج على الصور جلستي ربع ساعه ورجعتي اللي فبطنك أجل إذا بتضفين وش بتسوين؟؟ لينـا: زين اللي عذرتوني مع السلامه أجل وجلسوا ريــم + ديمـــه يضفون وأول ماشالت ريــم شرشف السرير بترتبه كان تلقى الدبدوب اللي أهدته له يوم كان بالمستشفى ورتبت السرير وحطت الدبدوب على السرير.. بالوقت هذا دخل الوليــد من بره وهو بالحديقه كان يشوف لمبة غرفته مشغله قال معقوله فيه أحد بغرفتي زين وش يسوي هالأحد؟؟ معقوله أكون ناسي النور بس أنا يوم أطلع العصر ولا فتحت النور.. قال اقطع الشك باليقين راح غرفته وفتح الباب وأول مافتح الباب استغرب انها مرتبه وفيها ريحة بخور التفت يمين ويلقى ريــم و ديمـــه قال: شتسوون؟؟ ديمـــه: مثل ما أنت شايف كسرت خاطرنا بغرفتك المرتبه وقلنا نظفها.. الوليــد: هههههه ماعليه كلها ان شاءالله سنه بالكثير وبتزوج ريــم وبتضف لي ولا عاد أكسر خاطر أحد..بالوقت هذا ريــم كانت مستحيه مرة ومو قادرة تشيل روحها.. ديمـــه وهي تناظر الوليــد بنظرات تأنيب: بس والله خجلت البنت؟ الوليــد: اهااا سوري أجل يالله بالإذن بروح تحت كملوا ضف البنات ولحقوه نزلوا تحت وجلسوا يسولفون لحد ماجاء وقت العشاء وتعشوا وجلسوا يشربون الشاهي وهم يسولفون ريــم أشرت لـديمـــه و لينـا ورقوا فوق لغرفتها.. ريــم: وش آخذ معي لسويسرا مدري كيف أرتب شنطتي؟؟من زمان ماسافرت معكم لينـا: أهم شيء بناطيل جينز وتيشيرتات قطنيه ديمـــه: ولاتكثرين مرة لأنك بتشرين من هناك وبتبلشين لابغيتي تردين يعني بالكثير خوذي لك أربع قطع ومن هناك بتشرين أشياء لينـا: بس لا تنسين ملابسك الداخليه وتبلشينا فيك مثل ما ديمـــه تسوي فينا كل سنه ديمـــه: اييييييييه صح ذكرتيني أحطهم بالشنطه لينـا: أووووف أنا أخبر الناس يتعلمون من أغلاطهم أختي لا كل سنه لازم تنساهم ريــم: هههههههههههههههههههههههههههههههههههههههههههههههههه هه ديمـــه: ولاتنسين الحجابات لأنك بتلبسين هناك كابات وحجابات ريــم: ماعندي كل اللي عندي قديمات ديمـــه: هذا اللي أنا حاسبه حسابه وعشان كذه لازم الحين نروح السوق يالله يمديهم يفصلونها.. ريــم: ايه بس الساعه 9.30 يمدينا؟؟ ديمـــه تمسك جوالها وهي تقول: ايه يمدي اذا الوليــد ما غثنا بالموافقه وهو مواعدني يودينا للسوق لا فزت بالسباق وأنا فزت دقت ديمـــه على جوال الوليــد الوليــد: ألو يالعجازه عاجزه لاتنزلين تحت وتكلميني؟ ديمـــه: وش فايدة الجوالات أجل إلا تقرب القريب وتبعد البعيد الوليــد: و ل و ل و ل عكستي الآيه ديمـــه: زين الوليــد أنا أنتظر تنفيذ الوعد وبنروح الحين للسوق نحتاج بعض الأغراض و ريــم تحتاج كابات وحجابات الوليــد: الحين الساعه 9 ونصف يمدي؟؟ ديمـــه: يمدي اذا بسرعه نطلع ونمر على بنات عمي الوليــد: O.k يالله بسرعه طيب وقفلت ديمـــه من الوليــد وبسرعه دقت على نهلا وشهلا وقالت لهم بس نهلا قالت بشوف امي وأرد لك خبر ودقت عليها قالت خلاص مروا علينا..أمي وافقت ومروا على بنات عمهم وراحوا للراشد مول وطبعا مافي وقت حق اللعب بسرعه راحوا كلهم فصلوا حجابات جديده ومروا على محلات معينه وشروا اللي هم يبونه.. ورجعوا بنات عمهم لبيت عمهم علي وردوا لبيتهم.. ديمـــه: الوليــد ترى الكابات تطلع يوم السبت العصر لساعه 5 تروح إنت تجيبهم الوليــد: طيب مدام ديمـــه: زين سوف هدا عبايه بإسم ريم عبدالله هدا فاتورة إنت في معلوم؟؟ الوليــد: يص يص مدام نزلوا من السيارة جلسوا بالصالة شوي يسولفون.. وراحوا الشيبان ينامون وجلسوا البنات والعيال يقطعون الوقت عليهم ويسولفون عن أيام زمان... ريــم: أنا صار لي 4 سنين ماسافرت معكم... الوليــد: أنا صار3 سنين وأنا أسافر مع خوالي ولا أسافر معكم فيــصل: أجل ليش جاي معنا هالمرة حظك ياريم اللي هذا بيسافر معك الوليــد: هالسنه غير وانت شكوا أنا عمي ملزم علي اسافر معكم ابراهيم: أنا بعد كل مره أسافر مع ابوي واحس الروحه موشيء من دون أختي و الوليــد ريــم: حتى البيت كان مو شيء من دونك يا ابراهيم فيــصل: بس انتم الله يعافيكم روحوا للمجلس واقعدوا امدحوا ببعض على كيفكم بس لاتحومون كبدي وش اللي البيت مايسوى من دون ابراهيم؟؟ ولا السفره ماتسوى من دون الوليــد والله كانت السفره وناااااااااااااااسه من دون توت العليق هذا اللي اسمه الوليــد ابراهيم: وشو توت العليق مو هنا مكانه.. ياكثر خرطك اللي مايجيب فايده يا فيــصل فيــصل: الا هنا مكانه.. لا تبـــــخــــــــــص ابراهيم: وشو توت العليق تدري وشو؟؟ فيــصل: يقال معياره للواحد اللصقه يعني يعلق معك عليق ولا يحل عنك ابراهيم+ ديمـــه+ريــم+الوليــد+لينـا: ههههههههههههههههههههههههههههههههههههه الوليــد: يالخبل هذا نوع من أنواع السماد الطبيعي ابراهيم+ ديمـــه+ريــم+لينـا: هههههههههههههههههههههههههههه بيكحلها عماها ابراهيم: هذا يا طويل العمر نوع من الفاكهه حلو ولونه أحمر يحبونه البزران أمثالكم ويأشر عليهم.. الوليــد+ فيــصل: ؟؟؟؟؟؟؟؟؟ وطايره عيونهم..والله حركتاااااااااااات تعررررف وبعد نوبة الضحك هذه..تفرقوا العيال والبنات من الصاله..وناموا ليلة هنيه.. وفي يوم الجمعه وبعد صلاة الجمعة كانت العائله ملتفه على الطاوله وتتغدأ... الجده: الوليــد اليوم توديني لأختي بقعد عنهم لحد ماتردون من سراوه.. الوليــد: قصدك سويسرا؟؟ تامريني أمر يالغاليه بوديك الجده: بس لازم العيال والبنات يجون يسلمون على أختي هي تسأل عنكم؟؟ فيــصل بصوت واطي لوليد: هلا والله جمعة عجز.. ابو ابراهيم: حتى أنا ابراهيم بتوديني أنا وأمك اليوم لها لازم كلنا نروح نسلم عليها الوليــد يكلم فيــصل: ليته بس عجز الا طبوا فيها الشيبان.. الجده: فيك الخير ياوليدي.. وبعد ماخلصوا غداء كانوا جالسين يسولفون ويشربون شاهي ويتكلمون عن سوالف أيام زمان... الجده: أتذكر يوم انه ابوكم صغير عمره حوالي 8 سنين كان فرض علينا ندخله المدرسه وهو ماكان وده يدرس بس جدكم كان يغصبه عالدراسه والله كان مأذينا على الدراسه كل صبح..وفمرة من المرات راح أبوكم للمدرسه ورجع الظهر وهو فرحان وكلنا استغربنا سبب الفرحه ويوم سألناه رد علينا: الأستاذ قال لي لاعاد تجي الا ومعك أبوك ياحظي مو بس أنا بدرس حتى أبوي بيدرس معي..وبيحس بالغثاء ولاعاد يغصبني... وجدكم كان عارف السالفه فيها إن وصار بكره وراح للمدرسه بيشوف شالسالفه وبعد ما سألهم قالوا له الأساتذه: ولدك ماينفع لشيء ذبحنا مو راضي يفهم علينا والأشين إنه شقي والله ولدك أذيه ياانك تضفه عنا ياانك تشوف له صرفه معه الحال ماينسكت عليه.. ومسك جدكم عبدالله وفك عليه العقال وعطاه كم طراق وخلاه بعدها يمشي عدال للمدرسه وصار ماشاءالله عليه متفوق يرسب بثلاث مواد كل سنه..(الجده وهي تقولها ولحد هذي اللحظه كان على بالها يرسب = ناجح بتفوق) الوليــد: أفااا يبه كنت كسلان؟ الجده: أقولك كان شاطر يرسب بثلاث مواد كل سنه.. أم فيــصل بصوت منخفض: ويوم بغت تخطبني له جدتكم قالت لي إنه يرسب بثلاث مواد يوم انه صغير وبغيت أرفضه وجدتكم كانت تقولها على بالها إن ولدها متفوق ابو ابراهيم: يمه الله يهداك فضحتينااااا الجده: ولا فضحتك ولا شيء أنا أمدح فيك عند عيالك الوليــد+ فيــصل: حبوا شوي يقهرون أبوهم.. الوليــد: الله يهداك يبه معقوله سويتها عيال الناس مايسونها ويرسبون؟؟ ياربيييه وش بيقولون الناس عنك؟؟ الجده: لييييييييييييييييييييش هو كان متفوق فيــصل: لا يايمه كان يأرنب عليك اللي يرسب كانت سمعته مو مرة هذي معناها كبير؟ الجده مسكت عصاها وحطت عروته على رقبة ابو ابراهيم: تكذب علي ياولد؟؟ فيــصل: هههههههههههههه لا عاد يمه برافو اللي ولدك كان يرسب مااحد من الناس يسويها ومفروض ترفعين راسك بولدك اللي كان يرسب.. الوليــد بصوت واطي: والله قل العلم مشكله والكل ضحك على ابو ابراهيم وفعايله..والجده رجعت لمفهومها السابق ان اللي يرسب متفوق وبعد صلاة العصر كان الكل متجهز لزيارة الخاله نورة إخت الجده..وشال الوليــد شنط الجده وطلع فيهن يركبهن السياره.. وتوزعوا على سيارتين:ابو ابراهيم+فيــصل+ أم فيــصل في سيارة ابراهيم والبنات+الجده في سيارة الوليــد.. الجده كانت تحب سواقة الوليــد وترتاح معه في السيارة ودايما تحب تركب معه... الجده: ياحليلك يا الوليــد تصدق اني ارتاح معك بالسيارة ولا احب اركب الا معك.. الوليــد: شكرا يمه الله يسلمك وبقلبه يقول(شهادة الشيبان نعتز فيها( وبعد ماوصلوا وسلمو على الخاله نوره وجلسوا شوي عندها.. الجده: شفتي ياوخيتي شعر بنتي ريــم كأنه ذيل حصان يذكرني بشعري يوم كنت بشبابي الخاله: ماشاءالله عليك يا ريــم بس لاتقصينه أبد خلك مثل هالموزه اللي مهبله بالعالم فيــصل: موزه؟؟ وشي الموزه يا خاله الخاله: هذي اللي غنون لها وترقص بشعرها الوليــد: اهاااا قصدك البرتقاله تعرفينها ياخاله؟؟ ريــم: نعم ولا صارت تعرفها انت شعرفك فيها؟؟ الوليــد: لااا أنا ما أعرفها ابوي هو اللي يعرفها ابو ابراهيم: نعععععععععععععععم أي برتقاله أنا ماأعرف الا البرتقال اللي بالسوبر ماركت الخاله: عاد هالبرتقاله اللي مهبله في العالم أنا أحلى منها( الوليــد يقول لـفيصل بصوت منخفض: ياخي مدري شبلاهم عجزنا شايفين أرواحهم كل وحده تقول أنا الحلوه) فيــصل: الكبر والتخريف الله يهداك ابو ابراهيم: لا هي حلوة بس صحتها زينه.. ام فيــصل: نعععععم يعني تعرفها ياحسافة شيباتك بس.. حسابي معك بعدين الوليــد: طحت ولا أحد سمى عليك يبه وبعد ماجلسوا شوي عند الخاله طلعوا من عندهاوركبوا السيارات.. الشيبان بسيارة ابراهيم وبأول الوقت كان فيــصل بيركب معهم بس راح لسيارة الوليــد الوليــد: شجابك إنت؟؟؟ فيــصل: أجل أخليك مع البنات لحالكم مايدرى عنك الوليــد: أنا ولد عمهم وقبل مايركب فيــصل سكر الباب الوليــد وقفله وحرك السيارة وخلى فيــصل بالشارع..وكان فيــصل يدق على الوليــد ويترجاه يرجع بس الوليــد كان رافض رفضا قاطعا والبنات مبسوطات على المقلب اللي أكله فيــصل المسيكين... واتجهوا للبيت.. وصل الوليــد قبل ابراهيم لأنه كان ماخذ راحته بالسرعه..مامعه لا الجده ولا أحد من الشيبان..و فيــصل كان محتر ويحظرم على الوليــد ودق عليه.. الوليــد: هلا أخوي فيــصل: مو كأنك مسوي شيء الوليــد: غلطان ياخي بالنمرة دق على النمرة الصح المرة الثانيه..وباااااااااااااي فيــصل: الله لا يعافيك بس باااي وبعد ماقفل الوليــد الجوال من فيــصل.. ريــم: حرام عليك الوليــد ارجع يمه وخذه والله كسر خاطري الوليــد: اذا إن ريــم تقول ارجع خذه لابرد له لأجل عين تكرم مدينه.. ريــم مستحيه وهي تقول الله يسلمك.. ودق الوليــد على أخوه وقال له ينتظره لأنه بيرد يأخذه.. وكان الوليــد طالع من باب القراج و سيارة ابراهيم توها داخله.. الوليــد فتح الشباك وهو يقول لـ ابراهيم: صح النووووووووووم ابراهيم بيغيظه ويقول: يبه ترا الوليــد مسرررررررررع شفه وصل قبلنا بحوالي 10 دقايق وبعدين التفت على الوليــد وقال له: وين أنت رايح؟؟ الوليــد: لعبت لعبه على فيــصل وخليته هناك وبرد آخذه أم فيــصل: حرام عليك ماتييوز عن ألعايبك؟؟ الوليــد: الله يهديني أخلي اللعب عني.. وراح الوليــد يم أخوه وبعد ماوصل للمكان جاء فيــصل له وهو يحظرم على الوليــد..وركب السيارة.. وقال فيــصل: توك تحس فيني وترد لي؟؟ تو الشوق يذبحك؟؟ الوليــد: لااا ما رجعت عشانك بس ريــم لزمت علي أرد لك تقول انك كسرت خاطرها فيــصل: اخخخخخ بس صرت مكسره لخواطر البنات.. الوليــد: ههههه حلوة مكسره.. وصلوا العشاء لأنه أذن وهم بالطريق وردوا البيت.. تعشوا وبعد العشاء راحوا الشيبان ينامون...وراحوا فيــصل + الوليــد +ابراهيم يجهزون شنطهم للسفر بكره.. وشوي الا نزل ابراهيم للبنات.. وهو يقووول خواتي حبيباتي.. ريــم+ديمـــه+لينـا: اووووف هات من الآخر ابراهيم: أمممم هاكم شنطتي وملابسي حطوهن بالشنطه ريــم: أهااااااا وأنا أقول وش الحب النازل من السماء ابراهيم كان حاط شنطته وملابسه بنصف الدرج جابها لهم وبدأوا البنات يرتبون الا ونزل عليهم الوليــد... وهو يقول: ياربيييييه صدق اللي قال البنات البنات ألطف الكائنات ديمـــه: هات الشنطه نرتب لك ملابسك من دون هالمقدمات.. الوليــد: ياربييييه هالبنات الله يخليهم لي.. وبدأوا البنات يرتبون الملابس بالشنطتين.. أما الوليــد رقا لأخوه فيــصل ودخل عليه بالغرفه وقال له: الأوضاع تمام روح ود شنطتك للبنات يرتبونها تفحصت لك النفسيات فيــصل: زين سويت الله يعافيك ونزل فيــصل للبنات وقال بنــ...... وما خلوه البنات يكمل قالوا له جيب شنطتك نرتبها فيــصل: ياناااااس هالبنات فهيمااات يفهمونها وهي طايره وجاب شنطته.. وبدأوا البنات يرتبون..قالت ديمـــه: بنات شرايكم نخبص لهم الملابس ونحوسهم مادام إنهم يقولون علينا لطيفات لازم نثبت هالشيء..ونخبص ملابسهم سوا ريــم: ههههههههه أتخيل أشكالهم وهم يفكون شنطهم يلقون بنطلون هنا وبلوزه هناك لينـا: ولا شكل الوليــد هالشيك لابس بنطلون ابراهيم وبلوزة فيــصل ريــم+ديمـــه:هههههههه زين يالله نسويها وخبصوا البنات الملابس بين الشنط ووزعوا البناطيل على الشنط وتأكدوا إنه مافيه شنطه فيها شيء لصاحبها.. وحطوا الشنط تحت الدرج استعدادا لبكره السفر ورقوا هم بعد يجهزون شنطهم..وفي يوم السبت على الساعه 12.0 كالعاده الكل على الطاوله لكن الوليــد متأخر وجاء جلس في مكانه وطالع قدامه كالعاده وطالع جنبه وهو يقول لـفيــصل: شحلاتها ريــم اليوم شمسويه؟؟ فيــصل: مو شيء جديد انت كل ماتجلس تقول شمسويه مااشوفها تغيرت هذي هي من خبرتها.. الوليــد: أنت ماتعرفها أجل..أنا اللي أحس بالتغير اللي يصير لها ابو ابراهيم: هاه عيال متجهزين للسفراليوم مانبي أي تأخير لازم على الساعه 10 نكون بالمطار والساعه 12 طيارتنا... ابراهيم+الوليــد+فيــصل: ايييييييه كاها شنطها عند الباب ديمـــه+ريــم+لينـا: يتناظرون ويتضاحكون ديمـــه: الوليــد لا تنسى الكابات تجيبها من السوق الساعه 5العصر ومعك الفاتورة الوليــد: طيب على عيني أي أوامر ثانيه؟؟ ديمـــه: لا سلامة راسك وبعد ماخلصوا الغداء تفرقوا يخلصون أشغال لهم وكانوا متفقين مع بيت عمهم المغرب الإجتماع في بيت ابو ابراهيم..واللي بيوصلونهم للمطار سواويقهم.. والعصر دقت ديمـــه على الوليــد.. ديمـــه: الوووو الوليــد: يبه خلاص بروح أجيب عبايتاكم الحين والله لجيتوني ديمـــه: زين الله يعافيك ياالله أجل باااي وقفلت الخط من الوليــد وجلست تسولف مع البنات وترتب الباقي من شنطتها.. لينـا: ديمـــه حبيتي أخذتي ملابسك الداخليه ديمـــه: وأنا أقول وش أنا ناسيه من الصبح زين الي ذكرتيني لينـا: مو قلنا لك هذيك المرة وقلتي بحطهن؟؟ ديمـــه: لا ما حطيتهن.. بس أنا الحين بحطهن لينـا: ياربيه الله لا يحرمك مني دايم أذكرك وشوي الا سمعوا صوت طق باب.. ديمـــه: ميييين؟؟ ......: أنا الوليــد جايب لكم الكابات ديمـــه: لحظه.. ولبست حجابها هي و لينـا وفتحت الباب لوليد وأخذت الكابات منه وهي تشكر منه.. الوليــد: أفاااا عليك بس موأنت خادمتني أمس ومرتبه ملابسي في الشنطه؟ ديمـــه وهي تضحك: مابيننا هالمجاملات وبقلبها تقول(مشاوف هالمسيكين) واجتمعوا بالصالة وجاء عمهم مع عياله وجلسوا يتقهوون وتعشوا بدري على الساعه 9 تقريبا وبتمام الساعه 10 طلعوا من البيت.. واتقسموا على ثلاث سيارات: أبو ابراهيم+ابوسلطان+ أم فيــصل+ أم سلطان+ شهودي+عبود في سيارة كومارو ماجد+فيــصل+شهلا+لينـا في سيارة ذو الحاج>>سواق أبو سلطان ابراهيم+الوليــد+ريــم+نهلا+ديمـــه في سيارة يوسف>> السواق الثاني لعائلة ابو ابراهيم وقبل مايطلعون عن قراج البيت تأكدوا من وجود الكل وكانت ديمـــه تقول للبنات خايفين لا نسرق رصيدهم مثل ماسوى كيفين في فيلم Home Alone يوم نسوه أهله وصار يلعب على كيفه وشيكوا على الجوازات والفيز وانطلقوا للمطار..وبعد ماوصلوا المطار تقريبا على الساعه11 قال الوليــد: صدق لاقالوا عريبيا اليوم على الغداء أبوي يقول لازم نصير هناك على الساعه 10 والحين الساعه 11؟؟ وبعد ماخلصوا الجوازات والتفتيش ركبوا الطياره.. وأخذوا أماكنهم من الطيارة وسعادة الحظ وقعت الوليــد جنب ماجد وفيـصل جنب شهلا وصار الشرار يتطاير من عيون الوليــد وصار يحظرم ويلعن بالطياره ومو معجبه الوضع ويقول من الحين فاتحة خييييرللسفريه.. وبعد مرور ساعه من الإقلاع تعلث الوليــد بإن مكانه عند الجناج ومو قادر يشوف اللي تحته وقام قال لابراهيم يروح مكانه و ابراهيم خاف لاتصير فضيحه لا استمر الوليد على هالحاله ويوم تبادلوا أماكن التفت الوليــد بيشوف من جنبه ومن التفت الا وشهق كانت ديمـــه قال اوووووووه أنحاش من ذاك وتجينا ذي الله يعيني على لسانها... ديمـــه: عاااااارفه طيب بروح أبدل أماكن وأجيب ريــم عندك شرايك؟؟لأني مالي خلقك وودي أنام.. الوليــد: تسوين خير والله وتبادلت ديمـــه و ريــم أماكن وكانت المضيفه طايره عيونها وتقول وش عندهم هذيلا يستهبلون.. وجلست ريــم جنب الوليــد وكانوا الاثنين فرحانين و الوليــد يقول بقلبه عقبااال شهر العسل ياااارب..شوي الا وتكلمت احدى المضيفات وقالت: نحن مقبلين على مطبات هوائيه الرجاء التزام الأماكن وعدم إثارة الهلع والخوف.. وشكرا.. شهودي تطق راس الوليــد من وراه: الوليــد وش معناة مطبات هوائيه؟؟ الوليــد: أمممم يعني زي المطبات الصناعيه اللي بالشارع بس هذي بالهواء(شرحها الوليــد لها بطريقه تناسب عمرها يعني بطريقه مبسطه) وبدأت المطبات الهوائيه كانت فعلا مخيفه حتى ريــم تروعت منها (ريــم بطبعها كانت خوافه شوي) وغصب عليها ومن دون ماتدري تمسكت بيد الوليــد وصارت تدعي .. و الوليــد كان مبسووووط للآخر ولا كان وده يتحرك عشان ماتتذكر ريــم وتوخر يدها وبعد ماخلصت المطبات الهوائيه رفعت راسها ريــم وناظرت الوليــد وقالت آسفه بس والله مت من الروعه.. الوليــد: لا عااااادي وش عليه..حسيت فيك كنتي تنتفضين مرة واسندت ريــم راسها وبعد حرب مريرة مع عييونها نامت.. كان التكييف بارد شوي فخاف الوليــد عليها وطلب لها بطانيه من المضيفه وجابت له المضيفه اللي طلبه فغطى الوليــد ريــم وصار يتأمل شكلها كان شكلها قمه من الروعه شكلها ملائكي جدا وكانت حاطه ايدها على قلبها كان وجهها أبيض متورد ومع قوة التكييف كان لونه على أحمر..تم يطالعها حتى غلب عليه النعاس ونام ونبهه قوة البرد وعلى طول التفت على ريم لقاها تنتفض من البرد وبالحقيقه ريــم كانت صاحيه لأن البردأزعجها لكن ماحبت تتحرك وتطلب المضيفه تخاف يصحى الوليــد من النوم..وكانت مغمضه عيونها يوم شافها الوليــد بالحاله هذي طلب بطانيه لها وبطانيه له... وجابت له المضيفه اللي يبيه فغطى ريــم بالبطانيه وتغطى هو وغمض عيونه وسمع صوت من جهة ريــم فتح عيونه يتأكد من اللي سمعه وفعلا لقى ريــم مفتحه عيونها ومبتسمه وهي تقول له: شكرا تعبتك معي؟؟ الوليــد: لا أفااا عليك لاشكر على واجب... ومانام الوليــد لحدماتأكد إن ريــم نامت وماصحوا الاعلى صوت المضيفه وهي تطلب منهم يربطون أحزمة الأمان استعداد للهبوط....ربطوا أحزمة الأمان وهبطت الطائرة بسلام وصاروا ينزلون الركاب من الطيارة همس فيــصل بإذن الوليــد وقال: ليله ماحلمت فيها انت وهالوجه الوليــد: وش عندك مو بعد انت بزرك كانت معك؟؟ فيــصل: خيييييبه جاء أخوها الدب ماجد وقال بنام جنب أختي..مكاني بارد الوليــد: هههههههه ياحراااام تكسر الخاطر والله ... وعلى طول من المطار أخذوا لهم سيارة للفندق اللي كانوا مستأجرين منه غرف وكانوا مقسمين الغرف... البنات بغرفه على يمينهم أم سلطان وأبو سلطان وعلى يسارهم أم فيــصل وابو ابراهيم وقدامهم غرفة العيال..طبعا شهود كانت مع أمها وأبوها وعبود كان مع العيال...وناموا العائلتين لأنهم كانوا تعبانين مرررررة وبعد ماقاموا من النوم صلوا العصر.. واجتمعوا في أكبر غرفة اللي هي غرفة العيال.. الوليــد: عن إذنكم بروح أتسبح.. طبعا البنات كانوا يضحكون وودهم يشوفون وجه الوليــد لا شاف الشنطه وكانوا مخبرين شهلا ونهلا على الخطه اللي حبكوها... وراح الوليــد وأخذ شنطته وحطها على الطاوله وفتح سحابها وأول مافتحها شاف بنطلون فيــصل قال: ياذالبنات شكلهم حطوا أغراضي بشنطة فيــصل.. ياحووول مودارين لخبطوا وهم يرتبون.. وطلع من الغرفه والبنات يضحكوووون عليه راح أخذ شنطة فيــصل وراح فيها للغرفة وفتحها بس لقى بنطلون ابراهيم قال: لا والله سوتها ديمـــه والبنات وعطونا هالمقلب طيب بوريكم.. وطلع مستهيش وقال: ديمووووه وش اللي صاير ليش حايسين الدنيا؟؟ ديمـــه: وش الحوسه اللي صايره؟؟ الوليــد: تتجاهلين هدومنا ليش محيوسه؟؟ ديمـــه: يوووه العذر أخوي بس أنا وش يدريني كلكم جبتوا ملابسكم بوقت واحد واحنا سوينا اللي علينا وخبصنا الدنيا.. الوليــد: فيصلوه ابراهيموه قوموا نعزل الملابس عن بعض الوليــد: اوووووف هذا وأنا أقول عنكم انكم ألطف الكائنات؟ ابراهيم قل أشرس الكائنات أصدقك.. وقاموا العيال وطشوا الشنط بالغرفه وصاروا يعزلون الملابس ويحطون حق كل واحد بشنطته.. فيــصل: والله لوحنا مرتبين بروحنا أحسن من هالشغله. الوليــد: آآآآآآآه الله يعيد أيامك يا جيني كانت تضف لنا الشنط وترتبهن من دون هالمقالب ابراهيم: الظاهر يا الوليــد هذه عقوبه من ربك ليش توكل فيــصل ذاك المقلب؟؟ فيــصل: بس أنا وش دخلني أعاقب معه؟؟هو اللي سوى لي المقلب ابراهيم: هذا عشانكم دايما تدبرون المقالب لماجد.. الوليــد: أقول ابراهيم أنا طفشااان من دون لا تجيب طاري هالغثيث. بس أنت مع مين مسوي مقلب ليش معاقب ابراهيم: لا أنا حليل بس عشاني الضحيه وكمشاركه وجدانيه عوقبت معكم فيــصل: لا يالحبيب هذا عشان الكف اللي صكيته البنيه الممرضهالجزاء من جنس العمل.. ابراهيم: وشكلي بصفعك كف مثله لا مرة ثانية جبت طاريها الوليــد: لا يا فيــصل حالته صعبه بالشوق حتى مو راضي نجيب سيرتها ابراهيم: أقوووول جب إنت وإياه والله مابقلبي شيء على هذيك المخلوقه. وبعد ماخلصوا العيال عازلين الأغراض كل واحد جمع أغراضه وبدون ترتيب أو تصفيط حطوهن بالشنط ولفوا البلايز سوا وحطوها.. الوليــد: يازينا على شغل من أول ولا يتدخلون أشرس الكائنات في الترتيب ابراهيم: والله جبتها شحلاتنا بالشكل هذا.. وضحكوا على سواليفهم وراح الوليــد تسبح ولبس بنطلون وبلوزة..بالوقت هذا طلب أبوهم الغداء لحد الشقه وبعد ماالتموا على السفرة.. ريــم: يبه وين بنروح اليوم؟؟؟ ابو ابراهيم: لا اليوم اجازه اللي يبي يروح السوق واللي يبي يروح الحديقه اللي تحت الفندق ديمـــه: يبه ودنا اليوم نروح نسوي مساج وأقنعه للوجه والجسم.. ابو ابراهيم: براااااحتكم روحوا.. ماجد: بس لازم يكون نساء اللي يشتغلون لكم ديمـــه: وش قالوا لك غشيمين فاهمين هالنقطه.. وبعد الغداء لبسوا البنات كاباتهم وراحوا لمحل المساج تحت الفندق وبدأوا العمل سووا قناع الشكولاته للبشره والجسم..وبعد مرور ساعات خلصوا البنات من الصنفرة والتنظيف ورجعوا للشقه..وأول مادخلوا قابلهم الوليــد.. الوليــد: ياسلااااام شالحلاة تصدقون صرتوا وجيه ثانيه صرت أحسكم طيوبين باالذات الدب الأكبر ديمـــه.. أحسها صايره روعة بالطيبه.. ديمـــه: الولد عنده شيء مو من الباب للطاقه يمدح؟؟ الوليــد: لا والله من جد ماعندي شيء.. نهلا: طيب ريــم مااحلوت على قولتك؟؟( وكان قصدها بتحرجه شوي) الوليــد: لا ريم طول عمرها حلوة وطيبه بس لو الله يفكها من السوستين ديمـــه ونهلا ريــم استحت مرة وصارت تطالع الأرض ومو قادرة ترفع راسها..وتقول: الله يسلمك ونزلوا البنات+ الشباب: للحديقه اللي تحت الفندق وكان معهم عبودوماجد مو معهم كان بيتسبح ويروح للسوبر ماركت بيشري أغراض وبيرد لهم بالحديقه لأن ابراهيم قال له انهم هناك..وكانوا منفصلين البنات في في قروب والعيال في قروب.. وفي قروب العيال.. فيــصل وبصوت منخفض ياناس ياعالم ودي أروح أجلس مع شهوله مايصير هذا أنا وياها بنفس المكان ومو قادر أكلمها.. (كانت شهلا تناظر فيــصل من وقت لوقت) ابراهيم بصوت منخفض: زييين طس فارق لها وش تنتظر فيصل ويأشر على عبود: وهالتبن اللي مسطبل عندنا وش الدبرة فيه؟؟ الوليــد: خله علي بوريك فيه.. وكان عبود ملقي قروب البنات قفاه ولا عارف وش يصيرومعطي وجهه لقروب العيال هو كان حاس إن الموضوع فيه ان ولا وش سنع هالمساسر اللي بين فيصل وابراهيم ووليد؟ وقام فيــصل وراح لمكان خلف قروب العيال وأشر بيده لشهلا يعني تعالي قامت شهلا والبنات تريقه عليهاوضحك..وأشر الوليــد لريم من بعيد وهو رافع ايديه للسماء ويقول عقبالنا...ابتسمت له ريــم بخجل وصارت تسولف مع البنات وهي تناظر الوليــد مابين وبين بعد مرور ربع ساعه من الحدث بغى الوليد ينكد على فيــصل وقال لعبود: واخزياه ياعبود وشلون تخلي إختك اللي سمعتها من سمعتك تجلس مع ولد عمها لحالهم؟؟ عبود: وش علي أنا ماعلي الا من روحي..وبكل برود يقولها.. فيــصل+ابراهيم: أفاااا لا مايصير لازم تروح تقعد بينهم عبود: خليهم اللي يشوفهم يحسبهم عرسان وش يدريه انهم لعب بزران ابراهيم: لا مايصير ياخي برضه عيب عليك انت أخوها وسندها اذا انت سكت على هالموقف الأولى بنا حنا عيال عمها نسكت عبود وهو يطالعهم بعيونه الناعسه وبكل برود: ياليتكم تسكتون فعلا عنهم خلهم ياخذون راحتهم ماجدوه مو موجود.. الوليــد يقول بصوت منخفض: تدري يا ابراهيم ورى هالعبود البارد واحد مخه يوزن بلد؟؟ ابراهيم: اذكر الله لاتصكه بعين..فعلا شكله مو سهل ولاهو متهور مثل ماجد الوليــد: لا الــه إلا الـلـه أموت وأعرف وش وراه.. ابراهيم: من الحين نجهز الكفن لأنك ماراح تعرف وش وراه وبتموت على قولتك الوليــد: بسم الله علي الله يحفظني لعين ترتجيني ابراهيم: نرجع للموضوع الأصلي اقناع عبود يقوم يخرب على الجو الرومانسي اللي هناك هالفيصل مايخاف من ربه؟ يروح يخطبهارسمي وبعدين يسوي اللي يبيه الوليــد بقلبه: أفااا ابو الشباب لو درى عني بيذبحني.. وحس كأن الكلام موجه له بس قال وابراهيموه وش يدريه عن سوالفي أنا و ريــم اذاهذي فكرته أنا بكلم عمي يخطب لي ريــم وبعدها اسوي اللي ابي اسويه..وأقول مخطوبين رسمي ابراهيم: حووووه وين رحت ياخي؟؟ الوليــد: موجود موجود... ابراهيم: عبود والله عيب عليك يبه اللي يستوي بأختك قوم شفهم بالقليل إقعد بوسطهم عبود: سيبوا الخلق للخالق..(وكان عبود يشوف المقبل على قروب العيال) تكلم بصوت عال: أووووووه جاء مستر تعقيد بروح أقول لشهلا وفيصل قبل لايطب فيهم وقام يركض للمكان اللي فيه شهلا و فيــصل واللي كانوا قاعدين ورا شجره.. ابراهيم يقول لوليد: مين مستر تعقيد هذا انت تعرفه؟؟ الوليــد: مدري والله ماحصل لي الشرف بس مادام عبود هالبارد قام يركض للرومانسيين فمعناته تعقيد صدق هالإنسان..وقطع كلامه ماجد اللي كان جاي مو وراه وقال: سلاااااام الوليــد بقلبه: أهااا هالماجد غثيث حتى على أهله ابراهيم+الوليــد: وعليكم هلا بك هلا والله اجلس وكان فيــصل وعبود جاين مقبلين ومبين على فيــصل الخوف لأنه لو درى ماجدبيسوي شيء مايتسوى بس عبود قال له لاتخاف بتصرف..ولمح ماجد العيال جايين ولمح شهلا توها مقبله على قروب البنات شك بالسالفه.. وبعد ماوصلوا عبود+ فيــصل لقروب العيال.. ماجد: وين كنتوا؟؟(قالها بلهجة حزم زادت فيصل رعبا) عبود: شهلا تبي الحمام وبعد مارحت أنا وياها ضعنا وقفت عند عربة الآيس كريم ودقيت على أحد العيال يجي ياخذنا وهذانا جينا.. ويلتفت على فيــصل ويقول: مشكوووووووووور فيــصل: لا وش دعوه لاشكر على واجب وبقلبه كان يقول لعبود انت اللي مشكور والله.. ماجد: وأنتم أطفال تضيعون الطريق عبود: بس تعرف حديقه وأول مرة نطبها مو مثل الهايد بارك اللي ندل كل جخر فيها حفظناها كنا كل سنه فيها بس الله رحمنا هالسنه وعقبال كل سنه.. ابراهيم+الوليــد: طايره عيونهم معقوله هالعبود يسوي كذه ويداري عن فيصل للدرجه هذي؟ ابراهيم: يالله عاد ياعبود هالمرة الله رحمك وكنا معكم مرة ثانيه وش بتسوون؟؟ عبود: ايه والله انك صادق وجلسوا يسولفون شوي مع بعض.. ومرت هاللحظات على قلب الوليــد مثل النار اللي تحرق جوفه..كله كان وده يقوم على ماجد ويكفخه.. وبعد ماتعبوا سواليف وقرق قامواهم والبنات على أساس بيردون غرفهم..ودخلوا الفندق وكانوا يسولفون عند الاصنصير وينتظرونه ينزل لهم..وبعد ماوقف الاصنصير وركبوا وصاروا يسولفون من داخل الوليــد همس بإذن ريــم: براسلك بعد شوي ريــم: O.k وبعد ماوصلوا الدور تفرقوا البنات لغرفتهم والعيال لغرفتهم.. أرسل الوليــد لريم وهو يقول..((مساء الخير والإحساس والطيبه مساء مايليق الا بأحبابي)) ردت ريــم: (( صباحك سكر>> مو لاقيه شيء أرد فيه عليك )) الوليــد: (( ناوي لك مفاجأة ان شاءالله قريب تعرفينها)) ريــم: ((وشو قول لي الحين بليييييز لا تحرق أعصابي)) الوليــد: (( كل شيء بوقته حلو ياحلو ونامي الحين عشان مايروح تعبكم بالبشرة خسارة)) ريــم: (( وتبيني أنام أكيد ماراح أقدر قول لي)) الوليــد: (( تصبحين على ألف خير ونامي لا تطاوعين الخبله ديمـــه)) ريــم: (( ماأقدر أنام صدقني قل لي وش المفاجأة)) الوليــد: (( أحبــــ ريم ـــــــك بس مو هذه المفاجأة )) ريــم: (( مقدر أنام)) الوليــد: (( واذا طلبتك أنا تنامين)) ريــم: (( بالحاله بحاول تصبح على خير وأنتظر مفاجأتك على أحر من جمر)) الوليــد: (( وأنتي من أهله قريب ان شاءالله المفاجأة)) وقعد الوليــد في البلكونه يتفرج على الرايح والجاي الا وجاء عبود ودخل البلكونه بس الوليــد ماحس فيه وسلم بس الوليــد مادرى فيه.. عبود: ياهوووووووووووووووووووووووووووووووووووووه الوليــد: هاااه نعم فجعتني وش تبي؟؟ عبود: تصدق حالتك صعبانه علي ودي أروح أخطب لك ريــم اليوم قبل بكره الوليــد: ؟؟؟؟؟ وجع وأنت وش يدريك صدق انك مو سهل.؟؟؟؟ عبود: حبيبي أنا داري من زمان وأعرف انك تكره ماجد مو بس عشانه غثيث هو صدق غثيث بس عشانك حسيت إنه يفكر بنفس غزالك..لكن أريحك مو يفكر فيها والله أنا أعرفكم كلكم وأعرف أقرأ هالشيء وفاهم كل حركاتكم واليوم سامعكم وأنتم تساسرون تخططون على فيــصل وكاشفكم الوليــد: ماشاءالله شيدريك؟؟ عبود: حبيبي أنتم الواحد منكم فاضحته عيونه مو قادر يخبي شيء وللمعلوميه بس ترا ابراهيم باين عليه انه داري بكل شيء من ناحيتك إنت و ريــم وأنا أعتقد إنه من الأفضل إنك تكلم ابراهيم بعدين تكلمون عمي بالموضوع.. الوليــد: ماشاءالله عليك وربي انت داهيه بس ليش توك تحكي؟؟ عبود: ماعطيتوا سداح فرصه.. استأذن الوليــد من عبود وراح طاير لابراهيم وهو يقول أقول له ولا لأ وتشجع أخيرا وقال:ابراهيم ممكن بغيتك بسالفه... ابراهيم: سم تبي شيء هذا فيــصل مو غريب.. جلس الوليــد وتنحنح وتحول لون وجهه للأحمر والأخضر والأصفر وبكل الألوان.. فيــصل: لا السالفه كايده الولد قام يصفر ويحمر... الوليــد: بصرااااحه ابراهيم أنا ودي أتقدم لأختك رسمي... ابراهيم: اهااا وأنا وين بلقى أحسن منك ولد عمها وعارفينك وعارفها وفوق كل هذا تحبها وتحبك.. الوليــد: ياربيييييييييه وش يدريك اننا نحب بعض؟؟عبود يقول انك تدري ابراهيم: ايه ادري وعشان كذه لابغيتوا تطلعون تتمشون مع فيــصل والبنات كنت أعتذر منكك ماودي أحرجكم بس صراحه تأخرت بطلبك توقعتك تقوله أبكر من كذه لأنك رجال شهم وعارف الأصول.. الوليــد: حقك علي تأخرت بالطلب صح بس والله اليوم يوم سمعتك تقول لو فيــصل يخطب شهلا رسمي كان ماقدر ماجد ولا غيره يقول شيء..عششت في بالي الفكرة وعرضتها عليك. ابراهيم: زين نكلم أبوي بكره بالموضوع.. وقام الوليــد من عند ابراهيم وحس انه قطع نصف المشوار وكان يحسب لبكره متى يقومون أهله ويقول لهم ومرت عليه الثانيه عن يوم والدقيقه عن شهر والساعه عن سنه..حس ان الوقت يمشي بطيء.. فيــصل: شفيك كذه متوتر ورايح جاي ارتاح يالحبيب وكل لك زبيب كشخه أعرف أنظم قصايد الوليــد: ياخي الساعه شبلاها عيت تتحرك؟؟عيا يمشي الوقت؟ فيــصل: حرك عقاربها شوي تتحرك الوليــد: أقول فيصلوه أنا مو فاظي حق لعبك ومزحك أنا بكره وراي مشواااااار طويل فيــصل: أصلا إنت غلطان مو وقت تخطب الحين حرام عليك بتحرج البنت الوليــد: لا بخطبها الحين عشان آخذ راحتي معها مثلك أنت وهالشهلا فيــصل: أفاااا وأثاريك عندك حب التقليد الأعمى؟؟ الوليــد: ياشيخ ولي عن وجهي الشرهه مو عليك الشرهه علي ويمر الليل على الوليــد وهو في قمة توتره..كان يطالع ساعته ويحسب الدقيقه والثانيه ماقدر ينام ولاقدر يوسع صدره مع العالم كان كل اللي يسويه يدور في الغرفه ويكفخ أي كائن في وجهه.. ماجد: الحين انت شفيك ممكن تفهمنا؟؟ الوليــد: أقول إنت لاتكلمني أنا متوتر من دونك ماجد: بكيفك بس أنا حبيت أشاركك الوليــد جاء طاير لـماجد وكان عنده نيه يرفسه رفسة العمر..قام ماجد بيهج منه ورفع الوليــد رجله وصارت بالهواء وماقدر يحفظ توازنه وطاح على ظهره.. الوليــد: آآآآآآآآخ حسبي الله عليك يا ماجد التبن... ماجد: والله ماطقيتك على ايدك يوم انك تجي طاير وترفسني انت الغلطان يالفسقان.. الوليــد: أنا الغلطان يالتيس ولا انت اللي كنت تستفزني؟؟ وبالوقت هذا طلع ابراهيم اللي كان داخل غرفته بيرتاح شوي وينام....... ابراهيم: شفيكم شصاير ليش أصواتكم عاليه..(وشاف الوليــد طايح بالأرض) وشفيك يا الوليــد سلامات.. الوليــد: هالتيس ولد عمك الله لا يربحه.. ماجد وهو ماد ايده ويقول الوليــد تراي صبرت عليك بما فيه الكفايه والحين بديت أفقد أعصابي وهذا مو من مصلحتك الوليــد: لا تقول انك بتجي تضربني بعد الا مد ايدك علي مسيكين أنا لا أم ولا أبو وطفل قدامك كفخني مثل ماتبي؟؟ وعلى صوت الوليــد جوا عبود و فيــصل من غرفهم: وش فيكم؟؟ ابراهيم: هالأطفال تهاوشوا مو هذا اللي ناقصني عايش مع بزران أنا ماصاليت أختي وجلست معها أصاليكم؟؟ أنا الحين بروح آخذ لي غرفه ثانيه.. فيــصل: تعوذوا من ابليس انتم بزران الوليــد: طلعني من طوري هالتيس ماجد: احترم حالك لاتقول تيس الوليــد: تيس وتيس وتيس ووش ماسويت تظل تييييس فيــصل: بس انت وياه(وسند لوليد يقومه) حشا ماصارت وش يقول هالسويسريين عنكم رجاجيل بشوارب ويتهاوشون؟؟ويهمس بإذن الوليــد(بتخطب أنت وهالوجه) الوليــد: إيه وخر عني بس بروح أنا بره أشم لي هواء.. وأخذ جواله الوليــد وطلع بره الغرفه بيروح يتمشى ولحقه فيــصل وهو يقول الوليــد اصبر ببدل والحقك...!! الوليــد: لا خلك ودي أتمشى لحالي.. فيــصل خاف على أخوه خاصة وأنه طالع معصب وحس انه بيصير هو المذنب فيه لو تركه بالحاله هذي وماقدر يصبر أكثر راح بدل ونزل وراه راح للحديقه صار يدور ويقول يمكن ألاقيه..بس مالقى أحد.. دق على جواله مايردخاف عليه أكثر وقال ياحسرتي عليك وين رحت ***************************** يدوره بس مو لاقي أي أثر له ودق عليه ثانيه وثالثه بس الجوال مقفل..قال ممكن يكون رجع الغرفه..ورجع هو لقى عبود عند الباب سأله وقال له عبود: لا ماجاء والله قلقان عليه وعجزت أستحمل طلعت بره أنتظره عند الباب.. فيــصل: لاحوول ولاقوة الا بالله وين راح هذا بالليول..فكر ممكن يكون الوليــد يوم حس بضيق راح لغرفة البنات وبنفس الوقت حس انه بعيد الوقوع لأن الوليــد مايقعد عند البنات لحاله وبآخر الليل بس هذا مامنعه انه يدق على ديمـــه يسأل عنه.. فيــصل: هلا دمدومتي ديمـــه: هلا بك شفيك شتبي؟؟ فيــصل: بقولك بس انتبهي ريــم تدري.. ديمـــه: لا أصلا بسابع نومه هذي مدوده بفراشها من جينا فيــصل: زين الوليــد طلع معصب من عندنا مامر عليكم؟؟ ديمـــه: لا بس دق علي وطلب ريــم بس أنا قلت له انها نايمه ورفض أصحيها وكان باين على صوته الضيق.. فيــصل: طيب ماتدرين وينه؟؟ ديمـــه: لا ماادري بس كان عنده حس مزيكا بمطعم يمكن.. فيــصل: زين يالله باي بروح أشوفه ديمـــه: وطمنا عليه باي فيــصل: انشاءالله باي وقفل الخط من ديمـــه وكان رايح بإتجاه الاصنصير عبود: أجي معك فيــصل؟؟ فيــصل: لا برجع الحين وهو معي ان شاءالله.. وراح فيــصل للمطعم كان كله أمل يلاقي الوليــد هناك دخل المطعم تلفت على يمينه يساره..مالقى أحد دق قلبه بقوه حس إن قلبه بيطلع من مكانه..وراح للجرسون وسأله عن الوليــد وشرح له شكله..وأشر له الجرسون قال كان هنا ومبين عليه متضايق وطلع قبل شوي أو راح لدورة المياه...بس هو دفع الحساب.. راح فيــصل لدورة المياه طاير دخل التفت يساره لقى رجال واقف وطل بوجهه كان باين عليه خليجي.. الاخ: هلا أخوي اكو شي!! فيــصل: يوه خليجي أنت؟؟ الاخ: ايه نعم اماراتي.. فيــصل: هلا بك أنا فيــصل من السعوديه الاخ: أنا مبارك من الإمارات حياك أخوي فيــصل: أقول الأخو اعذرني بس والله محرج منك لكن مرة ثانيه أشوفك مبارك: براحتك واذا تريد مني خدمه أنا بالطلب فيــصل: ماشفت واحد هنا بدورة المياه أو بالمطعم شاب وشرح له المواصفات مبارك: أمممم ماادري بس كأني شفته في.... فيــصل: وين شفته؟؟ مبارك: صراحه شفت واحد جريب من المواصفات اللي ذكرتها طالع من المطعم وصار له حادث وانقلوه المستشفى فيــصل: أي مستشفى تكلم واللي يسلمك مبارك: هد حالك أنا أقول لك قريب من المواصفات تعال نسأل الجرسون أكيد يعرف هويته.. وراحوا يسألون الجرسون وبعد ماسألوه قال لهم ماأعرف هويته لكن نقلوه لمستشفى وسط البلد..وأخذ الوصف منه وطلع من المطعم بيروح هو ومبارك للمستشفى وكان فيــصل يتقطع من جوا ويقول ليتني لحقته ببجامتي كان لازم يعني أبدل؟؟ وحس فيــصل بالدنيا تدور قدام عينه وكأنه مو عارف شيء من اللي حوله وحس بمبارك يسند له.. مبارك: سلااااااامات يا فيــصل فيــصل مو حاس باللي حوله وكان يتكلم كلمات بصوت مسموع..ويقول: وليد لا تروح عني وجلسه مبارك على الكرسي الخشبي اللي جنبهم وجاب ماء من الينبوع اللي كان يجري عندهم ويمسح وجه فيــصل فيه ويطقه على خده ويحاول يصحيه..الا وحس مبارك باللي يمسكه من خلفه ويقول: وش تسوي يالكلب مبارك بارتباك: الريال دايخ وأنا أحاول أصحيه ....: دايخ ولا دوخته معك؟؟؟ مبارك: أعوذ بالله من أنت شتقول أنت؟؟ والتفت مبارك على وراه بيشوف من وراه..وتفاجأ يوم التفت وقال له: إنت وليد؟؟ الوليــد: وش يعرفك بإسمي؟؟ مبارك: مو إنت أخو فيــصل؟؟ الوليــد: ايه وش يدريك؟؟ وقال مبارك القصه لوليد وكيف إنهم تلقوا خبر كاذب وكانوا متجهين للمستشفى عشانه وداخ فيــصل بالطريق وصار ينادي بإسم الوليــد الوليــد وكان مبارك طول مايحكي القصه يطق خد فيــصل ويحاول يصحيه.. فيــصل صحى وفتح عيونه وقال: الوليــد وين رحت؟؟ الوليــد: مو مهم وين رحت المهم ليش انت دخت؟؟ وسند الوليــد+ مبارك لـفيــصل واتجهوا به للفندق واللي كان قريب مرة من المكان اللي هم فيه..ودخلوا فيه الفندق وكان الكهرباء طافي في الفندق وماقدر الوليــد يصبر أكثر راحوا يرقون مع الدرج كان تعب عليهم يرقون للدور العاشر بالدرج بس ماكان قدامهم خيار ثاني وهم يرقون وبعد ماتعدوا أربع أدوار رجع الكهرباء راحوا للأصنصير وركبوه لحتى ماوصلوا الدور العاشر وراحوا فيه للغرفه كان عبود مازال واقف عند الباب.. عبود: شفيه فيــصل؟؟ راح يجيبك يا الوليــدوجبته أنت!!! ودخلوه لغرفته وحطوه على السرير.. الوليــد: سلامات يالغالي ماتشوف شر.. فيــصل: الله يسلمك شفت يالتيس كيف انت غالي ماقدرت أنتظرك ورحت بجيبك ودخت؟؟ الوليــد: والله داري اني غالي عند الكل مبارك: ماتشوف شر يا فيــصل فيــصل: الشر مايجيك والله مشكور ماقصرت مبارك: الحين وبعد ماتطمنت عليك يالله بالأذن بروح الوليــد قام وسلم على مبارك واستفسر وين هو عايش بأي دور ورقم الشقه وقال له: لاتقاطعنا عاد لازم تجي نشوفك وتشوفنا ونعرفك على الأهل مبارك: إن شاءالله بخاطركم عيل مع السلامه وبعد ماودع الوليــد و فيــصل وعبود مبارك جلسوا شوي يسولفون.. عبود: شقصتك إنت؟؟(ويناظر الوليــد) فيــصل طالع مثل الحصان يدورك ويقول مابرجع الا وأنا جايبه معي وآخرتها إنت تجيبه؟!! الوليــد: وإنت ماتفوت شيء؟؟هذا ياطويل العمر القصة ومافيها إني وبعد ماطلعت من المطعم صرت أتمشى بالطريق الا وأشوف الأخو فيــصل مدد على الأرض و ولد الناس مبتلش فيه أقبلت عليهم وأنا مو مصدق عمري وأقول شصاير؟؟هالأخو كأنه فيــصل اللي قبل شوي بالشقه وقربت من عنده كان ألقاه فيــصل مسكت مبارك المسيكين من ظهره وقلت له: شفيه؟ قال لي: الولد دايخ بس منو إنت؟؟ قلت: دايخ ولا دوخته؟؟ صراحة الرجال تروع وقال شتقول إنت أعوذ بالله من الشيطان الرجيم..وتصدق والله الرجال عرفني أول ماالتفت علي وكأنه مكتوب بوجهي أنه أنا الوليــد الولد الأمور.. فيــصل: شهالحاله ولد أمور مرة وحده ماتقول بنوت بعد أحسن؟؟ الوليــد: بنوت ؟؟ كيف يعني بنوت؟؟ فيــصل: بنوت مذكر بنوته الوليــد: أهاااا زين ولا يهمك يالولد البنوت فيــصل: لا حبيبي الولد البنوت إنت أنا شكو منك؟؟ الوليــد: ههههههههههههههههههههههههههه فيــصل وصار يغني: بتضحك طيب إضحك وابقه شوف من يوم يسامحك لما تندم على اللي قلته ندم كبير.. الوليــد: أقووول تكفى شهالنشااااز؟؟؟ إنت مع الأسف فاااااشل فيــصل: قل قسم يارحباني زمانك و إنت تقيمني؟؟ الوليــد: مجرد نصيحه عشان ما تغني ثاني عبود: الوليــد أنا قالوا لي إن صوتك حلو وش رايك تغني؟؟ الوليــد: والله لوياعبود الود ودي غنيت بس أخاف يطيح سوق هالفيصل وماعاد يطربنا بصوته الشجي.. فيــصل: لا تكفه طيح سوقي.. طلبتك طيحه..اللي يسمعك يقول سوقي واقف على حيله الوليــد: أمممم شتطلبون يالساهرون؟؟ فيــصل: سااااااارعي الوليــد: عشانك يا فيــصل بغني سارعي.. وصار الوليــد يضرب بيده على الطاوله بضربات منتضمه ويهز راسه ويغني.. ساااااارعي للمجد والعلياء مجدي لخالق السماء وأرفع الخفاق الأخضـــــر يحمل النـور المسـطر رددي الله أكبر ياموطني موطني قد عشت فخر للمسلمين عاش الملك للعلم والوطن عبود + فيــصل: عااااااااااااااااااااااااااااااااااااااااااااااااا اااااااااااااااش..عاش والله الوليــد: الحين وبعد ماسمعت صوتي ياعبود وش رايك مو أحلى من فيــصل؟؟ عبود: ولا مجال للمقارنه فيــصل: هذا وأنا مريض ومفروض تدارون خاطري كذا تضربون فيني عرض الحائط الوليــد: عبود ولد صريح وماعنده مجاملات والحين أنت مصدق عمرك يعني عشاننا حطيناك بسرير ولقيناك وجه صرت مريض و لسانك شطوله؟وتقول لي مريض بعد؟؟ فيــصل: ياربييييه وش هالغيره اللي بتذبحه!! الوليــد: ما أغار من أحد هذا إنت اللي غرت من حنجرتي الذهبيه.. فيــصل يصرف السالفه: أقول عبود شرايك تروح تجيب لنا عصير عبود: قول لي إقلب بوجهي أحسن لي وأوجه لك فيــصل: عفارم عليك ياولد العم.. اقلب بوجهك. عبود: على هالخشم ياولد عمي بقلب بهالوجه وبعد ماطلع عبود واتجه للبلكونه.. و فيــصل و الوليــد كانوا جالسين لحالهم بالغرفه.. الوليــد: شفيك عليه والله أحسه أخف دم من أخوه بكثييير ليش قومته من عندنا؟؟ فيــصل: صراحة الوليــد أنا بكلمك بموضوع ماجد الوليــد: تكفى فيــصل لاتستفزني خلقه طاق من هالإنسان فيــصل: بس هذا ولد عمك ومن لحمك ودمك..واذا انت سويت هاللي سويته شبقيت للأغراب إنت عارف وأنا عارف يالعريف شسبب اللي خلى ماجد فظ لدرجه كبيره قدر شعوره ياخي هو فقد أخوه سلطان إنت نفسك حزنت على سلطان والا الآن وأنت لاذكرته يتقطع قلبك عليه فمابالك بـماجد فقد أعز إخوانه وأقربهم لقلبه..وانت عارف ولا يحتاج أذكرك كيف ماجد حبس روحه شهور بغرفته بعد وفاة أخوه وتوقف عن الدراسه سنه عشان أخوه وبعدها صار انطوائي وبالسنوات الأخيره بس اللي صار شوي يحتك فينا..ياليتك تشوفه وهو يشكي حاله أنا سمعته يشكي بس تدري لمين كان يشكي حاله؟؟ كان يشكي حاله لخلق من خلقان أخوه..تدري شكان يقول؟؟كان يلوم اللي حوله لامك انت أولهم قال ليش ياسلطان هذا الوليــد أقرب ناسك الآن هو أبعد ناسي والله كان يقطع القلب ماجد بحاجه لنا وأنا ماحسيت بالشيء هذا الا لما سمعته يشكي أنا قلت يمكن يتحسن الحال بينكم لكن اللي أشوفه إنه يزداد للأشين والله ياأخوي إن ماجد مو للدرجه هذي مغرور ولا شايف روحه بالعكس لكن هو مو عارف الطريقه اللي يتعامل فيها مع اللي حوله أنا متوسم فيك كل الخير وإنت ماراح تقصر ان شاءالله.. الوليــد: والمطلوب؟؟*****************************************------**** فيــصل: أنا ماأطلب منك سابع المستحيلات ولا أبي أعجزك تدري شبطلب منك؟؟أنا اللي بطلبه طلب واحد بس بطلب منك إنك تحتك في ماجد أكثر إصبر عليه وأكيد حاله بيتغير.. الوليــد: والله صعب اللي تطلبه وإنت تعرف شكثر أكره هالإنسان.. فيــصل: لا مو إنت اللي تكره عيال عمك بس طريقة ماجد بالتعامل يمكن هي اللي خلقت هالفجوه بينك وبينه..أنا أحس إنك انت بتساعده ولا غيرك يقدر عليه تدري ليش؟؟ لأن لك مع سلطان ذكريات واللي هو كان أقرب لك من أي إنسان مثل مالـماجد ذكريات مع سلطان إنت وماجد تختلفون بأشياء كثيرة بس شيئين يجمعكم.. الدم و معزة شخص واحد..والله يا الوليــد لو بيدي حيله كنت سويتها وأنا عارف قد ايش هالمهمه صعبه عليك بس إنت قدها.. الوليــد: شلون؟؟ وأنت أعرف واحد بطبيعة العلاقه بيني وبينه.. فيــصل: بيدك بس إنت فكر شلون أنا أبيك تطلع ماجد من هاللي هو فيه ولا يرضيك رجال متخرج من جامعه يشكي لخلق؟؟ خلق يا الوليــد لا ينفع ولايضر تفهم شلون؟؟ الوليــد: والله مهمه صعبه بس بحاول صراحه كسر خاطري.. فيــصل: زين من الحين شف ماجد متكدر وقافل على روحه بالغرفه وأنت تعرف ماجد مايظهر ضعفه لأحد عشان كذه لاتظهر له أنه هو اللي محتاجك ويستحسن إنك تظهر إنت حاجتك له الوليــد: فيييييييييييصل لاااا أنا مقدر أبين له إني أنا محتاجه أنا ماأحتاجه الله يغنيني عنه فيــصل: لا يا الوليــد لو سلطان الله يرحمه حي ماأعجبه اللي يصير لأخوه بسبة الوليــد الأمر متعلق بيدك..وأنت وضميرك وأنا أعتقد إن الخير فيك.. الوليــد زين بفكر بالموضوع..وقام الوليــد من عند فيــصل وراح للبلكونه عبود: هاااااااه خلصتوا؟؟؟ الوليــد: ايه خلاص عبود: شفيك وجهك منعفس هات عيني في عينك.. الوليــد: لا اااا تكفى عبود ليتك تروح وتخليني بروحي شوي أنا محتاج أجلس مع روحي عبود: لاحوووووول أنا إن رحت عند فيــصل طردتوني وإن قعدت هنا طردتني الوليــد: تكفى عبود أحس إني متضايق ودي أجلس لحالي عبود: زين خلاص بروح.. وبعد مالقى عبود ظهره لوليد وكان متجه طالع من البلكونه.. الوليــد: عبود ابراهيم وينه؟؟؟ عبود: رجع لغرفته الوليــد: أممم طيب ماجد كان مبين عليه متضايق من اللي صار؟؟ عبود: أخوي طول عمره غامض ولا أقدر أفهمه بس أحس أنه مافرقت معه لأنه دايم كذه زعلان وحزين.. الوليــد: طيب رح لـفيــصل يمكن يبيك بشيء عبود: طييييييب كل واجد يقطني على الثاني!! وبعد ماطلع عبود من عند الوليــد صار الوليــد يفكر بجديه بكلام فيــصل..جلس على الكرسي وصار يتفرج على اللي تحته..يشوف الناس العالم يشوف الشارع طويل و سيارات ويفكرفي نفسه يفكر في كلام فيــصل يفكر بـماجد يفكر بـريم حس راسه بينفجر من كثر التفكير.. آآآآه يا فيــصل صدق توك صغير بس والله عقلك كبير وقلبك أكبر هو فكر في الموضوع من كل الجهات بس والله لو بيدي ساعدت ماجد لكن الطلب صعب ممكن ماجد مايتقبلني بعد اللي صار...ممكن ماأقدر أكون قدها ماأقدر أساعده انا مو قادر أساعد روحي عشان أساعده.. حس روحه متعب مرة ومع كذه كان يفكر بالموضوع طالع ساعته وتأكد إن وقت صلاة الفجر دخل راح توضأ وفرش سجادته صلى لربه صلاة الفجر وصلى صلاة الإستخاره وبعد ماخلص من الإستخارة حس روحه ارتاح لرأي فيــصل.. وطلع للبلكونه مرة ثانيه...جاء فيــصل من وراه.. فيــصل: بوووووووووووووووووووه الوليــد: حسبي الله عليك روعتني شتبي؟؟ فيــصل: ماتستحي رجال بطولك بعرضك وتقول روعتني بكره لا تزوجت ريــم كيف بتحميها لا أنا مااابي أزوج أختي لولد بنوت الوليــد: أحد طلب رايك بالولد البنوت؟؟ فيــصل: طيب شـــتــفكر فيه؟؟ الوليــد: والله يا فيــصل تعبت من التفكير تعبت تجمعت علي من كل مكان من موضوع ريــم و موضوع ماجد ماأدري وش أسوي.. فيــصل: والله أنا ماكان ودي أفتح معك موضوع ماجد بالوقت هذا وعارف أنا إن هالوقت مو مناسب بس يوم شفت حالكم أمس عزمت أفتح الموضوع معك وأحسه مو قابل للتأجيل أبد.. سكت الوليــد وصار يطالع شروق الشمس.. كان شكل الشمس حلو نثرت أشعتها البرتقاليه على جزء من الأرض.. الوليــد: تعرف يا فيــصل أحس إني أول مرة آقف بالحيرة هذي حتى خوالي يوم غصبوا علي الزواج ماكنت أبد بالحيره هذي..أحس مطولها هالليله عيت تخلص يا فيــصل عيت .. تنهد الوليــد وطالع الشمس وضيق فتحت عيونه عشان لاتأذي أشعتها عيونه..وقال: أول مرة أحس إني ضعيف أحس إني مو قادر آخذ قرار... فيــصل أنا الله ماكتب لي أعيش مع أهلي بس عشت معكم حسيتكم أهلي شفتكم معي بالشده والفرحه..لكن أنا الحين أحس روحي وحيد ولازم أتخذ القرار بنفسي أحس الموضوع مو بالصعوبه هذي بس أخاف أستعجل..مدري أخطب ريــم بكره مدري بيصير الوقت مناسب..مدري أبدأ مشوار الموضوع مع ماجد مدري بيتقبلني على سوء العلاقه السابقه معي فيــصل أحس إني حيران من جد حيران.. التفت الوليــد على فيــصل يوم مالقى رد منه..لقاه أسند راسه على الكرسي ونام.. قال الوليــد بعد إنت وجهك وجه أحد قاعد يتشكى لك قوم إنت ووجهك..قوم اذلف بالصراحه فيــصل ماكان نايم كان مغمض عيونه كان يبي يسمع الوليــد للآخر ويبي يشوف كيف بياخذ قراره وهو بالحيره هذي..بقلبه كان يتقطع على الوليــد فتح عيونه فيــصل وقال مانمت أنا معك بس كنت بشوف وش بتسوي لا شكيت لي ولا رديت عليك كأني الخلق اللي بيد ماجد ودي أساعدك ياولد عمي ياأخوي بس إنت لازم تحس بالمسؤوليه لازم تأخذ قرارك بنفسك يا الوليــد أنا ماأضمن لك إني أعيش لك مكن أنا الله ياخذني مثل ماأخذ منك أمك وأبوك وأختك وسلطان ممكن الله ياخذني وأنا مابعد شفت عيالك ممكن الله ياخذني وأنا جالس جنبك..ممكن أروح مثل ماراحت الخاله أم ابراهيم..يومها ماينفعك تمسك خلقي وتشكي له شفت يا الوليــد بنفسك كيف انقهرت يوم شكيت ولا رديت عليك مع إني أسمعك فما بالك باللي يشكي على خلق وبيقينه عارف إن هالخلق لا بينفعه ولا يضره.. الحين أنا بتركك تختار..وبسمع إختيارك.. الوليــد بقلبه والله وكل ماقلت كلمه زياده تكبر بعيني يا فيــصل ياربيييه فكره كبير بالنسبه لعمره اللي ماتجاوز 17 سنه..الله يحرسك.. قام فيــصل وترك الوليــد بحيرته تعب الوليــد من التفكير..وبعد طول تفكيرتوصل لقراره..وقال بحاول أساعد ماجدوبخطب ريــم آخ يا ريــم لوتدرين انك عيشتنيني كل هالحيرة وقام واقف وحط ايده على سياج البلكونه شاف الساعه كانت الساعه 7 الصبح حس انه مافيه نوم وكان وده لو يروح يقوم عمه ويقول له عن الموضوع بس اتجه لـفيــصل.. الوليــد: فييييييييييييصل قم نروح نفطر فيــصل: أحد يفطر الساعه 7؟؟ الوليــد: أجل متى يفطرون العالم؟؟ فيــصل: مادري يفطرون 2 الظهر بنام اذلف بس اذلف الوليــد: فييصلوه بتقوم ولا بتقوم؟؟وغصب بتقوم لأن مالك خيار رابع فيــصل: مابقوم ماراح أقوم واذلف قبل اذبحك الوليــد مسك المخده ورماها في وجه فيــصل ويقول: قم يكفي نوم بس نوم ماعندك غيره فيــصل: اذذذذذذذذذذذلف يا حمار الوليــد يسحب اللحاف من على وجه فيــصل ويقول: فيــصل يلا عاد قم فيــصل وهو يرجع اللحاف على وجهه ويقول: ياإنك تذلف ولا إنك تذلف الوليــد: أممممم ممكن استعانه بصديق؟؟قم تكفى بعلمك عن آخر قراراتي يلا بسررررعه قبل أهون.. فيــصل قام من النوم وجلس متربع ويقول: عاااااااااجبك يالمصدر الإزعاجي؟؟ الوليــد أشر براسه وهو يقول: إيييييييييييه كله نوم لازم تتعود الكدح والعمل يلا فيــصل: آخ ذكرتني بالنمله الؤوبه بس الحين آمرني شتبي؟؟ الوليــد: أمممممم تقوم نروح نفطر شرايك؟؟ فيــصل: ومقومني من النوم عشان فطور ياحبك لبطنك اذلف بس(ويرجع فيصل ينسدح) الوليــد: لااااااااااااااااااا قم يلا نروح والله بنستانس فيــصل: أوووووف والله طيرت النوم من عيني بس يلا بروح أتسبح وأبدل الوليــد: أممممم طيب يلا على مابال أصحي ماجد وعبود يجون بعد معنا فيــصل يضحك ويقول: ياسلااااااام على التطبيق أمداك توقعتك تأخذ وقت بالتفكير؟؟ الوليــد: لا ليش آخذ وقت لازم أساعد اللي حولي ممن يحتاجون العون معا لمستقبل واعد فيـصل طايرة عيونه ويقول: اليوم انت منت صاحي شهالمستقبل الواعد على غفله؟؟؟ الوليــد: شيفهمك يالدلخ إنت؟؟؟قم بس يابعد دجاجتي فيــصل: لا وبعد يابعد دجاجتي على بالك تعرف بالكلام الحلو تراك سعودي سعودي وش ماسويت يطغى عليك العرق أما بعد دجاجتي هذي رووووعه مو قادر تقول يابعدي مثل القصمان؟؟ ولا ياروح أقلبي مثل اللبانيين ولا حياتو مثل السولريل الوليــد: أقول عطيتك وجه قم بس لابعد شوي تقول لي عادات الشعوب بالكلام الحلو بعد فيــصل وهو يقوم من فراشه ويتجه لدورة المياه ويقول: بخاطرك ياحياة التيس إنت الوليــد: خاطرك معك ياحبيب البقرة بروح أصحي العيال الله يعينني وراح الوليــد وأقام حرب داحس والغبراء فوق راس عبود وحرب البسوس فوق راس ابراهيم وبعد ماوصل راس ماجد احتاس هل يقيم الحرب العالميه الثالثه ولا يكتفي بما سبق حقنا لدماء المسلمين؟؟ الوليــد: مااااااااااااااااااااااااااااااااااااااااااااااااا ااااااااااااااااااااااااجد قم يلا ماجد طايرة عيونه ويعركهن ومو مستوعب من اللي يصحيه الوليــد: صحيت؟؟ يلا بسرررررررررعه ماجد: شالقصة؟؟ الوليــد: القصة وما فيها إني عازمكم بالمطعم على فطور وإنت أول المعازيم.. ماجد ويتكلم بكل جديه: ليش تعزم على كيفك حنا؟؟؟ الوليــد بقلبه صدقت يا فيــصل والله ياهو فظ بالتعامل على كذه يبيلنا مشواااااار وتدارك الموضوع وقال: يلا بس إنت قم بدل ولا عليك أنا حبيت أعزمك وأعزم العيال بعد ماجد وهو مو مستوعب اللي يصير: طييييييييب بتروش وأبدل.. وبعد نصف ساعه كان الكل متجهز وبالصاله ينتظرون الوليــد.. ابراهيم: وليدوه الناس يعزمون وينتظرون المعازيم حنا ننعزم وننتظر اللي عازمنا الوليــد: زيييييييين يلا لنطلقوا بس أقولكم خففوا الفطور مو زين الأكل الواجد على الصبح فيــصل: لا ماعليك أنا زين لي الأكل الواجد على الصبح بس مو زين على جيبك بس غلطة الشاطر بألف مااحد ظربك على إيدك تعزمنا عزمتنا بإختيارك وطلعوا الشباب من الشقه وراحوا لأقرب مطعم للفندق وطلبوا اللي يبونه وأفطروا وراحوا جلسوا بالحديقه القريبه من الفندق.. جلسوا على شكل دائرة وهو يسولفون.. كان الوليــد يسولف مع ماجد مغصوب ويحس روحه مو طايق الفكرة ويقول أنا شعلي منه بس يرجع ضميره يقول له الا عليك ولد عمك ويحاول يبتسم بوجهه ويسولف معه.. ومشغل باله فكرة الخطبه وأحيانا يفلت ويسرح ويفكر بالموضوع بس ياسرع مايرجع لهم.. ماجد كان مبسووووووط الا متشقق حس ولأول مرة بأهميته بين العيال.. فيــصل كان فرحان بـالوليــد وفخور فيه بنفس الوقت بس النوم كان يغلبه ووده ينام عبود ماكان يفوت شيء ويسجل كل حركه ومنها استنتج الكلام اللي دار بين فيــصل و الوليــد أمس بالغرفه.. ابراهيم لا تعليق كان مستغرب الوضع بين الوليــد و ماجد ومو عارف شاللي صلح حالهم عبود: وليدوه بسألك سؤال ؟؟ الوليــد بقلبه الله يستر من أسئلتك والتفت على عبود وقال: اسأل بس لاتطول.. عبود: أمممممم أكتب لي مذكره تاريخيه عن شعورك وأنت بتخطب اليوم؟؟ ماجد تفاجأ بالموضوع وقال: من جد بتخطب؟؟ ومن سعيدة الحظ؟؟ الوليــد وكان الحيا مبين عليه ويقول بقلبه أوووه ياعبود ليش الإحراج؟؟ ب س تدارك الموضوع وجاوب ماجد وقال: ايه بكلم أبوي اليوم يخطب لي ريــم ماجد: ماشاءالله مبرووووووك مقدما الوليــد: الله يبارك بعمرك والعقبال لك ماجد: لا أنا لا من قال لك إني أبتزوج العقبال لابراهيم ان شاءالله ابراهيم: والله مو شينه لا ضمنت مستقبل أختي أدور لي بنت الحلال فيــصل: لا صعبان علي حالك ياابو الشباب أما تضمن مستقبل أختك مع الوليــد لا تراك غلطان أنا ماأضمن مستقبل البنيه الوليــد وهو معصب: ليييش وش قصدك يعني فيــصل: ماأقصد شيء بس إنت والله للحين ماكملت دراستك ولا حتى توظفت أصلا الوليــد: أبوي مايقصر.. فيــصل: الى متى مايقصر لا بغت زوجتك فستان بتروح تطلب فلوس من أبوك؟؟ عبود: لاتضيعون السالفه وش شعورك يا الوليــد؟؟ الوليــد: أمممم شعوري شعور أي مواطن سعودي بيكفخك الحين اذلف بس تعرف الشعور لا بغيت تخطب إنت ووجهك وبتشوف كيف هالشعور.. عبود: أفااااا... بينما البقيه كانوا مو قادرين يعلقون من الضحك.. الوليــد: أقووول الساعه 9.0 تهقون أبوي قام أكيد قام وبروح أكلمه؟؟ ابراهيم: اهجد بس خله يقوم وياخذ له نفس قبل تطمر له الوليــد: أقووووول مشينا يلا نروح بس القعده هنا مامنها فايدة وخمس دقايق ثانيه وبطق منكم ومن غبائكم؟؟ فيــصل: أبي أنااااام يلا بنا عالغرفه ماأقدر أصبر الوليــد: ياحياة البقرة وين تنام أنا بخطب وإنت بتنام؟؟لازم تكون معي بالحظات العصيبة.. ماجد: الله يكون بعوني من بيكون جنبي باللحظات العصيبه؟؟ الوليــد: كلنا جنبك بس إنت آمر وحنا ننفذ.. ابراهيم وهو يرفع ايده للسماء ويقول: الله يجزاك خير يا ريم الولد عقل بعد ماقرر يخطبك ماجد طااايرة عيونه ويقول بقلبه شالطاري عليه هذا... فيــصل بصوت منخفض للوليد: عندي طرق للاقناع فضييييعه عبود: شهالرومانصية؟؟ وبعد هالموقف قاموا العيال يتمشون ورجعوا للغرفة على الساعة 10.0 تقريبا.. الوليــد: شعوره كان لا يوصف مو مصدق عمره وطاير من الفرحه وينتظر اللحظه اللي يقابل فيها عمه على أحر من جمر وبقلبه كان يدعي لعبود اللي أوحى له بالفكرة.. ماجد كان مبسوط وفرحان وبنفس الوقت مستغرب من اللي يصير فيــصل النوم مو تاركه لحاله ابراهيم فرحان لأخوه وفرحان لأخته بنفس الوقت.. وبعد ماوصلوا العيال للفندق انطلقوا لغرفة العم ابو ابراهيم.. الوليــد: ياربيييييه أحس قلبي بيطلع من محله.. فيــصل: ياربييييه أحس عيوني بتطلع من مكانها أبناااام ابراهيم: الولد بعالم آآخر طقوا العيال باب الغرفة وفتحت لهم أم فيــصل.. أم فيــصل: خير ياعيال شاللي مقومكم بالوقت هذا الوليــد: مانمت أصلا.. فيــصل: وأنا كنت نايم بس هم صحوني وأزعجوني أم فيــصل: وش فيكم يالعيال طيحتوا قلبي؟؟ ابراهيم: مافينا الا كل خير ياخاله بس وليدوه قرر يدش القفص العصبي على هالصبح.. أم فيــصل مستغربة وتظنها لعبة من ألاعيب العيال: زين تفضلوا حياكم أبوكم وعمكم بالصالة ابراهيم: كملت فيه عمي بعد وش جابه على هالصبح؟؟ أم فيــصل: كل يوم أصلا نفطر سوا بس أنتم مو دارين عن شيء.. دخلوا العيال ولقوا أبو ابراهيم وابو سلطان في الصالة.. ابو ابراهيم: حياالله من لفانا شالطاري عليكم الصبح فيكم شيء؟؟ ابراهيم: لا يبه مافينا الا كل خير بس متولهين عليكم.. ابوسلطان: عيني بعينك أشوف.. ماظنيتكم كله وله علينا الوليــد يهمس لـفيــصل: تصدق العيون بالوراثه حتى عبود كل شوي يقول عيني بعينك فيــصل: أقووول خلص موضوعك وخلنا نروح ننام بس.. ابو ابراهيم: تفضلوا ياعيالي اجلسوا..ورفع صوته شوي وقال ياأم فيــصل هاتوا فطور للعيال الوليــد: لا يبه أفطرنا قبلكم بس بغيت أكلمك بموضوع ابو ابراهيم: قول ياولدي شعندك؟؟حلمان فيني؟؟ الوليــد يهمس لـ ابراهيم: ساااااعدني انت وهالوجه قل معي كلمتين.. ابراهيم: أستحي الوليــد: أنا وش له جايبكم جيش عشان تستحون؟؟ ابو ابراهيم: قل ياوولدي شفيكم شفيه وجهك صار يتقلب؟؟ الوليــد: يبه أممممم أنـــــــــــا... أنــــــــــا ابو ابراهيم: ايه إنت شفيك؟؟ فيــصل وهو يتريق ويقلد نبرة صوت الوليــد: يبه..أنـــا..أنــا يبه أنا أحبك.. الوليــد: بااااااااااااايخ ابو ابراهيم: شفيك يا الوليــد قل شعندك.. الوليــد: يبه بدش بالموضوع على طول.. ابراهيم: كل ذا وتوك تدش بالموضوع؟؟ الوليــد: مردووووووده لك يا ابراهيم بخطبتك ان شاءالله ابو ابراهيم: وشو ابراهيم بيخطب أبركها من ساعه بس الوليــد شاللي دخله؟؟؟ ابراهيم: لا لا لا لا لا لا لا لا هو اللي بيخطب الوليــد: ايه أنا اللي بخطب ابو ابراهيم: أبركها من ساعه ياولدي بس بالوقت هذا؟؟ الوليــد: ايه شفيه هالوقت ابوسلطان: خلك من أبوك قل لي من هي سعيدة الحظ؟؟ الوليــد: أمممم هي ريــم بنت عمي عبدالله ابو ابراهيم طايره عيونه ويقول: أبركهااا من ساعة والله مابلاقي أحسن من ولدي لبنتي بس رأي البنت قبل كل شيء.. الوليــد: لا هي موافقه.. ابو ابراهيم: نعم وش يدريك إنت **************************** شوي الا دق باب الغرفة.. ابو ابراهيم: من جاء بالوقت هذا معقوله البنات..واحد منكم يالعيال يقوم يفتح ابراهيم قام بيروح يفتح.. الوليــد: خلك أنا أروح.. واتجه الوليــد للباب بيفتحه.. فتح الباب وتفاجأ كانوا البنات..وديمه ونهلا بالمقدمه.. وعيون الوليــد كانت تدور بين البنات. ديمـــه: لا تخاف ريــم ورانا بتجي بعد شوي بس إنت وش مسوي لها عجزت تنام الليل كله.. الوليــد: أمممم ولا شيء بس حتى أنا مانمت الليل كله والحين أنا مواصل.. وكنت أغني يا مسهر عيني حبك على عيني يامحير قلبي روحي فداك جنبك خليني قربك يواسيني ياحياتي وروحي أنا بهواك.. ديمـــه: نععععععم وش حادك ماتنام وتقعد تغني؟؟هذا اللي يسمونه الانفصام الليلي.. الوليــد: خخخخخخ ادخلوا أهلي بالصاله معكم شهلا خلي فيــصل يصحصح شوي لأن عيونه تصافق فيه نوم.. شهلا مررررة مستحيه وهي تقول: ايه موجوده الوليــد: زين انك موجوده الحقي على رفيقك قبل ينام.. دخلوا البنات على أبوهم وعمهم وسلموا عليهم.. فيــصل ومثل ماتوقع الوليــد صحصح من النوم وصار يسولف معهم ولا كأنه قبل شوي نعسان.. أبو ابراهيم: أجل وين ريــم و لينـا نهلا: الحين بيجون لينا كانت تسبح وخلينا ريــم تجلس معهاعشان يجون مع بعض الوليــد: لييييش على كيفكم تهكون عليها وتخلونها المسيكينه مو على كيفكم بوريكم قريب ابراهيم: أقووول يالحبيب ماتلاحظ إنك نسيت روحك.. الوليــد:هاااااااااااه لا بس أنا إنقهرت منهم ولا يرضيك يا برهوم..؟؟ ابراهيم: لا مايرضيني بس مايرضيني تدافع عن أختي وأنا وأبوي هنا.. الوليــد: أووووه متى أتخلص من منتك فوت ياشيخ فوت ماجد وحاب يحرج الوليــد: قوموا يالعيال يلا نروح ننام يلا الوليــد إنت فيك نوم الوليــد: لا مالك شغل بقعد العيال وحابين يحرجون الوليــد قاموا وقالوا لا يلا بنروح ننام.. حس الوليــد موقفه بايخ وقام مجبر وسلم على عمه وهمس بإذنه اليوم كلمها تكـــــــــــفــــــــــى ابو ابراهيم: يصير خير..رح نام بس إنت وما يصير الا كل خير ان شاءالله ومن طلع الوليــد من عندهم الا وهو يحظرم ويحرطم على العيال ويقول: ليش تطلعون وش هالنجاسه وأنت يا فيصل قريح ليش ماقعدت مع شهلتك؟؟ ماجد: نعععم شاللي يجلس مع شهلته وقالوا لك بخليهم أنا؟؟؟ وفتح الوليــد باب الغرفة بيطلع بعصبيه ويقول: ليييش كذه وش هالنحاسه.. ولقى بوجهه ريــم تلخبط وتلون وجهه بوجيه الطيف وقال: صباح الخير بنات.. لينا: وين صباح الخير وأنت تهوش في وجيهنا الوليــد: عذرا خطأ مطبعي بس صباح الخير وحقكم على راسي ابراهيم: أقووول امش بس ترااااااااااااااك طولتها..يلا بنات ادخلوا أبوي ينتظركم ريــم: صباح الخير يا ابراهيم عاش من شافك يالقاطع.. ابراهيم: صباحك ورد تعيشين الوليــد: أفااا يا ابراهيم أحد عنده هالأخت ويقطع فيها فيــصل: أقووول عاد ترا ودي أذبحك يا الوليــد الوليــد: شسويت أنا ليش كذه أنتم علي..شفيييكم؟؟ ريــم: بخاطركم بدخل جوا ماأنتم داخلين تقعدون معنا شوي؟؟ ابراهيم: لا مرة ثانيه.. الوليــد: أنا بروح معكم ماقعدت مع أهلي زين..وأقفا الوليــد بيروح..ومسكه عبود مع بلوزته وقال: تعااال يالحبيب بنروح ننام تعال الوليــد: أففففف الله يكفينا شركم يالحساد بروح ابراهيم: كل تبن بس بنروح لينـا+ريــم دخلوا للغرفة ولينا تقول لريم: تصدقين أحس الوليــد وراه سالفة كبيرة حركاته اليوم مش ولا بد الولد متلخبط ومو قادر يشيل عيونه عنك وصاير قوي عين يتغزل عيني عينك.. لا يكون خطبك وحنا ماندري.. ريــم: لااا كان عادي ومالاحظت شيء غريب عليه.. سلموا البنات على عمهم وأبوهم..وشوي الا صوت مسج وصل لريم بس هي مافتحته على طول..وكملت سواليفها مع عمها وأبوها وبنات عمها وخواتها.. ابو ابراهيم قام من الصاله وقال: ريــم بغيتك تعالي للغرفة بكلمك.. ريــم: آمرني يبه شتبي.. ديمـــه+نهلا يتناظرون ويتضاحكون وكأنهم حسوا بالسالفة.. قامت ريــم وأبوها للغرفة الوحيده بالشقه..جلس أبوها على السرير وجلست هي جنبه.. ابو ابراهيم: والله وكبرتي يا ريــم.. ريــم والقلق واضح في عيونها: تسلم يالغالي.. ابو ابراهيم: اليوم جاء لك خطيب.. ريــم: ..........؟؟؟؟؟؟؟؟؟؟؟؟؟؟؟؟ وبقلبها تقول ماآخذ غير الوليــد طال عمري ولا قصر.. ابو ابراهيم: ماسألتي مين سعيد الحظ؟؟ ريــم: مييين؟؟ ابو ابراهيم: الوليــد... ريــم استحت وطمنت راسها.. ابو ابراهيم: وصراحةيا ريــم أنا قلت له مابلقى لبنتي أحسن من ولدي لكن الرأي رأي البنت وبأخذ رايك الأول.. ريــم: أخوي ابراهيم وش رأيه ابو ابراهيم: أنتي مالك بأخوك ابراهيم أنتي لك برأيك وبس فكري وخوذي وقتك يابنيتي ابو ابراهيم: وردي لي بس لا تطولين بالرد.. ريــم وخدودها مثل الكرز من الخجل: ان شاءالله.. يبه طلعت ريــم من عند أبوها وشالت شنطتها وهي مازالت بنوبة الحياء الأولى.. ديمـــه: تعاااالي وين رايحه؟؟ ريــم: برد للغرفه بتجون معي ولا أروح لحالي؟؟ ديمـــه+نهلا: لاااا بنجي وحنا نقدر نفوت؟؟ وقاموا بسرعه ولحقوا ريــم وهي عند الباب..ومن طلعوا من الغرفة وهم بإستجواب مع ريــم ديمـــه: عااااااد ريــم لا تصيرين بخيله بالدرجه هذي.. ريــم: بخليكم شوي تحترقون ووقتها يكون خير.. وصلت ريــم وربعها الغرفه فتحت الباب على طول رمت روحها على الكنبه وتنهدت بصوت عالي وهي تبتسم.. ديمـــه: ايش ياعم لا السالفه فيها إن.. تكلمي قولي قبل أسويها وأدق على الوليــد ريــم: أخ منك هذاك داريه ليش تسألين ديمـــه: لااا بسمعها منك.. نهلا: ريامي عاد تخبين عني.. ريم عدلت جلستها طيب بقولكم وأنا أقدر أسكت عن خبر مثله؟؟ ديمـــه: تعالي لينا وشهلا اسمعوا الإعتراف الخطير لينـا: مع إني ماأحب التطفل مثلكم لكن كلي آذان صاغيه.. نهلا: أممم أنا أعتقد الخبر واصل عند شهلا من قبل صح؟؟ ريــم: بتسكتون أقول لكم ولا لأ ؟؟؟ نهلا: الااا قولي بسرررعه.. ريــم وعادت لها نوبة الخجل وعضت على شفايفها: أمممم الوليــد خطبني.. ديمـــه: دارين بس نبي التفاصيل هاتيهااا بسرررعه ريــم: أوووه عليك يالملقوفه ماكو تفاصيل الوليــد خطبني وبس!! ديمـــه: طيب شهلا تعالي ياعمري شهلا: شعندك؟؟؟ ديمـــه: قومي دقي على فيصلوه هاتي التفاصيل.. شهلا: لا مابدق والتفاصيل عندي ومابقول.. ديمـــه: آآآآخ من هالمذله بس أراويكم يوم خطبتي ماأعلمكم بالتفاصيل أبد نهلا: إيه وقتها أكون مع عريسي ولا أبغى تفاصيلك.. ريــم مسكت شنطتها وطلعت جوالها بتشوف الساعه وهي تقول: حبيبتي ديمـــه يوم خطبتك مابكون فاضيه لك تدرين ليه؟؟ ديمـــه: لا يابعد أمك ماادري ليه؟؟ ريــم: لأنـــه... وقطعت كلامها وشهقت.. ديمـــه: شفييييييك؟؟ نهلا: اسم الله عليك وش القصه؟؟ ريــم: فيـه مسج مسـ.. ج وانقلب لون وجهها للأحمر ديمـــه: طيب والا صار... مسج افرحي فيه من يراسلك مو مثلي خلف الله علي..ماكو أحد نهلا: هااااتي أشوووووف من شاف هالخدود مارجاء خييير منك.. وبعد ماأخذت من ريم الجوال ضحكت بقوة وقال: الله الخبر واصل لها طازة أنتي خاطبك Cnn على غفلة؟؟ ديمـــه: شفيكم؟؟؟ هاتي الجوال بعرف شالقصة( وسحبت الجوال من نهلا) وقرأت المسج لينـا: أنتي وياها ماودكم تعلمونا شالمسج؟؟ ديمـــه: الاااااا ماأقدر أصبر أحس بحكة يقولك المسج ياطويلة العمر((هاااه شرايك بالمفاجأة إن شاءالله أعجبتك؟؟)) باين إن الوليــد قاطها ميانه يا ريــم ريــم: مااااااااالك شغل مو خطيبي؟؟( وسحبت الجوال من ديمـــه)) ديمـــه: الله بالسرعه هذي صار خطيبك؟؟؟ تو الناس؟؟ ريــم: بقووم أنام بخاطركن بدكن شيء؟؟ نهلا: يحق لك تنامين نومه هنيه مو ظامنه مستقبلك.. ياعيني يا إحنا اللي ماذقنا لذيذ المنامي ريــم: أوووه شمعجلكم ياعوانس صبر يجيكم رزقكم..وتبلون رجالكم بشيباتكم!! نهلا: الا هالبزر شهلا من بكره فيــصل بيخطب أكييد مو لقى اللي يشجعه؟؟ ريــم: والله بقووم أنام الحكي معكم خااالص.. أبو ابراهيم: تدرين يا أم فيــصل شكان يبي المفعوص وليــد؟؟؟ أم فيــصل: لا والله شكان يبي؟؟ ابو ابراهيم: قرر يخطب!! أم فيــصل: طيب أبركها من ساعة بس بالوقت هذا غرييب طلبه.. ابو ابراهيم: اسألي مين العروس؟؟ أم فيــصل: أممم ريــم.. ابو ابراهيم: هو قايل لك؟؟ أم فيــصل: لا بس توقعت!!صح توقعي؟؟ ابو ابراهيم: ياساتر منك ايه صح!!! أم سلطان: ماشاءالله والله والعيال كبرت؟؟ ابو ابراهيم: إيييه والله يا أم سلطان بس المهم الحين موافقة العروس.. نهلا: ريمووووووووووه قووووومي يكفي نوووم دخل وقت صلاة العصر الحين؟؟ ريــم: زين خلاص صحيت لا تزعجيني.. وقامت ريــم قامت من فراشها ودخلت دورة المياه.. ديمـــه: أموووت وأعرف شمسوي هالمقرود الوليــد الحين نهلا: شمسوي يعني تلاقي الأرض مو شايلته من الفرحة ذكري ربك بس ديمـــه: بدق عليه بشوووف شمسوي فارس أحلام ريــم نهلا: إيييه فديتك دقي شوفي نفسي أضحك شويه ديمـــه مسكت جوالها ودقت على أخوها فيــصل..وحركت حواجبها بإستغراب!!! نهلا: شبلاك شفيه جوال أخوك؟؟ ديمـــه: جواله مقفل!! غريييييييبه نهلا: زين دقي على فارس أحلام ريــم بعينه نشوف شأخباره.. ريــم: إحم إحم مو كأني سمعت طاري إسمي؟؟شتآمرون عليه؟؟ نهلا: جينا في سيرة القط جانا ينط.. بندق على فارس أحلامك نشوف شأخباره؟؟ ريــم: نععععععععم وأنتي شدخلك فيه؟؟ ديمـــه: أمممم تراكم للحين ماملكتوا عشان كل هالغيرة نهلا: قصدك للحين ماعطته الموافقه أصلا.. لينـا وهي جايه للبنات: الله يهداكم بس وهذي يبيلها موافقة ماالموضوع باين من عنوانه!! ريــم: أووووه ياشييين تغشمركم!! بايخيييييييييين بقوة بعد شهلا: الله يكون بعونك.. ديمـــه: بدق على الوليــد بس بلا صجتكم"" ومسكت جوالها ودقت على الوليــد"" وبعد ماطول يدق رد الوليــد وكان واضح على صوته الثقل.. ديمـــه: هلا الوليــد مابغيت ترد؟؟ الوليــد: إيه كنت نايم والحين شتبين؟؟ ديمـــه: بشوف شأخبارك وأبارك لك بالأخبار الحلوة اللي سمعناها.. الوليــد: الله يبارك بعمرك بس مو بالأول ناخذ موافقة العروس؟؟ ديمـــه: أفاااا عليك ياوليد مايبيلها أنا من الحين أقدر أقول لك مبروك العروس مواقفة ريــم كانت تأشر لـديمـــه من بعيد وتقول بذبحك أنتي مسحوبه من لسانك؟؟ الوليــد: صدق والله ؟؟ ديمـــه: بتقنعني أنك ماتدري قل غيرها مو علينا هاللعب الماصخ الوليــد: طيب خلاص سلمي لي على ريامي.. ديمـــه: ريــم ترى الوليــد يسلم عليك كثير السلام ويقول ولهاااان عليك ياحياتي ريــم تحول وجهها للأحمر وكان ماقدامها غير نهلا تقبصهاوتقول: الله يسلمه ديمـــه: تقول لك ريم الله يسلمك حتى أنا ولهااانة عليك وتقول بعد.. أميري وينها أرضك..بوصل قصرك المسحورأبي موتي على صدرك أموت برجفته ودفاه.. ريــم تضرب ريم بالفوطة وتقول: يابكاشة أنا أقول كذا ولا بنات أفكارك هي اللي تقول كذه؟؟ الوليــد: بل كل هذا من ريم حشا أنا ماخذ شهرزاد؟؟هذي قصة مو كلمة حلوة؟؟ قولي لها أنا أقول مثل ماقلتي.. الصراحة ماعندي شيء حلو.. ديمـــه: خليجي ماعليك شرهه.. الوليــد: أممم طيب الحين أنتي شتبين داقه؟؟ ديمـــه: ماكنت أبيك كنت أبي فيــصل بس قلت أحول عليك منها أعرف ليه جوال فيصل مقفل ومنها أحرجك شويه مع ريــم وأحرج ريــم بعد الوليــد: أهاااا زين فارقي الحين بس كم الساعة راحت علي نومه من الصبح ديمـــه: الله الحين الساعة 4 والله يا ريــم تسوي شيء مايتسوى اللي خلتك كل هذا نايم!! الوليــد: زييييييين بروح أقوم العيال ونصلي وخلونا نشوفكم عند الوالد لكن أنتي مو ضروري تجين ت قعدين لنا بالحلق بس ريم وشهلا الحين حسيت بمعناة فيصلوه.. ديمـــه: أهاا أوكيك أنا أول الحاضرين الوليــد: بااااااي ديمـــه: بايات... وقفلت الخط من الوليــد وهي تضحك عليه وعلى المقلب اللي سوته في ريــم ريــم: إيييه أضحكي أضحكي شعليه يالعمه مبسوووطه ولا في بالك قولتين شيء ماقلته ديمـــه: أبي مصلحتك صراحة خطيبك ما عنده غير الدجه ومو عارف كلمتين حلوتين على بعضها فخليني أعطيه كورسات عشان لا أخذتيه ولا هو بالقليل يعرف يعبر عن الحب!! ريــم: حب بعييييييينك لا عاد تسوينها... نهلا: زين خلونا من كل هذا ريم متى بتردين على أبوي بالموافقة؟؟ ريــم: أممم أتوقع بكره ديمـــه: آه على فكرة ترى الوليــد يقول بيجي بعد شوي لشقة أبوي ويقول خلونا نشوفكم.. لينـا: أكيييييييد مو لنا كل هالوله أكيد لريم ديمـــه: أكيد ولا بعد يالحبيبه؟؟ ...............بالوقت هذا وفي شقة العيال.......... الوليــد صحى العيال من النوم وبحيلة قال لهم أن أبو ابراهيم وعمه دقوا عليه يقولون له يبون يشوفون العيال اليوم..وبيتعشون سوا.. ومجبرين العيال قاموا من النوم وصلوا.. والتقوا البنات والعيال في شقة ابو ابراهيم.. وضع ريــم كانت لا تحسد عليه كانت حتى مو قادرة ترفع عيونها عن الأرض.. فيــصل وهو حاب يحرجها شويه: ريامي أممم شكلك أحصيتي عدد بلاط الشقه ولاأناغلطان ريم: ابتسمت لـفيــصل وهي مو عارفة شترد عليه.. نهلا: الله يهداك يا فيــصل لا غلطان أكيد.. ريم تناظر الأرض صح بس مو تعد البلاطات هي تفكر بشيء ثاني أكيد ولا ياريم؟؟(( وتغمز نهلا بعينها)) ريــم: بكيفك أنتي وياه سووا اللي تبونه أنا بروح البلكونة.. ويوم تخلصون من تريقتكم الماصخة.. بروح السوق..((وقامت ريم للبلكونة وكان الضيق من مزحهم واضح عليها)) الوليــد: زين كذا ضيقتوا صدر البنت؟؟ فيـصل: وأنت شكو هي اللي ضاق صدرها ولا أنت يازينك ساكت بس.. ديمه: زين شرايكم تودونا السوق عشان ريـم يستاسع صدرها؟؟ الوليــد: آآآآخ منك أنتي تستغلين عطفنا عليها.. ديمه: بكييييييفك الخسارة لك يالحبيب الوليــد: زين شرايكم عيال نوديهم للسوق؟؟ فيـصل: أمممم يالله وش عليه نودي للسوق.. ابراهيم: فكرة مو شينة منها نوسع صدورنا ومنها نشوف لنا بدل,,,,, تخاوينا مـاجد؟؟ ماجد: اييييييه أكييييييد فيـصل يهمس لوليد: شجابه هذا لاحول ولا قوة إلا بالله مكتوب علي ماآخذ راحتي أبد بالسفرة الوليــد: عندي لك فكرة بدل الروحه لبكره يوم يكون هالرجال فك عنك!! فيـصل: أقووول عيال شرايكم نأجل الروحة لبكرة ابراهيم+ماجد: لا ليش بكره اليوم..بكره يمكن ننشغل نهلا: يحيا العدل هيييييييييه ابراهيم: زين يالخبلا نهلا دام انك مبسوطه كذه قومي نادي أختي وقولي لهاأننابنروح السوق نهلا: خبلا بعينك بقوم أناديها بس مو عشانك لأ عشاني أبي لها الخير الوليــد: لاااااااا خلك هنا بروح أنا أناديها... تسمح لي يا ابراهيم؟؟ ابراهيم: خذ راااحتك بس مومرة عبود: أحم أحم ماكأن ماكو أحد عزمني؟؟ فيــصل: أفااا أنت مايبيلك عزيمة بتعزم روحك خلقة؟؟ عبود: الله يسلمك الوليــد: بالأذن بروح أشوف ريــم.. واتجه الوليــد لريم في البلكونة..وأول ماأقبل عليها سمع ضحكتها استغرب من سبب هالضحكة القوية لكنه بعد مافتح الباب لقاها تكلم في الجوال.. وقف وراها شوي يتسمع..كانت تقول.. _ والله من جد..حتى أنت لك وحشة..هنا الوضع يطفش حيل بالله عليك أحد يخطب بسويسرا؟ _ تصدقين أنا ولد عمي واللي وجهه بوجهي 24 ساعة توه يفطن يخطبني يوم جينا هنا؟؟ _ لا لسه ماأعطيت الموافقة أنا خايفة صراحة من هالكلمة.. _ لا والله ياأروى خايفة أعطيه الموافقة يكون حبه لي فقط طيش شباب وفترة وتزول.. لا تنسين يا أروى أنه ماكد شاف بنيه من قبل وأنا طلعت له في حياته فجأة وأكيد وحدة وجهها بوجه وغريبه عنه أكيد بيميل لها.. وأخاف ماأوافق أخسر حب عمري!! ابتعد الوليــد شويه للخلف ومسح دمعة حارقة من عيونه وسوى حاله كأنه توه جاي تنحنح وقال: ريــم يالله بنروح للسوق لعيونك بس بنروح.. ريــم كأنها تلخبطت شويه وقالت لصديقاتها: أكلمك بعدين باي باي..والتفتت للوليد الوليــد: هاه شقلتي تروحين ولا لأ..ترى الروحه لك لو ماودك نأجلها.. ريــم: الوليــد أنت من متى وأنت هنا؟؟ الوليــد: ليييه ريــم أنتي خايفة من شيء؟؟((وعقد حواجبه وضيق فتحت عيونه)) ريــم بصوت متردد: لا مو خايفة من شيء بس أنت من متى هنا لأني كنت أكلم صديقتي بموضوع يخصها هي ماتبي أحد يدري فيه.. الوليــد: أهااا صديقتك اللي ماتريد أحد يدري فيه؟؟ لا أنبسطي أنا توني جاي ماسمعت شيء ريــم: زين ليه عيونك حمراء؟؟ الوليــد: هاااه عيوني حمراء أنا..يمكن لأني قبل شويه طخيتها بأصبعي.. ريــم: أشوى بس أنت طخيتها..تعيش وتاكل غيرها يالله نروح؟؟ الوليــد: نروح يالله تفضلي.. ريــم: لا بعدك تفضل أنت الوليــد: لا بعدك حلفت ابراهيم: أهووووه عليكم يالله واحد منكم يمشي كلهم رفعوا روسهم لفوق هاااااااااه أنت من متى هنا... ابراهيم: من يجي 10 دقايق يوم شفت الوليــد تأخر لحقته.. ريــم: وليد من متى كنت هنا؟؟ الوليــد: ماادري يالله بس خلينا نمشي..لا تروح الروحه عليك.. وتارطين مشت ريــم أمام ابراهيم و الوليــد.. همس الوليــد بإذن ابراهيم: فضحتني أنت ووجهك.. ابراهيم: ماأحد قال لك تكذب!!!الكذب حبله قصير.. رمت في روحها على الكنبه وهي تقول: أوه طلعت اليوم للسوق كانت خيال تجنن لينـا: صدقتي يا نهلا بس ريــم اليوم مأعجبتيني في السوق؟؟ ريــم: ليييه ماأعجبتك؟؟ ديمـــه: بما أنني ملقوفة بقول لك ليه.. ياأختي أنتي أول كنت في السوق تفنين بالذوق الجميل أما الحين شوفي مشترياتك أتحداك تلقين بلوزة تركب على تنورة ولا على بنطلون؟؟ ريــم: آه لأني كنت أشتري بلايز للكليه.. نهلا: بلايز للكليه بكم قصير وبدون أكمام؟؟اللي ماخذ عقلك يتهنى فيه فيــصل: الوليــد أنت اليوم في السوق مو عاجبني شفيك؟؟ الوليــد تنهد بقووووة وقال: اقعد يا فيــصل محتاج لك.. فيــصل: شفيك يا الوليــد تكلم؟؟ الوليــد: ريــم فيــصل: شفيها ريــم بعد؟؟؟ الوليــد: تصدق شاكه في حبي لها فيــصل: وأنت كيف عرفت؟؟؟ الوليــد: سمعهتها اليوم تكلم صديقتها وتقول لها((أحس حب وليد طيش شباب أنا أول بنيه يشوفها وأكيد بيحس بأنه يميل لها)) فيــصل: طيب أكيد هي ماكانت تقول الكلام من قلبها.. الوليــد: لا يا فيــصل هي تظن هالشيء هذا..هي قالت لصديقاتها أخاف أوافق يكون حبه فترة وتزول وأخاف ماأوافق أخسر حب عمري.... فيــصل: زين أثبت لها هالشيء تقدر تثبته لها بتصرفاتك معها بعدين هي تحبك صدقني ماتقدر تستغني عنك.. وأنا واثق أنها بتوافق وأنكم إن شاءالله بتزوجون وترى أول ولد فيصل الوليــد: لا أول ولد عبدالله على عمي فيــصل: ولا صارت بنت؟؟ الوليــد: سارة على أمك فيــصل: أوهووووه طيب ثاني ولد الوليــد: هذاك الحين يكون أسمي اللي أبي ممكن أسمي سلطان مثلا وممكن ابراهيم وممكن فيــصل وممكن ماجد.. فيــصل ضحك وقال: تعجبني يالله خلنا نروح للعيال... الوليــد: الا على فكرة فيــصل ماتدري متى بنرجع للسعودية؟؟ فيــصل: والله أنا أسمع أبوي يقول بعد اسبوعين احتمال كبير نرجع للوطن تصدق حنيت له الوليــد: وأنا بعد حنيت له فيــصل: أوهوووووه بدينا بالتقليد.... الوليــد: زين البخ بس البخ.. ابراهيم: زييين اللي شرفتوا أنت وياه بدررررري فيــصل: من عمرك بس كنا ندردش أنا ويا هالحبيب شويه عبود: أقول الوليــد شصار على موضوعك أنت والعروس للحين ماأعطت موافقتها الكريمة؟؟ الوليــد: للحين والله بس أنت شدخلك مو كأنك جاي بالعرض؟؟ عبود: لا مشكلتي جاي بالطول أنا الكل يقول عني نحيف طويل الا أنت تقول عني عرض فيــصل: غلطان الوليــد وين عرض لا يكون هالضعيف هذا نحيف وممشوق القوام أجعد الشعر عسلي العينين ابراهيم: أسهمت بوصفه حييييييييييل يا فيــصل ماجد: أنا أقترح تسكت أنت وياه ونجي بالجد سمعتوا آخر خبر؟؟ الوليــد+فيــصل+عبود+ابراهيم: وشو آخر خبر ماجد: أبوي وعمي جاء لهم تلفون اليوم وقالوا ضروري نرد البلاد بسرعه وحجزوا رحلة على لبنان ومن لبنان للوطن.. عبود: واااااااي كشخة بنروح للبنان شقصتهم أبوي وعمي هالسنة كثير مشونا ماجد: ياربي ثبت علينا نعمة العقل أقول يالخبل مستعجل وهم مالقوا غير هذي الرحلة واضطروا ياخذونها لأنه ماكو رحلة للسعودية على طول..فهمت علي يعني كل اللي بتقعده بلبنان كله ساعات..فهمت والا اسهم لك بالتفهيم.. عبود: لا فهمت خلاص مشكوووووور.. ابراهيم: زين ماعرفت شالمكالمة هذي؟؟ ماجد:الافهمته أنها من الشركة وأبوي وعمي بان عليهم الضيق بعدها شكل الموضوع كايد.. ابراهيم: الله يستر والله غريبة.. الوليــد يهمس لفيصل: ياحظي التعيس.. فيــصل: هذا أكبر همك المشكلة شكلها كايده وأنت كل تفكيرك بمشاعرك؟؟ ابراهيم: زين بالإذن بقوم أنام ماجد: وأنا بعد بروح أنام تصبحون على خير الوليــد+فيــصل+عبود: وأنتم من أهله الله معكم.. عبود: وقفت علينا أنا بإذنكم بروح اطقطق عالنت شويه الوليــد: اذنك قصدي خشمك معك.. فيــصل: وقفت علي أنا وياك أنا بروح أشري أغراض من السوبر ماركت تجي معي؟؟؟ الوليــد: يالله شورانا خلنا نروح.. بس ببدل أول.. فيــصل: وأنا بعد ببدل 10 دقايق ونكون جاهزين وبعد ما تجهزوا..نزلوا للسوبر ماركت واللي كان قريب منهم وعلى رجولهم راحوا له.. وفي السوبر ماركت.... فيــصل: تصدق سوبر ماركت حقهم يذكرني بلندن الوليــد: أقوووول شرايك ناخذ لنا شكولاتات وحلويات ناكلها بالطريق؟؟وبالغرفة وبكل وقت فيــصل: بل دعاية هذي مسوي لي فيها كأنك تشور أنا أحافظ على رشاقتي روح أنت خذلك الوليــد: ياسلاااام توها تجي المحافظة على الرشاقة أقول بس تعال وياي نختار.. فيــصل: أمري لله يالله أختار مجبر ولست مخير!! الوليــد: تصدق حلوياتهم تحير ماأدري شآخذ.. فيــصل: أنا أقولك شتاخذ خذ شيء تكون عارف أنه مافيه منتجات الخنزير الوليــد: تصدق هالنقطة ناسيها تعال بآخذ هذا وهذا وهذا ريامي تحبه فيــصل: وأنا شأخذت لي؟؟ الوليــد: أمممممم بآخذ هذا وهذا لك..يعجبك ولا لأ؟؟ فيــصل: يعجبني الا مشكوووووور.. وبعد ماحاسبوا.. طلعوا من السوبر ماركت.... الوليــد: تصدق ماأحلاه الشارع بالهدوء.. فيــصل: صدقت والله بس أصلا هذا الطريق ماتجيه سيارات كثيره اللي يمشون فيه أكثر.. الوليــد كان ماسك الأكياس بين يدينه وظامهن لصدره ويمشي متقدم على فيصل وهو سرحان فيــصل كان يمشي ورى الوليــد وكان بينهم مسافه وكان يطالع الطريق وهو يقطعه.. انتبه فيــصل فجأة لسيارة جايه ومسرعه صوّت لوليد بينبهه لها بس وليد مارد كان سرحان تقدم فيــصل بسرعة لوليد وكان يبي ينبه الوليــد للسيارة الجاية وهو مسرع بخطواته.. وماحس الوليــد الا بصوت ارتطام شيء..التفت خلفه وماشاف غير دم ورفع راسه لقى فيــصل مرتفع بالهواء تقريبا على بعد متر من السيارة.. شهق الوليــد وصرخ: فيــصل ورمى الأكياس من يده وركض لـفيــصل وكان وقتها فيــصل طاح بالأرض صرخ الوليــد صرخة قوية.. ورفع راس فيــصل من الأرض واسندها على يده.. وصار يكلمه.. لكن فيــصل كان غايب عن الوعي ومو حاس بشيء تم يكلمه ويصوت له لكن فيــصل مارد عليه.. نزل سائق السيارة وطالع فيــصل لكن كان منظر فيــصل جدا سيء فما قدر لف ظهره وكلم على الإسعاف.. تجمهروا الناس حول الحادث..كان الوليــد يطالع اللي حوله ومو قادر يميز الوجيه كان مايشوف غير ضباب أمام عينه وينزل راسه على صدر فيــصل ويبكي بقوه.. سمع الوليــد صوت حشرجه من صدر فيــصل طق خد فيصل وكلمه لكن فيــصل كان يقول كلام ماقدر الوليــد يميزه كان رهبة الموقف أكبر من أنه يفكر شكان فيــصل يتمتم. الوليــد مو عارف شيسوي كان حتى مو قادر يفكر ماكان يسوي غير أنه يصيح على صدر فيــصل.. تلطخ راس الوليــد بالدم لكن مع كذه كان حاط راسه على صدر فيــصل... وجاء الإسعاف ينقل فيــصل..كان الوليــد حالته النفسية متدهورة ومو عارف شيسوي.. ولاهو عارف من يكلم ولا عارف وين يروح... وبما أن الحادث كبيركان الكادر الطبي كبير فماكفت سيارة الإسعاف الوليد فأضطر الوليــد أنه ياقف ينتظر لموزين يمر من المكان..ا لتفت على المكان اللي صار فيه الحادث وحس برغبة بالبكاء لكن رجولته منعته من أنه ينزف دموع أكثر مما نزف.. كان الدم منتشر بالأرض ومختلط الدم مع الأكياس مسك الوليــد راسه وكرر: إنا لله وإنا اليه راجعون.. .....: السلام عليكم.. الوليــد طالع الرجال وهو مو قادر يرد عليه ومو قادر حتى يميز وجه الرجال.. مسك الرجال يد الوليــد وقال له تعال أخوي خلني أوديك بسيارتي.. الوليــد أشر براسه بالموافقة..وكأنه للحين مابعد صحى من الصدمة.. وركب مع الرجال بالسيارة كان الصمت يخيم على السيارة ومافيه أي صوت غير صوت المحركات.. الشوارع كانت خالية وأضوائها خافته حس الوليــد بوحشه مو عارف شسببها ودموعه كانت على خده لكن من غير صوت.. طالع الوليــد يدينه شاف دم يلطخ يدينه وقال بأسى وبصوت كله حزن : ليتها فيني ولا فيك يا فيــصل.. .......: استغفر ربك هذا قدر ومكتوب ومالك فيه يد.. طالع الوليــد الرجال وهو مو عارف شيرد غير برده: إنا لله وإنا إليه راجعون.. وصلوا المستشفى ونزل الوليــد بسرعة ولحقه الرجال.. وصلوا لريسبشن كان الوليــد وده يتكلم ويسأل عن الحادث لكن حس كأن لسانه انلجم حس فيه الرجال اللي وياه فتكلم عنه وسأل الممرضه عن الحادث أجابته الممرضة بأنه وصل قبل شويه ودخلوه غرفة العناية من سمع الوليــد هالكلام الا وطار لغرف العنايه..أخذ الرجال رقم الغرفة ولحقه كانت الغرفة بآخر الممر.. راح الوليــد للغرفة لكن الممرضات رفضوا أنه يدخل وقالوا له أن الدكتور عنده.. أصر الوليــد أنه يدخل لأنه حس أنه لازم يكون جنب فيــصل.. وبعد إصرار الوليــد على الممرضات وبعد موافقة الطبيب وافقوا أنه يدخل للغرفة ويقفل جواله.. طلع من جيبه الجوال ورماه بالأرض وقال بس دخلوني..تكفووون الرجال مازال واقف عند الغرفة وساعة يحاول يهدي الوليــد وساعة كان يقنع الممرضة بأن الوليــد يدخل على فيــصل فلما رمى الوليــد جواله الرجال أخذه من الأرض.. دخل الوليــد على فيــصل كان فيــصل وكأنه جثة هامده مغطيه باللون الأحمر كان شكله يصعب على العدو.. والأجهزة مو تاركة مكان واحد فجسمه.. نزل وليد راسه وتقدم لسرير فيــصل وحط يده على جبهة فيــصل وقال: لا باس ان شاءالله..وأجهش في بكاء عميق.. دخل الدكتور على الغرفة فمسح الوليــد دموعه بسرعة ورفع راسه المترجم: السلام عليكم أنا محمد المترجم حبيت أكون موجود أكون لك بالعون اذا واجهت مشاكل بالتفاهم مع الدكاترة.. الوليــد وهو مو حاس شقاعد يقول: طيب وش جابك؟؟ المترجم طايرة عيونه: أهاا قصدك من قال لي؟؟ الدكتور خبر السفارة وأنا من عند الملحق الطبي للسفارة.. الوليــد: لغة نعرف لغة أنت شعندك بالضبط المترجم: أكون عارف بالخطوات في مثل هالحلات الوليــد: تشرفنا وأنا الوليــد المترجم: هلا بك أخ الوليــد فيه أي أسئلة بتسألها الدكتور لتطمئن على حالة أخوك الوليــد ضحك ضحكة سخرية وطمس راسه وقال: الموضوع باين من عنوانه شتبيني أسأله؟ المترجم: لا ياأخ الوليــد قو إيمانك بالله مافي شيء بعيد على ربك.. الوليــد: مافي بعيد عليه سبحانه.. زين أسأله عن الحالة بشكل عام وترجم محمد السؤال للدكتور وبعد ماعرف الجواب التفت على وليد وقال له: الدكتور يقول وضع أخوك في حالة سيئة جدا واحنا بإنتظار الـ24 ساعة الجاية اذا استقر الوضع نقدر نقول ان شاءالله زال الخطر.. الوليد كان ساكت ومو مبين عليه أنه منتبه للي يقوله المترجم.. محمد: أخ الوليــد أكلمك؟؟ الوليــد: هاه شقلت آسف ماكنت معك.. محمد: الدكتور يقول أن حالة أخوك سيئة جدا جدا واحنا بإنتظار الـ24 ساعة الجاية اذا استقر الوضع نقدر نقول ان شاءالله زال الخطر.. الوليــد: الله كريم الله كريم.. محمد: الدكتور يطلب منا الخروج من الغرفة يقول أن هذا يقلق راحة المريض ويطمئنك أنه هنا تحت المراقبة المشددة وان شاءالله بيكون بخير.. الوليــد: كم الساعة الحين؟؟ محمد: الساعة .0 يالله نكمل كلامنا برى الغرفة.. قام الوليــد والتفت خلفه شاف الرجال اللي قبل لحظات كان يشوفه مثل الحصان الآن هو جثة لا تشعر.. مسك يده وحبها وقال: ماقدامك الا العافية ان شاءالله يالغالي.. وخرج من الغرفة مع المترجم لقى الرجال اللي وصله للمستشفى يستفسر عن حالة فيــصل ناظره الوليــد وقال: وقال أنت مين؟؟ الرجال: أنا اللي نقلتك بسيارتي لهنا الوليــد: أهاا مشكور ماقصرت الرجال: أفا عليك بس الناس للناس والكل بالله ....((وأعطى الوليــد جواله)) الوليــد: ألف شكر.. الرجال: دق كذا مرة وأنت داخل الوليــد: زين طيب.. جلس الوليــد على الكرسي المقابل لغرفة فيــصل وأسند راسه للجدار.. محمد: زين أخ محمد أنا بروح أكمل إجرائات دخول المستشفى ممكن جواز الأخ المريض والفيزا؟؟ الوليــد: الجواز وينه؟؟؟؟ دقيقة من فضلك على ماأعتقد أن الجواز والفيزا بالشقة.. ومسك الجوال وهو كاره يدق على أحد مو قادر يقول له مثل هالخبر لأي كائن.. ..........: نعم شتبي الوليــد: هلا ابراهيم ابراهيم: يالله صباح خير شتبي داق على الفجور؟؟ الوليــد: ابراهيم مو وقته اسمعني.. فيــصل صار له حادث والحين أنا معه بالمستشفى ومحتاجين للجواز والفيزا عشان اكمال الإجرائات تعال بسرررعة ابراهيم: متى صارله الحادث؟؟ وكيف حالته الحين؟؟******/////////// الوليــد: مو وقته الحين بسرعه تعال أنا محتاج لأحد معي يا ابراهيم بسرعه تكفىىىى ابراهيم: مسافة الطريق بس وأكون عندك.. وسكر الجوال من ابراهيم ورجع لحالته السابقة مسند راسه على الجدار كان كل مايقفل عيونه يتذكر منظر فيــصل وهو في الهواء وفي وسط دمه.. كان يتمنى لو أن الوقت يرجع كان يفتدي فيــصل بروحه.. وأخذه تفكيره لبعيييد..ومارجعه للواقع الا صوت ابراهيم ابراهيم: ويييييييينك حفيت وأنا أدورك وليه ماترد على الجوال روعتني عليك يا شيخ.. الوليــد: ماسمعته جبت الجواز والفيزا؟؟ ابراهيم: ايه وطلعهن من جيبه الوليــد: عطهم هذاك الشخص اللي واقف هناك ابراهيم: وهالشخص من يكون؟؟؟ الوليــد: مترجم جاء من السفارة بسرعة عطه الأوراق اللي معك خله يكمل شغله ابراهيم: زين طيب خلاص.. وتقدم ابراهيم لمحمد وسلم عليه وبعد ماتعرفوا على بعض..أعطاه الأوراق وسأله عن حالة فيــصل وقال له محمد نفس الكلام اللي قاله له الدكتور.. ابراهيم: يعني الحالة سيئة للدرجه هذي؟؟ محمد: الصراحة ياأخ ابراهيم كله بيد الله.. ابراهيم: كيف يعني؟؟ كلم الدكتور أبي أدخل أشوفه محمد: ربك كريم فيــصل محتاج لدعواتكم أكثر من أنه محتاج أنكم تاقفون جنب سريره.. ابراهيم: الله يجزاك خير بس أبي أشوفه محمد: صدقني يا ابراهيم مو من مصلحة الكل هالطلب ابراهيم: طيب الله معك.. ورجع عند الوليــد وهو يردد: لاحول ولا قوة الا بالله ابراهيم: الوليــد كيف صار الحادث؟؟ كان الوليد مازال مسند راسه على الجدار غمض عيونه وكأنه يحاول يتذكر اللي صار وقال: ماادري ماادري يا ابراهيم أنا اللي أذكره فيــصل وهو طاير بالهواء والدم منتشر على الأرض... ابراهيم تهقى فيــصل يرجع مثل ماكان؟؟ ابراهيم: ربك كريم كله بيد الله قم نصلي دخل وقت الفجر الوليــد: طيب.. أهلي من يخبرهم باللي صار؟؟ ابراهيم: قم نصلي والصبح الساعة 7 يكونون أهلي قاموا نروح نخبرهم... الوليــد: يالله شهلا المسيكنة شبتسوي ابراهيم: شهلا؟؟شجابها الحين احنا وين وأنت وين؟؟ الوليــد: لا يا ابراهيم من صار اللي صار وأنا مو قادر أمنع تفكيري عن شهلا شبتسوي لا درت لا تنسى أنها مازال سنها صغير وأكيد ماراح تستحمل الصدمة.. ابراهيم: الله يتكفل فيها وفي فيــصل خلنا نصلي بس وندعي لـفيــصل.. قاموا العيال والتقوا مع المترجم عند البوابة وصلوا جماعة ورجعوا لمكانهم.. محمد: أنا من رأيي يا أخوان تروحون للشقة وترجعون الظهر وان شاءالله كل خير الوليــد: وين تبينا نروح ونخلي فيــصل بالحالة هذي أنا ماراح أتحرك من هنا محمد: صدقني وجودك هنا مثل عدمه روحوا للشقة ارتاحوا وبدلوا وطمنوا الأهل وأنا أول مايجد جديد بخبركم.. ابراهيم: مشكووور وماقصرت محمد: ماسويت أكثر من واجبي ممكن بس أرقام أقدر أكلمكم عليها اذا جد أي جديد؟؟؟ الوليــد: شعندكم أنتم ليه تدقون أنا بتم هنا ولا راح أتحرك من هنا الا لما أتطمن على فيصل ابراهيم: آآخ منك يا الوليــد معجبك شكلك ملطخ بالدم الحين؟؟ الوليــد: ايه ملطخ بدم لكن بدم الحبيب دم فيــصل دم الغالي.. ابراهيم: زين شوف نجلس هنا لحد الساعة 7 وبعدها نرد نخبر الأهل ونبدل ونرد هنا الوليــد ضحك ضحكة استهزاء وقال: يصير خير لحد الساعة 7 وبينما هم واقفين الا ويقبل عليهم فوج هائل من الممرضات والأطباء واتجهوا لغرفة فيــصل الوليــد: فيـ ــ ــ ــصل شفيه؟؟؟ المترجم تقدم بسرعة ومسك احد الممرضات على جنب وسألها ردت رد مختصر وسريع.. ابراهيم: شتقووول الممرضة؟؟ محمد: الصراحة تقول أن الحالة ازدادت خطورة والأطباء الحين بيشفونها.. الوليــد قام على حيله وقال: وتبوني أترك فيــصل بعد..يااارب رحمتك وقفوا العيال عند غرفة فيــصل وكان الخوف والقلق مبين في عيونهم..والعبرة تطقطق في حلق كل واحد منهم خاصة وأن رهبة الموقف مو مخليتهم يفكرون في شيء غير حال فيصل ................................ رمى نفسه على الكرسي ووضع راسه بين يدينه وبكى لكن أي بكاء بكاء من قلب وراح فيــصل من بين يديني.. فيــصل تركني تركني للأبد.. مكتوب علي أعيش وحيد.. آه يا فيــصل ليتها فيني ليتها فيني ... ليتها فيني يارب خذني الى حيث أخذت فيــصل.. ابراهيم: إنا لله وإنا اليه راجعون اذكر رربك يا الوليــد مكتوب ومالنا فيه يد ادع له بالرحمه الوليــد: تدري كيف فقدت أعز ناسك بين يديك وأنت مو قادر تسوي شيء؟؟ تدري كيف تفقد أخوك بالدنيا... تدري كيف؟؟؟ ابراهيم أحس أني بختنق... محمد: اذكر ربك يا وليد مايجوز لك ترحم عليه ادعي له بالرحمة مايجوز اللي تسويه الوليــد: الله يرحمك يا فيــصل الله يرحمك.. مسك ابراهيم يد الوليــد وطلعوا من المستشفى...كان الوليــد في حالة يرثى لها... وبعد ماوصلوا الفندق اتجهوا على طول الى شقة ابو ابراهيم..لكن من له نفس يخبر أحد بالخبر السيء على الصبح.. وصلوا باب الشقة طقوا الباب وفتح لهم ابو ابراهيم.. ابو ابراهيم: بسم الله عليك يا وليد شفيك شالدم هذا؟؟ الوليــد: ياليته فيني بس مو فيني ابو ابراهيم: في مين أجل.. ابراهيم: يبه ندخل قبل لا نتكلم.. ابو ابراهيم: اييه أكيد دخلوا وقابلتهم أم فيــصل بسؤال شفيك يا وليد؟؟ بسم الله عليك عسى ماشر أنت عريسنا عاد الوليــد: أي عريس أي عريس؟؟ ابو ابراهيم: الحين ممكن تفهموني السالفة؟؟ ابراهيم: خاله أم فيــصل مشتهين من ايدك قهوة على الصبح.. حست أم فيــصل أن ابراهيم يبغى يكلم أبوه بس.. قامت وهي تقول الله يستر..الله يستر ابو ابراهيم: شفيكم قلقتوني عليكم؟؟ ابراهيم: يبه ماادري من فين أبدأ ولا من فين أنتهي ابو ابراهيم: من النهاية يا ولدي هاتها ابراهيم تنهد بقوة ورفع راسه فوق وقال: يبه من حيث أنتهى بـفيــصل فيصل يطلبك الحل.. ابو ابراهيم يطالع وليد وكأنه يبي وليد يكذب الخبر..لكن عيون وليد أكدت له الخبر.. ابو ابراهيم: مسح دمعته ومافي أقوى من أنه يفقد ولده يفقد ولده بين عشية وضحاها..يفقد سنده بالحياة.. حس كأن اللي صار سكين طعنه في صدره وسكت فترة يفكر بالصدمة اللي صارت له.. حس أن الدنيا أظلمت بعينه .. وبعد لحظة صمت.. كيف ووين؟؟ وليش توكم تقولون لي؟؟ تكلم الوليــد: مابغينا نزعجك ياعمي صار لـفيصل حادث الفجر وتوفى قبل ساعة تقريبا ابو ابراهيم: تزعجوني كيف تزعجوني حرمتوني من السلام على ولدي بلحظاته الأخيرة ياليتكم أزعجتوني ولكني شفت ولدي ياليتكم... الوليــد: بس ياعمي بس تكفى لا تقطع قلبي أنا خلقة متقطع قلبي عليه.. ابو ابراهيم: اليوم طيارتنا للبلاد على الساعة الفجر وماأبي الحريم يدرون بأي شيء والخبر بيني وبينكم وبين عمكم مفهووم والجثمان ينقل ان شاءالله... الوليــد: زين شنقول لهم لا سألونا عن فيــصل ابو ابراهيم: قولوا لهم فيــصل صار له حادث وبينقلونه بطيارة المستشفى الخاصة للوطن.. ابراهيم+الوليــد: ان شاءالله ابو ابراهيم: الحين روحوا بدلوا وتجهزوا للسفر وبشوف لنا واسطة يكملون فيها الإجراءات بسرعة والله يرحمك يا فيــصل الوليــد: لا يبه أنا ماراح أتحرك من هنا الا وجثمان فيــصل معنا.. ابراهيم: وأنا بعد.. ابو ابراهيم: اذا طولنا الجلسة بتصر أمه وخواته يشوفونه وحنا ماودنا نضيق صدرهم هنا مافيه غير عمكم يروح مع الأهل للوطن وإحنا نتم هنا لحد مانكمل الإجراءات... ابراهيم: لكن مصيرأهلي يدرون الحين ولا بعدين.. ابو ابراهيم: بتفق مع عمكم يخبرهم بعد مايصلون للوطن ويرتاحون لكن عمكم مايقدر يواجههم في الخبر لحاله بحاجه لك يا ابراهيم تكون معه وانا ووليد نكفي هنا ابراهيم: ان شاءالله.. الوليــد: طيب ياعمي كم يبغى له نقل الجثمـــ((وهنا دخلت أم فيــصل))لفق الموضوع الوليــد وقال كم يبيله النقل بالطيارة الخاصة.. ابو ابراهيم: الصراحة أنا جاهل بالأمور هذي أم فيــصل: شفيييييييييكم؟؟ ابو ابراهيم: زين أنك سألتي طيحتي عني نصف المشوار.. أم فيــصل: زين شفيه طيحتوا قلبي ابو ابراهيم: أنتي حرمة عاقلة وفاهمة وتؤمنين قضاء ربك وقدره فيــصل صار له حادث والحين هو بالمستشفى.. أم فيــصل وقفت على حيلها: شتقووول أنت؟؟ الوليــد: ياخاله كل أمر ربك والله أراد له هالشيء... حست أم فيــصل كأن الدنيا تلف فيها..وماعادت تحس باللي يصير حولها.. ابراهيم: خاله خاله وصار يطق خدها ويناديها خاله.. الوليــد: مسكينة هذا وهي مادرت باللي صار صدق داخت أجل لو تدري شيصير فيها ابراهيم: وليد مو وقته الحقنا بسرعة بعطر تلفت حوله ومالقى غير منديل معطر فكه من القرطاسه..ومده بسرعه لابراهيم ابو ابراهيم: كان مابين يدافع عبراته على ولده ومابين تفكيره السارح ولكنه جمد شوي وقال: بسم الله عليك ومسك يدها وهو يحاول يصحيها ابراهيم أخذ المنديل وحطه عند أنفها لحد ماصحت من الدوخة.. أم فيــصل: فيــصل شفيه؟؟ياويلي على ولدي ابو ابراهيم: ولدك مافيه الا العافيه أم فيــصل: أبي أشوفه الحين الحين ابو ابراهيم: فيــصل مافيه الا كل خير بس حادث وممنوعه الزيارة عنه..واليوم ان شاءالله بتردون للسعودية وكلها كم اسبوع ونلحقكم أنا ووليد و...و... فيــصل أم فيــصل: لا ماأرد الا مع ولدي ابو ابراهيم: أنتي ياأم فيــصل وراك مسئوليات ومايصير تتركينها ولازم تردين واحنا بنلحقكم أم فيــصل: مدري ليه بس أحس أني مو مطمئنة لكلامكم.. ابراهيم ولدي قل لي الصدق ابراهيم: هذا الصدق ياخالة أم فيــصل نقلت عيونها بين الوليــد و ابراهيم وابو ابراهيم وهي تقول: أحس أنكم تكذبون بس بجاريكم وأمري لله.. الوليــد: تنهد بقوة وقال: عن أذنكم بروح أتسبح وأبدل.. ماكان عارف شاللي يخيليه بالوقت هذا يقوم يتسبح لكن كان كل ظنه هو الهروب من الواقع اللي انحط فيه الوليــد وهو أنه يفقد صاحبه وأخوه وصديق عمره ويفقده للأبد.. مشى الوليــد بخطى ثقيله لغرفته مثل ماكان الوقت يمر عليه ثقيل.. كان يفكر بحياته وكيف راح يلقى للفرح طعم من بعد فيــصل كيف بيعيش حياته.. و فيــصل اللي كان يرافقه بحله وترحاله الحين مو قادر يسمع حتى صوته.. راح فيــصل لكن بقت له السيرة الحسنة اللي تركت انطباعها على الجميع..وأثناء ما الوليــد يمشي مر من غرفة البنات.. التفت للغرفة بأسى ماكان عارف شسببه لكنه أدرك فيما بعد أن الأسى هو أسى على حال شهلا لادرت أو يمكن أسى لحاله قبل كل شيء.. مشى بطريقه وكأنه يمشي بطريق طويل مو عارف له نهاية والوجيه كأنها أول مرة يشوفها.. وقف عند باب غرفة العيال..سمع صوت منادي.. …….: M.S can I take garbage طالعه الوليــد بنظرة متفحصه.. أدرك أنه عامل النظافة.. لكنه اكتفى بالصمت ودخل الغرفة .................................................... فتحت عيونها مفزوعة وصرخت صرخة دوى صداها بالغرفة.. ريــم: بسم الله عليك(( وقامت تركض لسرير شهلا)) لينـا واللي كان سريرها الأقرب لسرير شهلا .. مسكت جيك المويه وصبت لها كاس ومدت الكاس لها وهي تسمي عليها وتقول: شفيك بسم الله عليك.. شهلا مسكت كاس المويه بيد ترتجف خوف وقربتها من شفايفها ورشفت منها رشفة.ماأدري حلمت كابوس مايطمن بـفيــصل... أخاف فيه شيء بس؟؟ دقوا على الوليــد ريــم: لا يابنت الحلال هذا أكيد أنك مثقلة البارحة ونمتي وأنتي تفكرين بفارس أحلامك شهلا: لا يا ريــم فيــصل فيه شيء فيه شيء لينـا: تفائلي بالخير أنتي ووجهك.. شهلا: صدقوني اللي أنا شفته مايبشر بخير..((ومن غيرحيلها صارت تبكي)) ريــم صعب عليها حال شهلا قامت ومسكت جوالها وقالت عشان أريحك بدق عليهم.. لقت ريم في جوالها مسج جديد فتحت المسج ولقته من فيــصل.. ضحكت والتفتت على شهلا وقالت شفتي يا شهلا لاقلت لك فارس أحلامك مافيه الا العافيه..كاهو مرسل لي مسج شحلاته.. شهلا: ريم المسج مو دليل دقي عليهم تكفيييين يمكن يكون أرسل المسج بالليل ريــم: فعلا وقت الإرسال الساعة 1.55 بس بدق عشان تطمئنين.. دقت على جوال فيــصل ودق لآخر دقه ماأحد رد.. شهلا: شفتي فيه شيء.. لينـا: آآآخ منك تفائلي بالخير يعني ماتعرفين نوم فيــصل؟؟ لو عنده قنابل ماقام شهلا: لا طيب دقي على الوليــد ريــم: بدق وأمري لله... ودقت على جوال الوليــد لكن الجوال كان مقفل..حست بالخوف لكنها حبت تبعده عن البنات ريــم: الوليــد عادته يقفل الجوال قبل ينام.. شهلا: يا ريــم على مين تقولين هالكلام أنا اللي أعرفه الوليــد مايقفل جواله الا اذا بغى يبدل الشرايح دقي على ابراهيم فيــصل أكيد فيه شيء دقت ريم على ابراهيم وبعد طول انتظار رد عليها ابراهيم.. ابراهيم: هلا ريــم: صباح الخير.. ابراهيم: هلا ريــم: أنت ماعندك غير هلا؟؟(( بالوقت هذا شهلا كانت ميته قهر وتشر لها عشان تسأله)) ابراهيم: هلا شتبيني أقوول؟؟ الحين ممكن أفهم شتبين داقه على الصبح؟؟ ريــم: زين أكلتني بقشوري ابراهيم شفيه صوتك متغير؟؟؟؟؟؟؟ ابراهيم: هاه صوتي متغير صدق؟؟ يمكن؟؟ بداية انفلونزا ريــم كانت بقلبها تقول أنا أعرف صوتك عدل واللي معك مو بداية انفلونزا كان ودها تسأله عن اللي فيه لكن ماحبت تزيد النار اشتعال بقلب شهلا وتصدق شكوكها.. ريــم: أممم ياولد الحلال شهلا صجتنا تقول أنها حلمانة كابوس بـفيــصل وأنه فيع شيء ابراهيم: هاااه مين فيــصل؟؟؟ شهلا؟؟ هو يعني؟؟بس لا هو مافيه الا كل خير هو.. وحاس أن العبرة خانقته لكنه تدارك الموضوع وقال... هو نايم.. ريــم: اهااا الحمد لله أن مافيه الا كل خير..(( لكن حست أن قلبها يقول كلام ثاني والدليل لعثمة ابراهيم وصوته المتغير..)) ابراهيم: طمني شهلا وقولي لها ترجع تنام فيــصل مافيه الا الخير ان شاءالله..بخاطرك ياريم ريم: الله معك...وقفلت الجوال من أخوها وهي وكأنها مومصدقة وهواجيسها تروح وتجي فيها..وقلبها نغزها لكن تحملت على روحها..وابتسمت لشهلا وهي تقول: ارتحتي؟؟ شهلا حطت راسها على ركبتها وهي تقول: لا ماارتحت ماارتاح حتى أشوف فيــصل أمامي ريــم: زين نامي بس نامي والظهر أكيد بنشوفهم في شقة أبوي..ان أراد الله شهلا.. مسكت غطاء سريرها وغطت فيه وجهها.. لينـا رجعت لسريرها مع أنها كانت خايفة على شهلا لكن كانت رغبتها في النوم أكبر من أنها تفكر في شهلا..بحيث أنها أول ماحطت راسها على مخدتها نامت ريــم رجعت سريرها وكأنها بتنام لكن تفكيرها كان مشغول بحال ابراهيم وقت ماكلمته صوته ماأعجبهاولعثمته بالكلام أكدت لهاأنه في شيء ماحاصل بالموضوع..بس ماحبت تقلق شهلا .............. وفي شقة أبو ابراهيم............... ابو ابراهيم كان أغلب الوقت سرحان والحزن واضح عليه وهذا اللي زاد شكوك أم فيــصل بالوضع.. لكنها أحتبست كلماتها وعبراتها بحلقها.. ابو ابراهيم: يقطع الصمت: عن أذنك ياأم فيــصل بطلع بره أم فيــصل: ويييييييييييييييين؟؟؟ ابو ابراهيم: لا بس بروح أشم هواء..بالحديقة أم فيــصل: أجي معك؟؟؟ ابو ابراهيم: لاا خلك هنا لاجاء أخوي وزوجته تكونين موجوده.. طلع ابو ابراهيم من الشفة وهو حاس أنه مخنوووق لكن ماكان قادر يفك هالشحنة عند زوجته.. وفعلا مشى للحديقة كان كل شاب خليجي بعمر فيــصل يلفت انتباهه والمنطقة اللي هم كانوا ساكنين فيها كانت كلها خليجيين.. جلس على كرسي الحديقة وكان مبحر في تفكيره لبعيد.. اللهم لا اعتراض على قدرك..اللهم لا اعتراض على قدرك.. مالله أراد لك يا فيــصل حياة بدنيتك لكن الله أراد لك حياة في وسط قلوبنا.. مسح دمعته.. كانت دمعه حارقة ودمعة الأبوه مالها مثيل دمعة حنان..حزن.. دمعة حنين.. تنهد بقوة ورفع عينه للسماء.. نقل بصره بين الموجودين بالحديقة اثاره شاب في عمر فيــصل أو أكبر شوي كان يلعب مع اخوانه كورة.. وفجأة ودون أي سابق انذار.. كانت الكورة اللي يلعب فيها الولد عند رجوله.. مسك ابو ابراهيم الكورة بقوه ورماها بالجو وكأنه طلع كل شحنة الغضب والقهر اللي في صدره على هالكورة...وتم يذكر الله ويقول الموت حق.. وصورة فيــصل ماتفارقه لحظة وحدة.. ........................................................................... وقف وهو حاس أن الأرض مو قادرة تشيله.. توجه لسرير فيــصل.. الحنين رجعه للسرير جلس عليه تذكر صاحب السرير واعتصر قلبه له.. .......: اذكر ربك هذي حال الدنيا حيا وموت.. الوليــد: حياة وموت ايه نعم حياة وموت.. تعلمني يا ابراهيم وأنا أكثر من واجه معناة من الموت.. ابراهيم ليه أنا كل ماتعودت على شخص وحبيته مات؟؟؟ ليه أنا اللي أفقد أهلي وأنا حتى سن التمييز مابلغته.. ليه أنا بس اللي بعد ماتعلقت بسلطان.. الله أخذ أمانته.. ليه بعد ماأحب فيــصل وأحسه أكثر من أخوي .... يروح و....(( وهنا قاطعه ابراهيم.. بس يا الوليــد لا تكمل.. لاتكمل... لاتظن أنك وحدك اللي قاسيت من هالنقطة.. نسيت ياوليد أننا كلنا عانينا من هالشيء؟؟أنا فقدت أمي.. وفقدت سلطان من قبل والحين أفقد أخوي فيــصل وليد النار اللي تكويك تكويني.. واللي جاك كله جاني.. لكن مالي على حكم الله اعتراض استغفر ربك.. الوليــد: استغفر الله استغفر الله...وكانت دموعه مغرقة عيونه.. .............................................................................. ابو سلطان: متى صار هالشيء وكيف وليه توك تقول لي.. ابو ابراهيم: أنا مادريت الا قبل 4 ساعات... لكن الله أراد وأخذ أمانته.. ابو سلطان: لاحول ولاقوة الا بالله العلي العظيم.. شبتسوي الحين؟؟ ابو ابراهيم: والله مادري وأنا أخوك اليوم بالطول بالعرض لازم تردون البلاد وأنا ويا الوليــد بنتم هنا نكمل الإجراءات لكن بعد ماتردون البلاد وتستريحون تجمعون البيتين في بيتك وتخبرهم بالخبر يمكن يكون الوضع أنسب من هالوضع.. .............................................................................. ريــم: بنااااااااااااااااااات اصحوا يالله أبوي دق علي وطالبنا ضروري الحين.. شهلا: فيــصل فيه شيء؟؟ ريــم: تفائلي بالخير ماادري بس طلبنا وبالضبط ماادري شعنده الحين نروح له.. ديمـــه: ياخبر اليوم بقروش بكره ببلاش.. نهلا: لايكون نيته نرد البلاد والله أعجيتني الجلسه وماودي أرد.. وبسرعة لبسوا حجاباتهم وانطلقوا بسرعة الريح لغرفة ابو ابراهيم..وعند الباب قابلوا الوليــد... ديمـــه: احم احم نحن هنا السلام لله.. نهلا: لا الولد رااايح فيها تفكيييييييير طالعهم الوليــد بنظره سخرية ودخل الغرفة وهو يقول.. ادخلوا داخل ابوي طالبنا.. ماجد: ارفق على البنات أنت؟؟ الوليــد اكتفى بالصمت وهو يقول بينه وبين نفسه والله مو داريين في اللي بقلبي... ابو ابراهيم: زين جيتوا بالوقت نفسه...الصراحة أنا جامعكم كنت بقول لكم((وهنا شهلا قاطعته وقالت فيــصل ويييييييييييييينه؟؟؟)) ماجد: ايه صدق وين فيــصل ماشفته اليوم.. ابو ابراهيم: فيــصل صار له حادث.. ونقل للمستشفى.. شهلا صرخت بقوه وقالت تكذبوني لا قلت لكم قلبي يقول أن فيــصل فيه شيء.. تكذبوني.. ريــم مسكتها وجلستها على الكرسي وهي تقول خلينا نسمع اللي يقول ابوي شهلا جلست وهي تصيح وتقول اعذرني ياعمي.. ابو ابراهيم: ماتنلامين يابنتي.. ديمـــه: طيب كيف حالته اليوم..؟؟؟ ابو ابراهيم مابغى يأملهم لكنه قال: حالته الصحية ماتبشر بخير فيــصل محتاج لدعواتكم.. الكل كان مبين عليه الشدوه والإستغراب والحزن بنفس الوقت عدى ماجد اللي كانت انفعلاته بارده جدا.. ابو ابراهيم يكمل كلامه: اليوم أنتم بتردون البلاد وأنا ووليد بنتم هنا نكمل إجراءات نقل فيــصل والله يدبر اللي فيه خير.. الكل كان يرقب ردة فعل شهلا.. كانت دموعها على خدها والبنات حولها يواسونها ويطمنوها بكل خير.. تنحنح الوليــد بقوة وقرب من شهلا وقال: شهلا لو فيــصل معنا ماكان خلى دمعه وحدة تسقط من عينك.. ريــم: ايه صح الوليــد ممكن تجيب لها ماء؟؟ الوليــد طالعها باستغراب بس قام من مكانه منقاد لأوامرها وراح للمطبخ.. ردة فعل ريــم خلت اللي حولها يستغربون من تصرفها.. ريــم جلست على الكرسي وأرخت عضلاتها شويه.. الوليــد جاب الماء لشهلا ومدها لها.. ابو ابراهيم: الحين تقدرون تروحون تجهزون أغراضكم.. السفر اليوم الساعةالليل.. تفرقت المجموعه..والكل لغرفته يكمل شغله ويجهز أغراضه.. ................................................................في غرفة البنات................. شهلا من جت رمت في روحها على سريرها وراحت بنوبة من البكاء.. وباقي البنات كانوا يجهزون الأغراض.. وتكفلوا بضف أغراض شهلا... ريــم بعد ماانتهت من ضف أغراضها جلست على الكرسي الوحيد في البلكونه وأعادت شريط اليوم..من بداية اليوم الا أن وصلت بعد أن خبرهم أبوها بحادث فيــصل وبالذات الموقف لما كانت شهلا تبكي وبعد مابغى الوليــد يهديها حاولت أنها تصرفه.. حست بتفاهة موقفها وفسرت أنها يمكن تكون غيرة.. ممكن أنها تعودت أنها تكون محط اهتمامه وبعد ماوضح اهتمامه في شهلا حست بنار الغيرة.. سمعوا البنات صوت طرق على الباب... ريــم: ميييييين؟؟؟؟ .....: أنا الوليــد افتحي جهزتوا الشنط؟؟؟ ريــم فتحت الباب وهي تقول ايه ونزلناها تحت.. الوليــد: زين يالله نوديكم المطار.. ريــم: طيب دقايق أكالم البنات الوليــد: ريــم اصبري شهلا شأخبارها؟؟ ريــم ناظرته من فوق لتحت شهلا بخير.. الوليــد حس أن ريــم تغار اذا الوليــد سأل عن شهلا..لكن مع كذه حس بالفرح لأنها تغارعليه ودقايق وكل البنات كانوا متجهزين.. نزل الوليــد معهم للدور اللي تحت بحيث تجمع الكل وراحوا ابو ابراهيم ووليد يودعونهم في المطار... وفي المطار وبعد ما حطوا كل الشنط ومابقى غير أنهم يركبون الطيارة.. الوليــد: ريم بغيتي شيء أجيبه معي وأنا جاي؟؟ ريــم: أشرت براسها لأ.. الوليــد: عالعموم لو بغيتوا شيء..دقوا علي خبروني.. ريــم: طيب ان شاءالله بس حط بالك على روحك زين.. الوليــد: ان شاءالله.والتفت الوليــد للجهة الثانية وهو يقول: أكره لحظات الوداع.. وأخاف من سيرة الموت.. واللي عانيته منه شويه؟؟ ريــم: تقول شيء؟؟ الوليــد: سلامتك أقول الله يجيبنا لكم بالسلامة.. وبعد ماابعدت ريــم شوي وكان الوليــد باقي على وقفته يطالعها وهي تبعد عنه حتى اختفت بين الجموع..حس بحركة خلفه وقبل مايلتفت.. ضرب ابراهيم على كتف الوليــد وهو يقول: الوليــد شد حيلك البقاء براسك.. الوليــد: والله يا ابراهيم الحياة بتكون صعبة ومن المستحيل أتعود عليها من غير فيــصل الله يرحمه ابراهيم: الحياة بتكون علينا كلنا صعبة لكن تذكر ياوليد الحزن محله في القلب.. الوليــد: صدقت.. يا ابراهيم ولف عليه وضمه بقوة.. ماجد: احم احم مالنا حق من هالضم؟؟ الوليــد لف عليه وضمه وحبه.. وللمرة الأولى الوليــد ضم ماجد من قلب..ماكان يدري شالسبب اللي خلاه يسوي كذا.. وودعوا ابو ابراهيم ووليد الأهل ورافقوهم حتى ركبوا الطيارة.. وردوا وليد وابو ابراهيم سلموا الغرف و أخذوا لهم غرفة في مكان ثاني قريب من السفارة.. وبعد ماأخذوا لهم راحه.. وهي بالأصح مو راحة الا هي خلوة اختلى كل واحد في روحه وصار يفكر باللي صار واللي بيصير... تفكير وليد وابو ابراهيم كان مشغول بنقل الجثمان والحياة الجديدة من دون فيــصل.. فيــصل اللي كان مثل البلسم للجميع مالي البيت بخفة دمه.. ابو ابراهيم: وليد دقوا علي الملحق الطبي للسفارة ويبونا نجي نكمل الإجراءات وأنا شفت لنا واسطة بحيث نخلص من الموضوع بأسرع وقت ونرجع للوطن ندفن.. فيــ ـ ـ ـصل((وخنقت العبرة ابو ابراهيم وصار التغير في صوته واضح لكنه مع كذه كان يداري دمعته)) الوليــد تنهد بقوة: ان شاءالله نروح الحين بس أبدل دخل الوليــد غرفته.. قرب من شنطته بيفتحها وتذكر أغراض فيــصل.. طلع يركض لأبوه الوليــد: عمي أغراض فيــصل شسويتي فيها؟؟ ابو ابراهيم: أغراض فيــصل سبقتك للسعودية.. رجع الوليــد يبدل وبقلبه شايل حزن وهم ماتشيله مدينه.. .....وفي الملحق الطبي للسفارة...... دخلوا الملحق والضيق باين في عيونهم تلفتوا يمين وشمال وشاف الوليــد محمد المترجم.. كان محمد في استقبالهم.. الوليــد: عمي هذا المترجم اللي كان موجود معنا وقت وفاة المرحوم تقدموا يمه وسلموا عليه وأخذوا منه ملخص باللي مفروض يسوونه.. محمد: بس الحين ضروري نروح المستشفى ليتم تسجيل التعرف على الجثة وبعدها نكمل الإجراءات على المطلوب.. ابو ابراهيم: نروح يالله.. وصلوا المستشفى ووليد كان يطالع الأسياب وكأنه يشتكي لها من ضيم الدهر.. كأنه يحس أنه بيختنق وهو يتذكر اللحظات اللي دخل فيهن مفزوع.. على فيــصل ومو عارف شالمستقبل اللي منتظر فيــصل.. تقدموا لغرفة كبيرة.. وكانت تتقدمهم ممرضة وبعد مادخلوا الغرفة اكتشف الوليــد إنها ثلاجة الموتى ... وحس أنه الحين بيلقى جثة أخوه..وفعلا بس فكر بالتفكير هذا الا وسحبت الممرضة الدرج اللي فيه الجثة في ثلاجة الموتى.. وقعت عيون الوليــد على عيون فيــصل كانت شاخصة لفوق..حس الوليــد بنوبة صياح ماأمهلته بكى وهو واقف عند الثلاجة بكاء مثل بكاء الأطفال..مسكه ابو ابراهيم واللي كانت دمعاته في عينه..اذكر ربك يا الوليــد هذا كاس كلنا شاربين منه.. الوليــد: ياعمي شكله يفزع.. والله صعب علي.. ابو ابراهيم: صعب علينا كلنا ياولدي..بس الله يعيننا...خلنا نطلع نكمل الإجراءات يالله... ........................................................................................................ ربطوا أحزمة الأمان بعد ماجاءتهم الأوامر بالشيء هذا لأنهم على وصول الى لبنان.. وهبطت الطائرة ونزلوا منها.. على ساحة الانتظار ينتظرون الطايرة اللي بتنقلهم للسعوديه.. شهودي وبكل براءة الطفوله: بابا فيــصل ولد عمي عبدالله مات؟؟؟ ابو سلطان واللي بان عليه اللخبطة ومو عارف شيقول لها وبنفس الوقت يحاول يسكتها: لا من قال لك هالحكي ادعي له بس بالشفاء... شهودي: الا أنا سمعتكم تتكلمون.. ابو سلطان: لا ياابنيتي اللي مات فيــصل ولد جيران بيت عمك عبدالله تعرفينه...؟؟؟ شهودي: لا مااعرفه؟؟ ابو سلطان: ايه ولد جيرانهم فيبيتهم القديم.. شهودي: زين فيــصل ولد عمي ليييه تعبان؟؟ ابو سلطان: صار له حادث سيارة بس أنتي ادعي ربك ان الله يشفيه.. شهودي: يااااارب اشفي فيــصل عشان شهلا أختي ماتبكي...ياااارب ابو سلطان: مسح دمعته لما سمع كلام شهد.. وكان وده يصرف شهودي لاتزيد عليه الوجع وجعين.. قال: شهودي حبيبتي روحي اشري لي عصير من البوفيه أخذت شهد الفلوس من ابوها وانطلقت تركض للبوفيه وفي عيونها ضحكة الطفوله.... مرت فطريقها على شهلا اللي كانت حاطه يدها على راسها وتبكي..زحمت روحها بين زحمة البنات ودخلت وقفت أمام شهلا ومسكت يد شهلا وهي تبتسم وتقول لها شهوله فيــصل طيب ان شاءالله وبحركة عفويه رفعت يدها لفوق وهي تقول يااارب تشفي فيــصل ورجعت تركض ببرائتها متجهه للبوفيه!! طالعت ريــم شهوده وهي تركض بكل براءة الطفولة مسحت دمعتها وهي تمزجها بابتسامه وتطالع شهودي اللي بدأت تختفي عن نظرهم.. ............................................................................................................ أسند راسه للجدار وهو يقول بينه وبين نفسه: وعدتك يا فيــصل أمشي بموكب عرسك لكني الحين أمشي لأخلص إجراءات نقل جنازتك... اللهم لا اعتراض على حكمك..... .......... بعد مرور يومين وبعد ماهدت الأوضاع عند الأهل في الوطن قرر العم ابو سلطان أنه يجمعهم في بيته ويخبرهم بوفاة فيــصل........ الجده واللي جابوها بعد ماوصلوا بيومين من بيت أختها وقالوا لها أن فيــصل صار له حادث وطبعا صدمها الخبر مثل ماصدم غيرها... الجدة: أقول ياابو سلطان أحس في عيونك كلام ودك تقوله قل ياولدي.. اذا تبيني أخطب لك مرة ثانيه أخطب لك زينة البنات.. أنت بس آمر... تنهد أبو سلطان وبقلبه يقول أنا وين وأنت وين..هالموقف كان أصعب موقف يحط فيه ابو سلطان كان كل مافكر في فيــصل تجي صورة سلطان ولده أمام عينه وموقف أمه من وفاته كان خايف أكثر شيء على أم فيــصل لا يجيها شيء بعد ماتسمع الخبر...نقل نظره بين الموجودين وقال: ايه والله يمه عندي كلام ماادري من فين أبتدي فيه؟؟ الكل موجود؟؟؟ شهودي: بابا البنات فوق أكالمهم؟؟ ابو سلطان: أكيد روحي كالميهم هذا الموضوع يخص الجميع... أم فيــصل: أقلقتنا ياابو سلطان خير ان شاءالله.. ابو سلطان: خير ان شاءالله..بس البنات يجون بالأول.. البنات: كانا جينا طلبتنا بشيء يبه؟؟ ابو سلطان: إيه اجلسوا يابناتي فيه موضوع لازم أكلمكم فيه.. ديمه ونهلا يتناظرون ويقولون لبعض: من اللي انخطب أنا ولا أنتي؟؟ ريــم تقطع كلامهم وتقول: عمي وجهه مايطمن هذه أكيد مصيبة بس الله يستر... ابو سلطان: والله ماادري من فين أبتدي؟؟؟ لكن اللي بقوله..والتفت يناظر ابراهيم... ام فيــصل: ولدي فيــصل فيه شيء؟؟؟بعد ماقالت هالكلمة وضح الفزع بعين شهلا.. ابو سلطان: فيــصل... ايه يا فيــصل شهلا: يبه فيــصل شفيه؟؟؟ ابو سلطان: البقاء براسك يابنتي... أم فيــصل: ولدي لا لا.. مو معقووول.. ابو سلطان: هذي حكمة ربك ياأم فيــصل.. والموت كاس الكل شارب منه..اطلبوا المغفرة له أم فيــصل: آه قلبي كان قايل لي مو خير.. شهلا: فيــصل لا لا صح يبه فيــصل لا مامات أنتم تمزحون صح؟؟ أكيد تمزحون.. ماجد يمزحون صح بيسون فيني مقلب...تصيح وتضحك... ايه تمزحون فيــصل مايروح ويتركني فيــصل وعدني نبقى سوا للأبد..للأبد.. ورمت روحها على الكرسي و صارت تبكي.. فيــصل حي صح حي..موجود الحين بيكلمني ... بس ماراح أقول له أنكم تفاولون عليه بالشر... ابو سلطان: أم سلطان شيلي البنت لغرفتها خليها ترتاح.. أم سلطان: آه على حالك يابنتي مو قادرة تصدق قومي ياشهلا.. شهلا كانت تبكي بصوت عالي وأوقات تضحك بصوت عالي تقول: مامات أنتم تفهمون مامات ديمـــه: نقلت عيونها بين الجالسين وهي تدفع عبرتها كيف لأ و فيــصل هو توأم روحها قبل لا يصير أخوها!! حالة شهلا أثرت بالكل لحظتها نسوا حزنهم على فيــصل وأفزعهم موقف شهلا المسكينة مو قادرة تتقبل الصدمة كانت قويه عليها.. مو سهل عليها تفقد حب عمرها.. تفقد خطيبها..